Hosea 11:8 - MUKANDA USANDU WA ZAMBI 1975

⁸ Ena Eframe, kuchi munguhasa kukwecha? Ena Izalele, kuchi munguhasa kukukunjika? Kuchi munguhasa kukupwisa ngwe Andama? Kuchi mungukulinga ngwe Zepoime? Mbunge yami kuyatayile muchima; keke yami yinaliwezela chivukuminya ni vumbi.

Mukanda Wa Zambi 1970

⁸ “Aisraele, ngwe kuchi ngunahase kunwehuka? Ngwe kuchi ngunahase kunwecha? Munguhasa kunwonona ngwe chize nonwene Adma, nyi? Chibwe kunulinga ngwe chize nalingile Zeboime, nyi? Mbunge yami kuyangutayijile ko kuchilinga! Nakunuzanga kuhiana.

Hosea 11:8 Iomraidhean Croise

Ubutukilo 14:8

Yikutuhuka mwanangana wa Sondome, ni mwanangana wa Ngomora, ni mwanangana wa Andama ni mwanangana wa Zepoime, ni mwanangana wa Mbela (likwo Zoare), yalisela mu chikulo cha Shindime akase jita;

2 Samuel 24:16

Alioze muze mungelo wolwele kwoko lienyi ku Yerusaleme achonwone, Yehova walikonyekene ha chuma chino chikalu. Yamba kuli mungelo yoze te unonwona atu ngwenyi, Kunahu. Kokolola kwoko lie. Mungelo wa Yehova achili te ku chizungwilo cha Arauna wa ku Yepushe.

1 Yitanga Ya Mianangana 3:26

Henaho mwe naye ya mwana wa mwono yamba kuli mwanangana ngwenyi, Mwanangana wami! Mwehenuye mwe wa mwono, kanda munushiha. Mumu mbunge yenyi yili ni usona wunji wa mwana. Alioze mukwo ngwenyi, Amutete. Kechi kupwa chipwe wa yami chipwe wa yena.

1 MIANANGANA 13:23

Alioze Yehova yaavwila vumbi ni keke; yaanyonga mumu ha usendo wenyi ni Apalahama, ni Izake, ni Yakomba. Kasolo kwaonwona, kanda achiambila kumeso jenyi.

2 Sango Ja Mianangana 36:15

Yehova Zambi ya tulamba two yaatuma tunganda twenyi, che kulimeneka ni kutumatuma mumu keke ya atu jenyi ni zuwo lienyi.

Miaso (Masamu) 106:45

Wewulukile usendo wenyi mumu hali ayo. Walikonyekene nikulita ni kulumbama cha utu wa zango lienyi.

Izaya 16:11

Kashika muchima wami kuunatu mikuma ngwe kalialia mumu hali A-Moape, ni mbunge yami nawa hali A-Kiri-Haresete.

Izaya 63:15

Ku zuwo lie lisandu lia uhenya kwilu tala hashi umone. Tachi je ja mbunge, ni ndundo je jilihijo? Usona we ni keke ye wanguminayo.

Jeremia 18:8

mba nyi munyachi uze ngunambe muwalumuka ku upi wawo, ni yami mungwalumuka ku chipi chize namba kuulinga.

Jeremia 3:12

Yako ukambe maliji ano nikutalikisa ku Norte ngwe, Yehova kanambe ngwenyi, Mukwa mafwefwe Izalele, hiluka. Chichi kukutala ni utenu mumu nguli mukwa keke. Yehova kanambe ngwenyi, Chichi kutenuka ndo ku miaka yeswe.

Jeremia 31:20

Eframe iye mwanami wa lunga mulemu nyi? Iye mwanami wa zango nyi? Mumu cheswe munguhanjika cha kulimika nenyi kunakumwiwuluka hindu. Kashika mbunge yami yakumuvwila usona. Pundu, mungumuvwila keke. Chocho kanambe Yehova.

Jeremia 42:10

Nyi munutwama mu chifuchi chino mba mungunutungisa, chichi kunupuzula; mungunutumba, chichi kunutukula, mumu ngunalikonyeka ha chuma chize chikalu nanulingile.

Jeremia 9:6

Kakulumbieka kupinjisa ha kupinjisa, kakulumbieka kwonga ha kwonga. Kasolo kungunyingika. Chocho kanambe Yehova.

Jeremia 9:7

Kashika chocho kanambe Yehova-wa-Tujita, Mungwapemesa ni kahia, mungwaeseka. Chikwo chika munguhasa kulinga kuli atu jami?

Lungungu 1:20

Yehova, tala, mumu nguli mu lamba, mwono wami unalifwichi, mbunge yami yinawondeka muchima liami mumu hinakukatukila chikolo. Ha matapalo katana kanafwisa atu mu zuwo mwapwa ngwe ufwe.

Lungungu 3:32

Chipwe mavwisa chinyengo, hindu mapwa ni keke nikulita ni kulumbama cha utu wenyi wa zango.

Lungungu 3:33

Mumu kevwile kuwaha ha kulamba hanji kuvwisa chinyengo ana ja atu.

Ezekiel 33:11

Amba kuli ayo ngwe, Mwene Yehova kanambe ngwenyi, Ni mwono wami, chevwile kuwaha ni kufwa cha chingulungulu. Ngunazange chingulungulu ahichike ndako jenyi atwame ni mwono. Alumukenu! Alumukenu! Katukenu ku ndako jenu jipi. Kuchi te nunazange kufwa, enu akwa munyachi wa Izalele?

Ezekiel 6:9

mba waze kafwile makangwiwuluka hakachi ka mavungu kuze haatwala funge, chize hanangumakuna ni mbunge jo ja ukoi jize hijinangukatuka, ni meso jo aze hanaatalikisa ni ukoi ku mahamba jo. Ene meza kulivwila kupiha kumeso jo ene mumu ha yipi yize halinga ni yuma yo ya lwaji.

Hosea 6:4

Ngulinge yika ni yena Eframe? Ngulinge yika ni yena Yunda? Zango lie Hapwa ngwe lelwa lia chimene; ngwe mume uze wakuya washiwashi.

Hosea 7:1

Muze munguhilwisa kuwaha cha atu jami, muze munguwuka Izalele, uhenge wa Eframe unasoloka ni yitanga ya ungulungulu ya Samaria; mumu kakulinga ni mahuza; eji kakulokola mazuwo, ni yingumba kakupupa mu majila.

Amose 4:11

Nanungwine amwe hakachi kenu ngwe Zambi wanungwine Sondome ni Ngomora, ni yenu nwapwile ngwe lukunyi wa kuchanga mu mbwemena. Hindu kunwahilukile kuli yami. Chocho kanambe Yehova.

Amose 7:3

Mba Yehova yalikonyeka ha chuma chino. Yehova yamba ngwenyi, Kuchichi kupwa.

Amose 7:6

Mba Yehova yalikonyeka ha chuma chino. Mwene Yehova yamba ngwenyi, Chino nawa kuchichi kupwa.

Mika 5:3

Kashika kumakaakunjika ndo mwaka uze mukwa kufumbajala hasema. Henaho masalila ja usoko wenyi makahiluka kuli atu ja Izalele.

Zefania 2:9

Yehova-wa-Tujita, Zambi ya Izalele kanambe ngwenyi, Kashika, ni mwono wami Moape malumuka ngwe Sondome, ni A-Amone mapwa ngwe Ngomora, chifuchi cha kutakana ni mikalale ni matenga a mungwa, chifuchi cha hululu ndo ku miaka. Masalila ja atu jami maapupa, ni atu jami aze alisalaho maazuka.

Mateu 23:37

A Yerusaleme! A Yerusaleme! Yena, wakushiha aprofeta, wakwasa mawe waze aatumine kuli yena! Yisuho yipwa haha hingunazange kukungulula ana je ngwe chali makunga ana jenyi mushi lia mapulwa jenyi, ni yenu kunwatayileko!

Shimbi 29:22

Mba chisemuko muchikapwa, ana jenu aze makasemuka kulutwe lienu, ni kandaka yoze makakatuka ku chifuchi chisuku, ha kumona lamba lia chifuchi chenu, ni weji Yehova anuyijishile nawo.

Shimbi 29:23

Chifuchi cheswe chapwa fundanga, ni mungwa, ni mbwemena, chifuchi kachikuwile ni mbuto, kuchemine, chipwe mwambu niumwe kuwasokelemo, ngwe apupile Sondome ni Ngomora, ni Andama, ni Zepoime, Yehova wayipupile ni utenu wenyi, ni ufwatulo wenyi.

Shimbi 32:36

Mumu Yehova makasambisa atu jenyi. Makavwila keke tuvumbi twenyi muze mamona tachi jo hijahwa mba niumwe wasala, apwe ndungo, apwe mwene.

2 Petulu 2:6

Wajindwolele membo ja Sondome ni Ngomora ku uto, waahishile ni kupupa, se waapwishile chilweza kuli waze menda ni utanganyanyi.

Yuda 1:7

Chizechene ngwe Sondome ni Ngomora, ni membo a kwajingilika, se chizechene ngwe wano alitumbikilile ku utanji, nikukaula musunya weka, hanaasela ngwe chilweza, ha kwivwa upatwilo wa kahia ka mutolo.

Usolwelo 11:8

Ni mijimba yo yinapombo mu tapalo lia limbo linene, lize anavuluka ha uspiritu ngwo, Sondome, ni ngwo, Engitu, kuze nawa ahachilile Mwene wo ha kulusu.

Usolwelo 18:18

O akololokele shimbu atalile mwishi wa kuwema chenyi, ngwo, Limbo lika mulifwa ni limbo linene?

Akwa Kuyula 10:16

Chocho ambilile hakachi ko mazambi a tundaka apwile no. Alingilile Yehova mba iye wevwilile kupiha luyinda wa Izalele.