Hosea 12:4 - MUKANDA USANDU WA ZAMBI 1975

⁴ Yalinwa ni mungelo, yakumba; yalila, yafupa vumbi lienyi. Yatakana ni Zambi ku Mbetele; kwenako Zambi yahanjika nenyi—

Mukanda Wa Zambi 1970

⁴ yalitachika ni kanganda ka mwilu, yakumba. Yalila, yahula Zambi amuwahise. Zambi yeza nawa kuli kashakulu ketu Yakoba ku limbo lia Betele ni kuhanjika nenyi.

Hosea 12:4 Iomraidhean Croise

Ubutukilo 25:26

Kulutwe yasemuka mwanakwo, kwoko lienyi te linakwata ku kashijino ka Esau. Yamuluka jina lienyi, Ya-komba. Izake te hapwa ni makumi asambano a miaka muze mukwo-pwo yamusemeno.

Ubutukilo 32:24

Yakomba yasala ukawenyi. Kwenako walitachikile nenyi umwe lunga ndo ku kucha cha tangwa.

Ubutukilo 32:25

Muze amwene ngwenyi, Kenu ngunamuse, yamukwata mu chitongo, mba chitongo cha Yakomba chasengunukine shimbu te machilitachika nenyi.

Ubutukilo 32:26

Mba mwe lunga yamba ngwenyi, Ngweche nguye, mumu kunachi. Iye yamukumbulula ngwenyi, Chichi kukwecha ndo munguwahisa.

Ubutukilo 32:29

Mba Yakomba yamuhula ngwenyi, Ngulweze kama jina lie. Iye yakumbulula ngwenyi, Kuchi te unahula jina liami? Kwe kuze yamuwahisa.

Ubutukilo 35:15

Yakomba yaluka jina kuma kuze Zambi wahanjikile nenyi ngwenyi, Mbetele.

Ubutukilo 48:15

Yawahisa José ngwenyi, Zambi akaawahise. Mwe Zambi atata Apalahama ni Izake endele kumeso jenyi, Mwe Zambi hanangulisa mwono wami weswe ndo musono.

Miaso (Masamu) 66:6

Walumwine kalunga-lwiji mavu omu; apalikile ndusu mu lwiji ha molu jo, henaho twawahililile muli iye.

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Malaki 3:1

Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

1 Tesalonika 4:17

Mba kulutwe yetu, tuli ni mwono, twasala, kumakatupindumuna hamwe no mu malelwa, mukutakana ni Mwene mu tetela: chocho mutukapwa matangwa eswe hamwe ni Mwene.

Hebreu 5:7

Mwenawo ha matangwa ja musunya wenyi hashi, se walambwile yilemba ni kuliumba hamwe ni kuteta cha ngolo ni masoji kuli yoze te wahasa kumulamwina ku kufwa; apanjikile kuli iye mumu ha uwayilo wenyi.