Hosea 12:8 - MUKANDA USANDU WA ZAMBI 1975

⁸ Eframe hanambe ngwenyi, Ewa, alioze nguli pichi, hinapita yuma yinji ya yami mwene. Alioze upite wenyi weswe kuuchi kuhasa kufwika uhie wenyi nilimwe tangwa.

Mukanda Wa Zambi 1970

⁸ Kaakwamba ngwo: ‘Tuli pichi, tuli ni ubite unji. Niumwe mahasa kutusuma mulonga ngwo: tuli ni ubite wa mahuza.’

Hosea 12:8 Iomraidhean Croise

Miaso (Masamu) 49:6

Waze akufuliela upite wo, nikulenga mu kulumbama cha yikumba yo,

Miaso (Masamu) 52:7

talenu au mutu kapwishile Zambi chiswamo chenyi, alioze wafulielele kulumbama cha upite wenyi, walitakamishine mu kuzo yenyi.

Miaso (Masamu) 62:10

Kanda ufuliela mbenga. Kanda ulilengela ni ungumba. Chipwe upite muoka kanda ukausa mbunge ye.

Yishima 11:1

Mbalansa ya kwonga yapwa chizelwokeso kuli Yehova; alioze pezu ya ululi yamuwahila chinji.

Yishima 30:12

Kuchili chisemuko chakwamba ngwo, Tunapeme. Hindu kaasanyishine luchisa wo.

Yishima 30:20

Chocho chapwa jila ya chikoi. Malia, makusumuna kanwa lienyi, mamba ngwenyi, Chalingile chipi.

Jeremia 2:23

Kuchi muhasa kwamba ngwe, Chalichishile, chakawile Ambale? Tala jila ye mu chikulo; nyingika chize hiwalinga ngwe chimbembe cha kamelu kanapinji ni kulikonekakoneka.

Jeremia 2:35

wakwamba ngwe, Chishi mulonga; utenu wenyi hiwangwecha pundu. Mungukuneha ku upatwilo mumu ha kwamba ngwe, Chavulumwine.

Jeremia 5:27

Mazuwo jo hazala ni mafwefwe ngwe mutonga wa tujila, kashika hapwa alemu pichi.

Ezekiel 28:5

Ku mana je anji a kusepa hiwokesa upite we, mba mbunge ye yinalengumuka ni upite we—

Hosea 13:6

Alioze muze halia hakuta, Mayuka, mba mbunge jo jalifujile; kashika anguvulamine.

Hosea 14:1

Enu A-Izalele, hilukenu kuli Yehova Zambi yenu, mumu hinwalimbuka ha mukunda wa uhenge wenu.

Hosea 4:8

Kakulilisa ni shili ya atu jami, kakwivwa kuzo ha uhenge wo.

Amose 8:5

Chiwanyino cha kakweji mwaha hali muchisulila hanga tukalanjise mbuto? Sambata ola yika muyipatuka, hanga tukakulise tiliku, tukakehese njongo ni kuweza ku ndando, ni kwonga ni mbalansa ja mahuza,

Habakuke 1:16

Kashika kakushihila yitapo wanda wenyi, nikwochela insensu tambi lienyi mumu kwenako azukila yuma yipema ni kulia chenyi chinawaha.

Zakaria 11:5

Waze akwalanda kakwashiha ni kastigu yakuhi, ni waze akwalanjisa kakwamba ngwo, Yehova afumane, hinapwa pichi. Chipwe tufunga two ene kaavwilile keke.

Malaki 2:17

Hinwakatalisa Yehova ni maliji jenu. Hindu nwakwamba ngwenu, Twamukatalisa kuchi? Ha kwamba ngwenu, Mweswe kanalingi chipi, kanapeme kumeso ja Yehova, aye kakuwahilila no. Hanji ha kuhula ngwenu, Zambi ya upatwilo wa kulita kuli ali?

Malaki 3:13

Yehova kanambe ngwenyi, Maliji jenu hapwa a tachi a kulimika ni yami. Hindu nwakwamba ngwenu, Kuchi twakwamba kulimika ni yena?

Luka 10:29

Alioze iye, nikuzanga kulisambisa, wambile kuli Yesu ngwenyi, Mba mwenyembo wami iya?

Luka 12:19

Mba mungwamba ku mbunge yami ngwami, Mbunge yami, yuma yinji uli nayo ya kutulikila ha miaka yinji; hwima, ulie, unwe, usehejele.

Luka 16:13

Ngamba niumwe mahasa kulingila miata aali, mumu chipwe mavwila kole umwe, akazange mukwo; hanji makakaminya kuli umwe, akalelese mukwo. Kunwahashile kulingila Zambi nikulingila upite nawa.

Luka 16:15

Iye wambile kuli ayo ngwenyi, Yenu nuli waze akulisambisa kumeso ja atu; alioze Zambi kananyingika mbunge jenu; mumu chize machilemesa chikolo hakachi ka atu, chapwa chizelwokeso kumeso ja Zambi.

Shimbi 8:17

Kuchina munwamba mu mbunge jenu ngwenu, Ngolo jetu ni ndundo ja moko jetu yinatuzukisa upite uno.

1 Timoteu 6:17

Kanjisa waze apwa pichi ha mwakono, kanda alengumuka, chipwe kanda atalatala ha upite wa ujilijili, alioze hali Zambi ya mwono, yoze wakutwaha yuma yeswe ya kulumbama, hanga tukawahe nayo.

1 Timoteu 6:5

kumbalanga cha atu a kupiha mu kunyonga cho, akuhona umwenemwene, waze anashinginyeka ngwo, Uwayilo unapu jila ya kufumbuka. Lihandunune ni atu ngwe wano.

Usolwelo 3:17

Mumu yena wakwamba ngwe, Nguli pichi, hingunapichi upite, chishi kuhona nichimwe; kwanyingikine yena uli mwe mukwa kulungajala, ni mukwa hunya, ni chiswale, ni kapuputa, ni uselesele uli nawo.