Hosea 11:6 - MUKANDA USANDU WA ZAMBI 1975

⁶ Katana makatenukina yihunda yo, nikumanununa njalo ja mapito jo ja yihunda, nikwaonwona mu mbonge jo.

Mukanda Wa Zambi 1970

⁶ Jita muyikabwa mu membo jo ni kuwonda yajilo ya membo hashi. Muyikonona atu jami, mumu alingile chize azangile ayo ene.

Hosea 11:6 Iomraidhean Croise

Miaso (Masamu) 106:39

Chocho alichishile ni yitanga yo. Mu yitanga yo alingile ukoi.

Miaso (Masamu) 106:43

Kanji kanji waapulwile alioze akolemene mu yiyulo yo, kashika aakehesele mumu ha uhenge wo.

Izaya 18:5

Mumu shimbu kanda tuheta ku kucha, muze yitemo hiyaholoka, te yitemo muyalumuka uva ja kuhia, iye kumakateta mitango ni poko, ni mitango yize yatanda muyinonga lume.

Izaya 27:10

Mumu chihunda cha kukolesa chatwama cha kúlú. Chihunda cha kwehuka ni kuchina, ngwe puya. Ana-a-ngombe kakuliako, kwenako kakuutama ni kuhulula mitango yacho.

Izaya 30:1

Yehova kanambe ngwenyi, Lamba kuli e ana a uhulia, waze akulinga nikulita ni kuhala, alioze hi kuhala cha yami ko. Kakukolesa usendo alioze hi wa Spiritu yami ko hanga akaweze mulonga ha mulonga.

Izaya 9:14

Kashika Yehova watetele mutwe ni muchila wa Izalele ha tangwa limuwika, ni mutango wa mungaji ni lumbungu tangwa limuwika.

Jeremia 5:17

Kumakalia yize hinwacha ni kulia chenu; kumakalia ana jenu a malunga ni a mapwo. Kumakalia mapanga jenu ni ngombe jenu; kumakalia mitondo yenu ya uva ni ya makuyu. Kumakaonwona ni katana yihunda yenu ya kukolesa yize nunafuliela.

Jeremia 50:35

Yehova kanambe ngwenyi, Eze katana hali A-Kaletea, ni hali waze atwama mu Babilonia, ni hali alemu jenyi, ni akwa mana jenyi!

Lungungu 2:9

Yikolo yenyi hiyinanjila mu mavu; hanonwona njalo jako ni kujimakwona. Mwanangana ni alemu jenyi hanayi hakachi ka mavungu; shimbi kuyishiko, ni aprofeta jenyi katambwile usolwelo kuli Yehova.

Ezekiel 20:47

Amba ku musenge wa Negeve ngwe, Ivwa liji lia Yehova! Mwene Yehova kanambe ngwenyi, Mungukawika muli yena kahia ka kulalisa mutondo weswe wa wisu muli yena ni mutondo weswe umu. Kechi kahasa kujima mulengi wa kulekwoka, mba meso eswe makawema nawo chize ku Sule ndo ku Norte.

Hosea 10:14

kashika Chizungozungo cha jita muchisoloka hakachi ka atu jenu. Yihunda yenu yeswe ya kukolesa mayonwona, chizechene ngwe Shalamane yonwona Mbete-Arabele ha tangwa lia jita. Anaye te aafwenyene hamwe ni ana jo.

Hosea 10:6

Ewa che chuma chene makachimbata ku Asuria akachitenge mulambu kuli mwanangana wa kulitachika. Makakolesa Eframe sonyi; Izalele makevwa sonyi ha punga yenyi.

Hosea 13:16

Samaria mambata uhie wenyi, mumu hakatukila Zambi yenyi. Makafwa ni katana, ana jo akepe makaahwotola ku mitwe ni tufumba two makaahangula.

Hosea 4:16

Ngwe chimbembe cha ngombe mukwa pami chocho japwa pami ja Izalele. Yehova te mahasa kwalisa ngwe mwana-panga mu ulilo unene?

Hosea 4:17

Eframe hanalinungu ni mahamba, inwechenu!

Alevi 26:25

Mungutuma hali yenu katana wa kukala ha usendo. Munukunguluka mu yihunda yenu mba mungutuma misongo ya kulukumuka hakachi kenu akanukunjike kuli akwa kole jenu.

Alevi 26:31

Mungupwisa yihunda yenu yahululu. Mungupwisa mazuwo jenu asandu ngwe puya, mba chichi kuhumbika milambu yenu ya lupembo mupema.

Alevi 26:33

Mungunumwanga hakachi ka mavungu. Mungutomona katana ka jita kunyima yenu mba chifuchi chenu muchipwa puya ni yihunda yenu muyipwa yahululu.

Amose 6:8

Yehova mwe Zambi-ya-Tujita ngwenyi, Mwene Yehova halishinga ni jina lienyi mwene ngwenyi, Kulengumuka cha Yakomba changuvwisa lwaji; mbonge jenyi jangupihila, kashika mungukunjika chihunda ni yize yeswe yilimo.

Mika 5:11

Mungukateta yihunda yenu yeswe mu chifuchi chenu, nikupuzula yihunda yenu ya kukolesa.

Malaki 4:1

Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.

Shimbi 28:52

Makanuseleka ku yihunda yenu yeswe, ndo yipanga yenu yisuku ya tachi muyikapuzuka, yize nwakuyifuliela, ndusu chifuchi chenu cheswe. Iye makanuseleka mu yihunda yenu yeswe ndusu chifuchi chenu cheswe, Yehova Zambi yenu hananwehecho.

Shimbi 32:25

Haze mafwa ni katana, mu mazuwo mukupwa mwongo nikwonwona mukweze ni mwana-pwo, ni mwana unamu, ni lunga wa kambu jitoma.