Hosea 12:6 - MUKANDA USANDU WA ZAMBI 1975

⁶ Chocho yena, ku tachi ja Zambi ye, hiluka, lalaminya ku zango ni upatwilo wa kulita; mba matangwa eswe twaminyina Zambi ye.

Mukanda Wa Zambi 1970

⁶ Kashika yenu vungu lia Yakoba hilukenu kuli Zambi, shachilenu hali iye. Bwenu akwa kushishika ni akwa ululi, nushimbwile ni uhumikizo ndoo ni muze Mwene Zambi malinga chize anapale.

Hosea 12:6 Iomraidhean Croise

Ubutukilo 49:18

Yehova, ngunatwaminyina ulamwino we.

Miaso (Masamu) 123:2

Ngwe meso ja akwa milimo matala ku kwoko lia mwata wo, ngwe meso ja mwana-pwo matala ku kwoko lia ndona yenyi, chocho meso jetu kanatale kuli Yehova Zambi yetu ndo matuvwila vumbi.

Miaso (Masamu) 27:14

Twaminyina Yehova! Takama, mbunge ye yikajikize. Ewa, twaminyina Yehova. Samu lia David.

Miaso (Masamu) 37:7

Hwima hali Yehova, umutwaminyine ni uhumikizo. Kanda ulifwita mumu hali yoze wakuwaha mu jila yenyi, hanji hali yoze wakumanununa kutaka chenyi chipi.

Kutuhuka 3:15

Chikwo ambile Zambi kuli Mose ngwenyi, Chocho ukambe kuli A-Izalele ngwe, Yehova, Zambi ya tulamba twenu, Zambi ya Apalahama, Zambi ya Izake, Zambi ya Yakomba hangutuma kuli yenu ngwenyi, Jina liami lino, ndo ku miaka ya mutolo. Chiwulwiso chami chino ndusu yisemuko yeswe.

Yishima 1:23

Muze mungunukanjisa, hialumukenu. Mungusolola kuli yenu manyonga jami. Mungununyingikisa maliji jami.

Yishima 21:3

Kulinga ululi ni upatwilo wapemena Yehova kuhiana yitapo.

Izaya 1:16

Sanenu, lipemesenu, Chizenu che chipi cha yitanga yenu kumeso jami, litwaminenu kulinga chipi;

Izaya 30:18

Kashika Yehova kanashimbula akanulinge vumbi; kashika kanalinangamisa ha kunuvwila keke. Mumu Yehova iye Zambi ya ululi, kawaha waze mamutwaminyina.

Izaya 31:6

Hilukenu nawa kuli yoze nwakolemene chikolo, enu atu ja Izalele.

Izaya 40:31

alioze waze matwaminyina Yehova kumakahuzulula tachi jo, kumakazezuka ni mapulwa ngwe pupa, kumakazomboka ni yikatalo yakuhi, kumakenda ni kulezumuka ka.

Izaya 58:6

Chize nakutongola yami ngwe tangwa lia kulitwamina kulia, ngwami, Kachi kujitula mihipu ya ungulungulu, kujitula yikapa ya kuli, kwecha akwa lamba atusuke, kumakuna kuli jeswe.

Izaya 8:17

Mungutwaminyina Yehova, yoze unaswekela meso jenyi munyachi wa Yakomba. Muli iye mungutalatala.

Jeremia 22:15

Unamono ngwe uli mwanangana mumu wakweseka kuhiana akwenu ni sedru? Tatenu te kalile, kanwine, shimbu mapatula nikulita ni kulinga ululi? Miaka yize te kanawaha.

Ezekiel 18:30

Kashika Mwene Yehova kanambe ngwenyi, Mungunupatwila, enu akwa munyachi wa Izalele, mutu mweswe nikulita ni ndako jenyi. Likonyekenu nukahichike Utanguko wenu weswe kuchina uhenge wenu muukanwonwona.

Hosea 10:12

Likuwilenu mbuto ya ululi; helenu mihuko ya utu wa zango; chipenu mavu aze helila; mumu mwaka wa kufupa Yehova hiweza hanga akeze nikununokesa ulamwino.

Hosea 14:1

Enu A-Izalele, hilukenu kuli Yehova Zambi yenu, mumu hinwalimbuka ha mukunda wa uhenge wenu.

Hosea 4:1

Enu A-Izalele ivwenu liji lia Yehova mumu Yehova kanasumu akwa chifuchi. Mu chifuchi kushishika chakuhi, chipwe utu, chipwe kunyingika Zambi.

Joele 2:12

Hindu chipwe haliapwila Yehova kanambe ngwenyi, Tewulukilenu kuli yami ni mbunge jenu jeswe, ni kulitwamina kulia, ni kulila, ni kulishimwoka.

Joele 2:13

Sonyenu mbunge jenu, hi mazalo jenu ko. Tewulukilenu kuli Yehova Zambi yenu, mumu iye mukwa vumbi, wa tò ni keke, makoke kutenuka, mukwa kulumbamisa utu wa zango, kakulikonyeka ha chuma chikalu.

Amose 4:13

Mumu nyingikenu; yoze wakuwumba milundu, ni kutanga fuji; yoze wakusolola manyonga jenyi kuli atu; yoze wakwalumuna chimene chikapwe milima; yoze wakuliata ha milundu ya hashi— jina lienyi Yehova, Zambi-ya-Tujita.

Amose 5:24

Alioze upatwilo wa kulita ukapwe ngwe sanga lia meya; ululi ukapwe ngwe muhwiji wa mutolo.

Mika 6:8

Ena lunga, hanakulweze chize Chinapeme. Yehova yika anafupu kuli yena shina kupatula ni ululi, ni kuzanga vumbi, ni kuliendela ni Zambi ye ni kulikehesa?

Mika 7:7

Alioze ha kutwala kuli yami, mungutala kuli Yehova; mungutwaminyina Zambi ya ulamwino wami; Zambi yami mangwivwa.

Habakuke 2:3

Mumu usolwelo unachitwaminyina mwaka wawo. Kuunatambuka ku songo liawo—kuushi mahuza. Chipwe mumona ngwe unashimbula shimbu hindu twaminyina. Muwiza kupwa; kuuchi kahona.

Zefania 3:8

Kashika Yehova kanambe ngwenyi, Ngutwaminyine ndo tangwa lize mungumana ngwe chela. Mumu chize hinapatula mu mbunge ngwami, Kukunga mavungu nikukungulula mawanangana hanga ngukaazukwile ufwatulo wami; kusasaminya cheswe cha utenu wami. Mumu akwa hashi eswe makajimuka mu kahia ka ufwatulo wami wa ukwa.

Zakaria 1:3

kashika amba kuli ayo ngwe, Yehova-wa-Tujita kanambe ngwenyi, Hilukenu kuli yami ni yami munguhiluka kuli yenu. Chocho kanambe Yehova-wa-Tujita.

Zakaria 7:9

Yehova-wa-Tujita kanambe ngwenyi, Patulenu ni ululi; lingenu ni utu ni keke mutu mweswe kuli mukwo.

Zakaria 8:16

Yuma munukalinga yino; Hanjikenu umwenemwene umwe kuli mukwo ni mukwo; ku malwaza jenu lingenu upatwilo wamwenemwene uze wakukoka sambukila;

Yilinga 2:38

Petulu wambile kuli ayo ngwenyi, Likonyekenu, anupapachise mutu ni mutu wa kuli yenu mu jina lia Yesu Kristu, ha ukonekeno wa milonga; mba kumunukatambula chawana cha Spiritu Musandu.

Yilinga 26:20

Alioze nambujolele hatangu kuli waze mu Ndamaseku, ni mu Yerusaleme, ni ku chifuchi cheswe cha Yundeya, ni kuli akwa mavungu, ngwe chaatamba kulikonyeka, akatewulukile kuli Zambi, akalinge yitanga ya kulita ni kulikonyeka.

Tiangu (Jake) 1:27

Uwayilo upema kuushi luchisa kumeso ja Zambi kanda ja mwe Tata, uno, Kunangisa ana-ashiwa ni twamishi ja mapwo mu luyinda wo, ni kulitunga mwene keshi chipeka ku yuma ya hano hashi.

Tiangu (Jake) 2:13

Yoze kalwezele keke kumakatambula upatwilo uze kuushi keke: keke kuyakukumba upatwilo.