Hosea 13:2 - MUKANDA USANDU WA ZAMBI 1975

² Ni haliapwila kanaliwezela uvulumunyi weka ni weka nikulilingila tuponya twa kuzuzulula, ni mahamba a kulinga ni utotombo ni prata yo. Yeswe, milimo ya yilangaji. Shihilenu yitapo kuli wano ngwo, Atu kakumbejala ana a ngombe!

Mukanda Wa Zambi 1970

² Ndoo ni musono kaakuvulumuna, kaakulinga tuponya two a prata akutakenya ni manyonga ja atu, akulinga ni moko jo. Mba maamba ngwo: “Alambulenu milambu!” Ngwe kuchi atu maahasa kushisa mahamba waze akulinga ni kulifwa cha makuji a ngombe?

Hosea 13:2 Iomraidhean Croise

1 Yitanga Ya Mianangana 19:18

Hindu munguhichika mu Izalele tununu shimbiali waze eswe makungunwa jo kahetamine kuli Mbale ni makanwa jo eswe kamuhele mbeju.

2 Sango Ja Mianangana 28:13

ngwo, Kunuchi kuneha e funge muno, mumu nunahale kutukokela mulonga kuli Yehova nikuweza ku milonga yetu ni Utanguko wetu. Mumu Utanguko wetu unene, kashika kuuli ufwatulo usasu hali Izalele.

2 Sango Ja Mianangana 33:23

Kalilelesele kumeso ja Yehova ngwe tato Manase walilelesele, alioze yono Amone wawezelele Utanguko helu nawa.

Miaso (Masamu) 2:12

Mbejenu mwe Mwana, kuchina matenuka mba munukuwa mu jila, mumu utenu wenyi muusasaminya washi. Kawaha waze eswe akuswama muli iye. Samu lia David muze achinyine kumeso ja mwanenyi Absalome.

Izaya 1:5

Kuchi te munulikoleza kukolema? Kuchi te manulambalamba nawa? Mutwe weswe unayiji, mbunge yeswe yinalezumuka.

Izaya 30:1

Yehova kanambe ngwenyi, Lamba kuli e ana a uhulia, waze akulinga nikulita ni kuhala, alioze hi kuhala cha yami ko. Kakukolesa usendo alioze hi wa Spiritu yami ko hanga akaweze mulonga ha mulonga.

Izaya 44:11

Atu jenyi eswe mevwa sonyi. Yilangaji, no nawa atu tuhu. Alikungulule, amane; eswe mevwa mwongo, eswe maakolesa sonyi hamuwika.

Izaya 45:20

Kungulukenu nwize; kundamenu hamuwika, enu kunwafwile hakachi ka akwa mavungu. Waze akumbatambata tuponya twa mitondo, nikulemba kuli umwe zambi kahashile kulamwina, o keshi yinyingi.

Izaya 46:6

Waze akumwanga oru ya mu ngonga jo, kakupezalisa prata ha mbalansa, kakulakenya ndando kuli fuli ya oru, mba machitenga umwe zambi, mba o mafulamana ni kuwayila!

Izaya 46:8

Iwulukenu chino nukazewule. Shinginyekenu ha chuma chino, enu yitanguke,

Jeremia 10:4

Atu mauwahisa ni prata ni oru; maukolesa ni muhato ni mbambo, chocho kuwahashile kulisunga.

Jeremia 10:8

O yelo, kanda yihepuke; longeso lia tuponya ngwami mutondo.

Jeremia 8:5

Nyi chocho wano atu kuchi te kakupiangukila mu kukokoloka cha mutolo? Kanakakaminya ku kwonga; kasolo kuhiluka.

Hosea 10:1

Izalele kapwa ngwe mutondo wa uva wa tachi uze wakwima mihuko yawo. Ha kwoka mihuko yenyi yokesa yilumbilo yenyi. Ha kuwaha chifuchi chenyi chocho yapemesa manguji jenyi.

Hosea 10:5

Akwa Samaria kakuchikimina mwana-ngombe wa ku Mbete-Avene. Atu jenyi makamulilila ni asasendote jenyi a mahamba mamuhula mbimbi mumu ha uhenya wenyi uze hiwamukatuka.

Hosea 11:2

Cheswe nalikolezele kwasanyika o yalikoleza kukatuka kuli yami. Yawezela kushihila yitapo Ambale nikwochela insensu mahamba.

Hosea 11:6

Katana makatenukina yihunda yo, nikumanununa njalo ja mapito jo ja yihunda, nikwaonwona mu mbonge jo.

Hosea 14:3

A-Asuria kechi kutulamwina; kutuchi kwenda hali tuvwalu; mba kutuchi kamba nawa ngwetu, Zambi yetu ku yuma ya kulinga ni moko jetu. Muli yena ana-ashiwa kakuwana keke.

Hosea 2:8

Kanyingikine, yami namuhele mbuto, ni vinyu, ni maji, nikumwaha prata ni oru ya kulumbama, yize o alingilile nayo Mbale.

Hosea 4:17

Eframe hanalinungu ni mahamba, inwechenu!

Hosea 8:4

Alingile mianangana, alioze hi ni yami ko. Amikine alemu, ami chachinyingikine. Alingile mahamba ja prata ni oru a kulionwona ene.

Hosea 8:5

Hinambila mwana-ngombe wa yena Samaria. Utenu wami unaalekwokela. Mwaka uka meza kupema?

Hosea 8:6

Mu Izalele umwe chilangaji wamulingile alioze iye hi Zambi ko. Makafwenyona mwana-ngombe wa Samaria.

Kwalula 32:14

Kumanyi! Enu nunakatuka ni kusalakana atatenu, munyachi wa yivulumunyi, mukwokesa utenu usasu wa Yehova hali A-Izalele!

A-ROMA 11:4

Kumbululo lia Zambi kuli iye kuchi liapwa? Ngwo, Hingunalifungila tununu shimbiali a malunga waze kaliumbile makungunwa kuli Mbale.

A-ROMA 2:5

Alioze nikulita ni kukala cha mbunge yize kuyishi kulikonyeka, kuwakulitulikila utenu ha tangwa lia utenu muze masolola upatwilo wa ululi wa Zambi;

2 Timoteu 3:13

Alioze yingulungulu ni akwa kwonga kumakapiha kuhiana, nikupiangula, nikupianguka.

1 Samuel 10:1

Mba Samuel yanda kasaji ka maji waazujilile ha mutwe wenyi; yamwaha mbeju; yamba ngwenyi, Te Yehova kakuwa yishile ukapwe kasongo ka chihinga chenyi, nyi?