Hosea 12:7 - MUKANDA USANDU WA ZAMBI 1975

⁷ Aye kapwa mukwa kusepa wa mbalansa ja kwonga, kakuzanga kupinjisa.

Mukanda Wa Zambi 1970

⁷ Mwene Zambi kanambe ngwenyi: “Aisraele kaakuhengesa ngwe akwa Kanana; kaakuzanga kusepa ubite wo ni pezo ja mahuza.

Hosea 12:7 Iomraidhean Croise

Ubutukilo 49:18

Yehova, ngunatwaminyina ulamwino we.

Yishima 11:1

Mbalansa ya kwonga yapwa chizelwokeso kuli Yehova; alioze pezu ya ululi yamuwahila chinji.

Yishima 16:11

Pezu ja ululi ni mbalansa ja ululi ja kuli Yehova; pezu jeswe ja mu njeke japwa chitanga chenyi.

Izaya 3:5

Atu malipinjisa umwe ni mukwo ni mukwo, mutu mweswe mapinjisa mulio, mutu mweswe mwenyembo wenyi; kanuke masaula mukulwana, ni wamokomoko mapinjisa mulemu.

Izaya 56:1

Yehova kanambe ngwenyi, Funga chize chinalite, linga ululi, mumu ulamwino wami muwiza nikawashi, ululi wami muusoloka.

Ezekiel 16:3

wambe ngwe, Mwene Yehova kanambe kuli Yerusaleme ngwenyi, Chikota che ni kusemuka che, ya ku chifuchi cha A-Kanana. Tatenu Ka-Amore, ni noko aye Ka-Hete.

Ezekiel 22:29

Atu a mu chifuchi hafwetesa atu ni mbenga ni kwiya yuma. Hapinjisa yiswale ni akwa kuhona; hafwetesa njize, ni yoze maakwasa wakuhi.

Ezekiel 28:5

Ku mana je anji a kusepa hiwokesa upite we, mba mbunge ye yinalengumuka ni upite we—

Hosea 14:2

Twalenu maliji nukahiluke kuli Yehova nukambe kuli iye ngwenu, Chiza kama uhenge weswe; tambula kama chize chinapeme mba mutukwaha mihuko ya mivumbo yetu.

Joele 2:12

Hindu chipwe haliapwila Yehova kanambe ngwenyi, Tewulukilenu kuli yami ni mbunge jenu jeswe, ni kulitwamina kulia, ni kulila, ni kulishimwoka.

Amose 2:7

Wano kakuliachila mitwe ya yiswale mu fufuta ya hashi; kakupiangula jila ya akwa lamba. Lunga ni tato kakupomba ni mwana-pwo umuwika chocho kanajilula jina liami lisandu.

Amose 3:9

Ambululenu mu mbonge ja Ashedode ni mu mbonge ja chifuchi cha Engitu ngwenu, Kungulukenu ha milundu ya Samaria nukamone chizungozungo muli ayo ni we upinjiso hakachi ko.

Amose 4:1

Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Amose 5:11

Kashika se nwakuliata yiswale nikumufwetesa tiliku, kashika chipwe hinwatunga mazuwo ja mawe a kululika hindu kunuchi katwamamo. Hinwatumba minda yipema ya uva alioze kunuchi kanwa vinyu yako.

Mika 2:1

Lamba kuli waze akutaka ungulungulu, nikunyonga yipi ha mihela yo! Mu kucha mayilinga mumu machihasa ni tachi jo.

Mika 7:2

Mukwa uwayilo hakuwa hashi, niumwe mukwa ululi wakuhi hakachi ka atu. Eswe kakujikinyina manyinga; mutu mweswe kakuzomba mukwo ni wanda.

Zakaria 14:21

Ndeho jeswe mu Yerusaleme ni mu Yunda mujikapwa jisandu kuli Yehova-wa-Tujita, kashika akwa kulambula eswe mahasa kwiza ni kujitambula, ni kutelekelamo yifwo ya milambu. Kukuchi kapwa nawa umwe mukwa negocio mu zuwo lia Yehova-wa-Tujita ha tangwa lize.

Zakaria 5:8

Mungelo ngwenyi, Yono we Ungulungulu. Mba yamukona mu *efa nikusa chifuko cha shumbu ha kanwa liayo.

Zakaria 7:9

Yehova-wa-Tujita kanambe ngwenyi, Patulenu ni ululi; lingenu ni utu ni keke mutu mweswe kuli mukwo.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Yoano 2:16

wambile kuli waze alanjishile tutele ngwenyi, Twalenu yino yuma haze; kanda nukapwisa zuwo lia Tata zuwo lia chitanda.

Tiangu (Jake) 5:4

Talenu, fweto ya akwa milimo jenu waze hanachi minda yenu, yize nwaalimwine, kuyakuteta; ni miteto ya waze hanachi hiyinanjila mu matwi ja Mwene wa yizavu ya tujita.

1 Samuel 12:3

Yami uno. Shindakenyenu ha kutwala kuli yami kumeso ja Yehova ni kumeso ja yono hanawayisa. Ngombe jaya natambula? Hanji chimbulu? ya mbongo, iya? Napinjisa iya? Kuli iya natambula chindo ngujike nacho meso jami? Ambenu nguchihilwise.