Hosea 12:5 - MUKANDA USANDU WA ZAMBI 1975

⁵ Yehova Zambi-ya-Tujita, mwe Yehova jina lienyi ngwenyi,

Mukanda Wa Zambi 1970

⁵ Yono mwe Mwene Zambi Mukwa Ndundo Jeswe; jina lienyi liakumuwayila nalio Mwene Zambi.

Hosea 12:5 Iomraidhean Croise

Ubutukilo 28:16

Mba Yakomba yalaula ku tulo twenyi, yamba ngwenyi, Pundu, Yehova kuno kwali, ami chachinyingikine.

Ubutukilo 32:30

Yakomba yalukako jina ngwenyi, Penwele, mumu ngwenyi, Hinamona Zambi meso ni meso, hindu hangwaha mwono wami.

Ubutukilo 35:9

Zambi yasoloka cheka nawa kuli Yakomba muze akatukile ku Panda-narame. Yamuwahisa.

Miaso (Masamu) 135:13

Yehova, jina lie lia mutolo. Yehova, makwiwuluka ndusu ku yisemuko yeswe.

Miaso (Masamu) 30:4

Imbenu uhaliso kuli Yehova, yenu eswe asandu jenyi. Sakwilenu ku jina lienyi lisandu.

Kutuhuka 3:15

Chikwo ambile Zambi kuli Mose ngwenyi, Chocho ukambe kuli A-Izalele ngwe, Yehova, Zambi ya tulamba twenu, Zambi ya Apalahama, Zambi ya Izake, Zambi ya Yakomba hangutuma kuli yenu ngwenyi, Jina liami lino, ndo ku miaka ya mutolo. Chiwulwiso chami chino ndusu yisemuko yeswe.

Izaya 42:8

Yami Yehova, lie jina liami alio; uhenya wami chichi kuhana kuli niumwe mukwo. Chichi kuhana uhaliso wami ku tuponya twa kwola.