Hosea 13:4 - MUKANDA USANDU WA ZAMBI 1975

⁴ Yami nguli Yehova Zambi yenu chize ku chifuchi cha Engitu. Kunwanyingikine Zambi niumwe shina yami, kukushi niumwe chilamwina shina yami wika.

Mukanda Wa Zambi 1970

⁴ Mwene Zambi kanambe ngwenyi: “Yami nguli Mwene Zambi, Zambi yenu, yoze wanutuhwishile mu chifuchi cha Egiptu, kunushi ni Zambi mukwo shina yami. Yami wika nguli chilamwina chenu.

Hosea 13:4 Iomraidhean Croise

1 MIANANGANA 18:35

Zambi muka hakachi ka mazambi a yifuchi yeswe hapulula chifuchi chenyi ku kwoko liami, mba nunyonge ngwenu, Yehova mapulula Yerusaleme ku kwoko lienyi?

Izaya 43:3

Mumu nguli Yehova Zambi ye, mwe Musandu wa Izalele, Chilamwina che. Nahanyine Engitu kupwa ndando ya ukule we. Nakulanjile ni Etiopia ni Sepa.

Hosea 11:1

Muze Izalele wapwile mwana namuzangile. Ku Engitu nasanyikine mwanami wa lunga.

Hosea 12:10

Yami nahanjikile kuli aprofeta; yami nokesele usolwelo, nikuhana yishima ku makanwa ja aprofeta.

Hosea 12:9

Ami nguli Yehova Zambi yenu chize ku chifuchi cha Engitu. Mungukanutwamisa cheka nawa mu mbalaka ngwe ha matangwa a yiwanyino ya kufunjika.

Hosea 2:15

Kwenako mungukamwaha minda ya uva, ni kupwisa chikulo cha Akore chikolo cha kutalatala. Kwenako makatá ngwe ha matangwa ja wana-mapwo wenyi, ngwe ha miaka muze machikatuka ku Engitu.

Hosea 2:20

Mungukakumbata, yami mwene, ni umwenemwene mba kumukanyingika Yehova.

Yona 2:10

Mba Yehova wahanjikile ni mwe yishi. Yasajila Yona hashi homu.

Yilinga 4:12

Ulamwino wakuhi muli mukwo niumwe: mumu chipwe jina lieka liakuhi kushi lia lilu, nilimwe, lize hanalihana hakachi ka atu, chatutamba kulilamwina nalio.