Hosea 13:13 - MUKANDA USANDU WA ZAMBI 1975

¹³ Misongo ya kumusema hiyamuheta, alioze aye mwana keshi mana, mumu haliapwila kasolo kupalika ku utuhukilo wa chimbi.

Mukanda Wa Zambi 1970

¹³ Israele te hayuka kubwa ni mwono, alioze kali chihepuke, kanyingikine ko kuuzuka. Kali ngwe mwana yoze unambe kusemuka, alioze kasolo kusemuka.

Hosea 13:13 Iomraidhean Croise

1 MIANANGANA 19:3

O yamba kuli iye ngwo, Hezekia kanambe ngwenyi, Tangwa lino, tangwa lia lamba, tangwa lia kutwamba, tangwa lia sau, mumu ana haheta ku ola ya kusemuka, alioze tachi jakuhi ja kwasema.

Miaso (Masamu) 48:6

Kuchikima chaakwachile kwenako; kupinda ngwe kufumbajala cha pwo.

Yishima 22:3

Chikanyame malangikiza ye yipi maswama, alioze yizuzuke masenya kulutwe mba maalamba.

Izaya 13:8

makalishimwoka. Misongo ni yikola muyiakwata, ha kulifwita mapwa ngwe pwo mu kufumbajala. Makalitala umwe ni mukwo ni mwongo, meso jo ngengu.

Izaya 21:3

Kashika miongo yami yazala ni kupinda, misongo yangukwata, misongo ya pwo nikufumbajala. Ngunafumbama, kashika Chahashile kwivwa. Ngunalifwichi, kashika Chahashile kumona.

Izaya 26:17

Ngwe kafumbakaji yoze mapinda nikuteta mu misongo yenyi, muze tangwa lienyi hiliakundama, chocho twapwile yetu mumu hali yena Yehova.

Izaya 37:3

O yamba kuli iye ngwo, Hezekia kanambe ngwenyi, Tangwa lino tangwa lia lamba, tangwa lia kutwamba, tangwa lia sau, mumu ana haheta ku ola ya kusemuka, alioze tachi jakuhi ja kwasema.

Izaya 66:9

Te munguhetesa kwe ku kufumbajala, mba kusemuka chakuhi? Chocho kanambe Yehova. Yami mukwa kusemesa, te mungujika ngoji? Chocho kanambe Zambi yenu.

Jeremia 13:21

Yika muwamba muze masa helu iia yena waze yena mwene waalongesele kupwa masepa je? Te kuchi kwivwa yikola, ngwe ya pwo mukwa kufumbajala?

Jeremia 22:23

Ena watwama ha Lebano nikusa chaswa che ku misedru muwiza kutwa mikuma muze misongo ye muyikuwana; yikola ngwe ya pwo mu kufumbajala.

Jeremia 30:6

Hulenu haliapwila nuse chinyingi; lunga mahasa kufumbajala ni mwana? Nyi chocho kuchi te ngunamono lunga mweswe ni moko jenyi ha chiminga ngwe pwo ni misongo? Kuchi te meso eswe hanalumuka a woma?

Jeremia 4:31

Mumu ngunevu muteto ngwe wa pwo kanafumbajala, kulifwita ngwe umwe ha kusema mwana mutangu. Muteto wa mwana-pwo Zaione nikuhuza; kanazozo moko jenyi ngwenyi, Lamba liami, ngunalezumuka kumeso ja yingalwe.

Jeremia 49:24

Ndamaseku hahonga, halumuka akachine mumu mwongo hiwamukwata. Kulifwita ni kulinyenga chamukwata ngwe pwo ha kufumbajala.

Hosea 5:4

Yitanga yo kuyaatayijile kuhiluka kuli Zambi yo. Mumu mbunge ja ukoi ali najo, chikwo nawa Yehova kamunyingikine.

Yoano 16:21

Pwo muze masema mwana, mapwa ni chinyengo, mumu ola yenyi hiyeza, alioze muze mwana hasemuka, keshi kwiwuluka nawa luyinda, ha uwahililo te mutu hasemuka hano hashi.

Yoano 5:4

mumu mungelo wa Mwene wahulumukine ha mwaka ni mwaka ku Chitende, nikufujisa meya: ni mweswawo waliangile kunjilamo kulutwe lia kufuza cha meya, wapwile mungunu ku musongo weswawo wakwachikile nawo.

Yilinga 24:25

Shimbu ahanjikile kuli ayo ha kutwala ku ululi, ni kusúla, ni upatwilo uze muwizaho, Fwelishia wazalile tò ni woma, wakumbulwile ngwenyi, Yénu haliapwila; ni muze munguwana mwaka upema, mungukakutambika.

2 Korintu 6:2

(Mumu kanambe ngwenyi, Ha mwaka upema nahalakanyine kuli yena, ha tangwa lia ulamwino nakupulwile: tala, haliapwila we mwaka upema chikolo; tala, haliapwila lie tangwa lia ulamwino:)

Shimbi 32:6

Chocho munukundulula kuli Yehova, enu atu a uhepuke ni lwelia? Te hi tatenu ko? Yoze wanutangile, wanuwumbile, wanukolesele?

1 Tesalonika 5:3

Mumu muze mamba ngwo, Sambukila, kutwama kawape, hohene kwenyeka muchitulumuka hali ayo ngwe kufumbajala hali pwo yoze uli ni ufumba; no kechi komboka nichimwe.