Hosea 11:9 - MUKANDA USANDU WA ZAMBI 1975

⁹ Chichi kulinga utenu wami usasu; chichi kwonwona nawa Eframe. Mumu nguli Zambi, hi nguli mutu ko, yami mwe Musandu mukachi kenu, kashika chichi keza mukwonwona.

Mukanda Wa Zambi 1970

⁹ Chichi kanumwesa lamba mu ufwatulo wami; chichi kwonona nawa Aisraele. Mumu nguli Zambi, hi nguli mutu ko. Yami, mwe munangi, nguli hamwe ni yenu. Chichi kwiza kuli yenu ni ufwatulo.

Hosea 11:9 Iomraidhean Croise

2 Samuel 20:10

Alioze Amasa katalile ku katana mu kwoko lia Joabe. Yamulamba nenyi mu jimo, yamwanga mijingwa yenyi hashi. Kamulambile nawa; yafwa. Mba Joabe ni mwanakwo Abishai yahanga Shipa mwana Mbikiri.

Miaso (Masamu) 46:5

Zambi kwali hakachi ko; kechi kulihiza; Zambi maakwasa ha kucha chimene.

Miaso (Masamu) 78:38

Alioze iye nikwivwa keke, waakonekenene uhenge wo, kaajimine. Ewa, kanji kanji watewulwile utenu wenyi; kasungile ufwatulo wenyi weswe.

Miaso (Masamu) 85:4

Tutewulule kama, yena Zambi ya ulamwino wetu, utenu we kuli yetu ukahwe kama.

Izaya 12:6

Likwizenu, imbenu ni uwahililo, enu nwatwama mu Zaione, mumu mwe Musandu wa Izalele kalema hakachi kenu.

Izaya 31:1

Lamba kuli waze akupalumuka ku Engitu kufupa yikwashi. Waze akujikijila hali tuvwalu, kakufuliela matemba-a-jita mumu ha kupwa anji, kakufuliela akwa tuvwalu ha kupwa ni tachi jinji. Alioze katalile kuli mwe Musandu wa Izalele; kahulile Yehova.

Izaya 41:14

Ena katutu Yakomba, kanda wivwa woma, enu malunga a Izalele! Yehova kanambe ngwenyi, Mungunukwasa; Mukwa-Kunukula iye mwe Musandu wa Izalele.

Izaya 41:16

Munukayifuza ni fuji muyikayihehula. Kangonga makaamwanga. Mba munukawahilila muli Yehova; munukalisamba muli mwe Musandu wa Izalele.

Izaya 48:9

Ngunasúla utenu wami mumu ha jina liami, ngunaukokolola hali yenu ha mukunda wa uhaliso wami, mumu chazangile kunusutula.

Izaya 5:24

Kashika chizechene ngwe mulengi wa kahia kuwakulalisa mwambu umu, chizechene ngwe mwambu umu muunonga mu mulengi, chocho muji wo muupwa kupola, ni yitemo yo muyihehuka ngwe fufuta. Mumu hanalitunu shimbi ya Yehova-wa-Tujita, hanalelesa liji lia mwe Musandu wa Izalele.

Jeremia 26:3

Hanji makapanjika, mutu mweswe akatuke ku jila yenyi yipi, hanga ngukalikonyeke ha chuma chikalu chize ngunambe kwalinga mumu ha yitanga yo yipi.

Jeremia 30:11

Mumu Yehova kanambe ngwenyi, Yami kunguli hamwe ni yena kukulamwina. Mungumanununa liakulu mavungu eswe kuze hinakumwangina, alioze chichi kakumanununa yena. Mungukufwetesa ni kulita; chichi katá kukuhichika ni kastigu yakuhi.

Hosea 12:1

Eframe kakulia fuji yamokomoko; kakukaula fuji ya ku Chivumbuko tangwa lieswe. Kakwokesa mahuza ni upupilo; kakulikata ni Asuria; kakutwala maji ku Engitu.

Hosea 14:4

Mungukawuka kukokoloka cho; mungukaazanga liakulu, mumu utenu wami hiwatewuluka kuli ayo.

Malaki 3:6

Mumu yami Yehova chishi kwalumuka, kashika enu ana ja Yakomba kanunongesele.

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

Shimbi 13:17

Niyimwe ya yuma yajila kanda nuyikwata ni moko jenu, hanga Yehova alumuke ku usasu wa utenu wenyi, anuvwile keke, anuvwile vumbi, anwokese, ngwe alishingile kuli tulamba twenu,

1 Samuel 26:8

Kashika Abishai yamba kuli David ngwenyi, Zambi hanakunjika mukwa kole ye mu kwoko lie musono. Ngutayize ngumupalakenye hashi ni kunga ke kamuwika. Chichi kumulamba kaali.