Hosea 12:10 - MUKANDA USANDU WA ZAMBI 1975

¹⁰ Yami nahanjikile kuli aprofeta; yami nokesele usolwelo, nikuhana yishima ku makanwa ja aprofeta.

Mukanda Wa Zambi 1970

¹⁰ “Yinguhanjika kuli akwa munanyi, yingwaha Usolwelo unji, yingukanyamisa atu jami ni maliji ja akwa munanyi.

Hosea 12:10 Iomraidhean Croise

1 Yitanga Ya Mianangana 13:1

Umwe mutu wa Zambi yakatuka ku Yunda eze ku Mbetele nikulita ni liji lia Yehova. Jeroboame te kanamana ku chilumbilo mukwocha insensu.

1 Yitanga Ya Mianangana 17:1

Eliya Ka-Tishibe wa hakachi ka njize ja mu Ngiliate yamba kuli Ahabe ngwenyi, Ni mwono wa Yehova Zambi ya Izalele yoze nakumana kumeso jenyi, kukuchi kapwa mume hanji vula ha miaka yino ndo ni liji liami.

1 Yitanga Ya Mianangana 19:10

Aye ngwenyi, Nguli ni mbunge ya kuzanga wika Yehova Zambi-ya-Tujita. Alioze A-Izalele hehuka usendo we, hanunguna yilumbilo ye, hashiha aprofeta je ni katana. Yami wika ukawami nasala. Mba kanafupu kungutambula mwono wami.

1 MIANANGANA 17:13

Alioze Yehova washindakenyene kuli A-Izalele ni kuli A-Yunda kuli profeta mweswe ni kuli mukwa kumona mweswe ngwenyi, Alumukenu ku ndako jenu jipi nukafunge shimbi jami ni yiyulo yami nikulita ni shimbi jami jeswe jize natuminyine tulamba twenu, te jize nanutumine kuli tuvumbi twami aprofeta.

Nehemia 9:30

Alioze miaka yinji walihumikijine no. Waashindakenyene kuli Spiritu ye muli aprofeta. Hindu kasolo kwivwa, kashika waakunjikile mu moko ja mavungu a yifuchi.

Kutuhuka 20:2

Nakuchijile ku chifuchi cha Engitu, ku zuwo lia upinji, Yami Yehova Zambi ye.

Jeremia 19:1

Yehova yamba ngwenyi, Yako ulande mulondo wa tengi, wa uma, ukaye ni amwe makulwana ja atu ni amwe makulwana ja asasendote,

Jeremia 19:10

Henaho mushiha we mulondo kumeso ja malunga aze watwalangako,

Jeremia 25:4

Kunwapanjikile chipwe kutela matwi jenu, chipwe Yehova hatumatuma kuli yenu tuvumbi twenyi aprofeta eswe ngwenyi,

Jeremia 7:25

Chize ku tangwa lize tulamba twenu akatukile ku chifuchi cha Engitu ndo musono, chahonene kutuma tuvumbi twami aprofeta kuli ayo tangwa ha tangwa;

Ezekiel 17:2

Mwana mutu, hanjika chijimbikilo; tela chishima munyachi wa Izalele,

Ezekiel 20:49

Henaho yingwamba ngwami, Mwene Yehova! Kanangwambe ngwo, Au mwe mukwa kuta yishima.

Hosea 13:4

Yami nguli Yehova Zambi yenu chize ku chifuchi cha Engitu. Kunwanyingikine Zambi niumwe shina yami, kukushi niumwe chilamwina shina yami wika.

Hosea 3:1

Yehova wambile kuli yami ngwenyi, Yako nawa uzange pwo yoze kanamuzange kuli mukwa kumulumbula, aye chitanji nawa, chizechene ngwe Yehova kakuzanga A-Izalele, chipwe o kakutala kuli mazambi eka, nikuzanga tumbolo twa uva.

Joele 2:28

Mba kulutwe mungukazukula Spiritu yami hali atu eswe. Ana jenu a malunga ni a mapwo makaprofeteza. Makulwana jenu a malunga makateta yilota, ni akweze jenu makamona usolwelo.

Alevi 23:42

Munutwama mu yisakila matangwa shimbiali. Waze eswe apwa e enyembo A-Izalele matwama mu yisakila.

Amose 7:14

Alioze Amose yakumbulula Amazia ngwenyi, Ami chapwile profeta, chipwe mwana wa profeta. Napwile kafunga ka yimuna kanda mukwa kufunga misuwa.

Kwalula 12:6

Ngwenyi, Panjikenu maliji jami. Kachi profeta hwali hakachi kenu, yami Yehova kumungulisolola kuli iye mu usolwelo, kumunguhanjika nenyi mu chilota.

Yilinga 2:17

Kumuchikapwa ha matangwa a kusula, chocho anambe Zambi ngwenyi, Kumungukazukula Spiritu yami hali atu eswe; ni anenu a malunga ni anenu a mapwo kumakaprofeteza, ni akweze jenu kumakamona usolwelo, ni makulwana jenu kumakalota yilota:

2 Korintu 12:1

Changutamba kulisamba wate, chipwe kuchatele; alioze mungwiza ku yimona ni usolwelo wa Mwene.

2 Korintu 12:7

Ni ha mukunda wa unene wahiana wa usolwelo, kuchina mungulinangamisa kuhiana naye, anguhele mutuwi mu mujimba, kanganda ka Satana, hanga akangumbufule, kuchina mungulinangamisa kuhiana naye.