Hosea 12:2 - MUKANDA USANDU WA ZAMBI 1975

² Yehova kanasumu Yunda, kumakalamba Yakomba kastigu ya kulita ni ndako jenyi. Kumakamufwetesa nikulita ni yitanga yenyi.

Mukanda Wa Zambi 1970

² Mwene Zambi kanasumu Ayuda mulonga. Makamwesa Aisraele lamba mumu ha yitanga yo. Makaafweta nikulita ni yitanga yo.

Hosea 12:2 Iomraidhean Croise

1 MIANANGANA 17:4

Mba mwanangana wa Asuria yawana utwahe muli Hoshia mumu te hatuma tunganda kuli So mwanangana wa Engitu. Chikwo nawa katumine milambu kuli mwanangana wa Asuria ngwe halinga mwaka ha mwaka. Kashika mwanangana wa Asuria wamuyikilile ni kumukashila mu zuwo lia ususu.

Jobe 15:2

Mukwa mana kakukumbulula ni mana a kuhehuka? Malizalisa ni fuji ya ku Chivumbuko?

Miaso (Masamu) 78:36

Alioze amupepiekele ni makanwa jo. Ahanjikile mahuza kuli iye ni malimi jo.

Longeshi 5:15

Chiwatuhukile mu jimo lia naye uselesele chocho nawa maya; kechi kumbata chimwe cha ku milimo yenyi, chize mambata mu kwoko lienyi.

Izaya 10:12

Muze Mwene hamana milimo yenyi yeswe ha mulundu wa Zaione ni mu Yerusaleme kumakafwetesa kulisamba cha kulizata cha mwanangana wa Asuria ni kulengumuka chenyi cha kulifuza.

Izaya 10:6

Ngunamutumu kulimika ni vungu lia yingandangali. Ngunanwehe shimbi kulimika ni atu ja ufwatulo wami, akatambule upite akapunde yikumba, akaaliate ngwe malowa ha tapalo.

Izaya 24:21

Ha tangwa lize Yehova makafwetesa mbunga ya mwilu, mwilu, ni mianangana ja hashi, hashi.

Izaya 3:11

Lamba kuli yingulungulu! Muchipwa chipi kuli ayo, mumu mamulinga chize iye halinga.

Izaya 30:6

Liji lia kutwala kuli ngongo ja ku Negeve. Ndusu mu chifuchi cha lamba ni kupinda, kuze kwakatuka ndumba a chihwo ni kuji, ni yenge ni toto, kakumbata upite wo ha manyima ja yimbulu, ni yikumba yo ya ndando ha kunda ja tumelu, kuli atu aze kechi kuhasa kwakwasa.

Izaya 59:18

Makaafwetesa nikulita ni yitanga yo, ufwatulo kuli akwa kulimika nenyi, fweto kuli akwa kole jenyi. Kuli akwa mbaka mahana fweto yo.

Jeremia 25:31

Chizungozungo muchikaheta ndo ku masongo a hashi, mumu Yehova kali ni chikuma kusuma nacho mavungu. Kanaputuka kusopa ni atu eswe a musunya, mba yingulungulu kumakaashiha ni katana. Chocho kanambe Yehova.

Hosea 2:13

Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Hosea 4:1

Enu A-Izalele ivwenu liji lia Yehova mumu Yehova kanasumu akwa chifuchi. Mu chifuchi kushishika chakuhi, chipwe utu, chipwe kunyingika Zambi.

Hosea 4:9

Mba muchikapwa cheswacho mapwa atu ni asasendote nawa chocho mapwa. Alioze mungwaaha kastigu mumu ha ndako jo, mungwafwetesa ha yitanga yo.

Hosea 7:1

Muze munguhilwisa kuwaha cha atu jami, muze munguwuka Izalele, uhenge wa Eframe unasoloka ni yitanga ya ungulungulu ya Samaria; mumu kakulinga ni mahuza; eji kakulokola mazuwo, ni yingumba kakupupa mu majila.

Hosea 7:11

Eframe kapwa ngwe katele keshi mana, keshi yinyingi. Kakutambika A-Engitu; kakuya ku Asuria.

Hosea 7:2

Hindu kazewile ngwe yami mungwiwuluka yitanga yo yeswe yipi. Haliapwila yilinga yo hiyaalimba; kuyili kumeso jami.

Hosea 8:10

Chipwe mafweta akwa kwakwasa hakachi ka mavungu fuji mungwakonga. Mba makalitwamina ha shimbu limwe ku chiteli cha mianangana ni alemu.

Hosea 8:13

Ha kutwala ku yitapo ya milambu yami, o kakushiha yifwo ni kuyilia, alioze Yehova kuyamupemenene. Haliapwila mewuluka uhenge wo, maaha kastigu ya milonga yo; makahiluka ku Engitu.

Hosea 8:9

Mumu hanayi ku Asuria, ngwe chimbulu wa mu yambu wakwenda ukawenyi. Eframe kanafwete akwa kumuzanga.

Hosea 9:15

Yipi yo yeswe mu Ngilingali yili; kwenako naputukile kwavwila kole. Mungwahuma mu zuwo liami mumu ha ungulungulu wa yitanga yo. Chichi kwazanga nawa; alemu jo eswe kapwa akwa kukolema.

Hosea 9:9

Hanalichisa chikolo, ngwe ha matangwa ja Ngibia. Iye kumakewuluka uhenge wo; kumakafwetesa milonga yo.

Amose 2:4

Yehova kanambe ngwenyi, Mumu ha milonga yitatu ya Yunda hanji yiwana, chichi kahilwisa kastigu, mumu halituna shimbi ya Yehova kafungile yiyulo yenyi. Yuma yo ya kwonga hiyinaapiangula, yize tulamba two endele nayo.

Mika 6:2

Enu milundu ivwenu chikuma cha Yehova, ni yenu fundamentu jikolo ja hashi; mumu Yehova kanasumu atu jenyi, makasopa ni A-Izalele.

Mateu 16:27

Mumu mwe Mwana Mutu kumakeza mu uhenya wa Tato hamwe ni angelo jenyi, hohene kumakahana kuli mweswe nikulita ni yilinga yenyi.

A-ROMA 2:6

yoze makahana kuli eswe nikulita ni yitanga yo:

Galashia 6:7

Kanda nulionga; Zambi keshi kulenvewa: mumu cheswacho mutu makuwa, chenacho kumakacha nawa.