Hosea 11:5 - MUKANDA USANDU WA ZAMBI 1975

⁵ Kumakahiluka nawa ku chifuchi cha Engitu, alioze Ka-Asuria makapwa mwanangana wo, mumu katayile kuhiluka kuli yami.

Mukanda Wa Zambi 1970

⁵ “Kaasolo kuhiluka kuli yami. Kashika chaatamba kuhiluka ku Egiptu. Akwa chifuchi cha Asuria maakaayula.

Hosea 11:5 Iomraidhean Croise

1 MIANANGANA 15:19

Pule mwanangana wa Asuria yeza kulimika ni chifuchi, mba Menaheme yahana kuli Pule kanunu ka *talentu ja prata hanga akamukolese mu wanangana.

1 MIANANGANA 15:29

Ha matangwa a Peka mwanangana wa Izalele, Tigelate-Pilesere mwanangana wa Asuria yeza. Yatambula Ijone, ni Abele-Mbete-Maka, ni Janoa, ni Kendeshe, ni Hazore, ni Ngiliate, ni Ngalileya, te chifuchi cheswe cha Napatali. E atu yaambata funge ku Asuria.

Hosea 10:6

Ewa che chuma chene makachimbata ku Asuria akachitenge mulambu kuli mwanangana wa kulitachika. Makakolesa Eframe sonyi; Izalele makevwa sonyi ha punga yenyi.

Hosea 5:13

Muze Eframe hamona musongo wenyi; muze Yunda hamona mbandu yenyi, mba Eframe wayile ku Asuria; yatuma kuli mwanangana wa kulitachika. Alioze aye kahashile kukuwuka chipwe kuwuka mbandu ye.

Hosea 6:1

Tatuyenu tukahiluke kuli Yehova, mumu iye hatupapulula, mba iye matuwuka. Iye hatulamba, mba iye matukasakasa.

Hosea 7:16

Kakutala kuli Mbale; o kapwa ngwe uta wa mafwefwe. Alemu jo makafwa ni katana mumu ha shino lia malimi jo. Chocho maakekuna mu chifuchi cha Engitu.

Hosea 8:13

Ha kutwala ku yitapo ya milambu yami, o kakushiha yifwo ni kuyilia, alioze Yehova kuyamupemenene. Haliapwila mewuluka uhenge wo, maaha kastigu ya milonga yo; makahiluka ku Engitu.

Hosea 9:3

Kechi kutwama mu chifuchi cha Yehova; alioze Eframe mahiluka ku Engitu, mba malia kulia cha luchisa mu Asuria.

Hosea 9:6

Mumu kanayi ku Asuria; A-Engitu makaakunga; akwa Memefiji makaafunda. Mazo-a-lunoka makazuka yuma yo yilemu ya prata; mingonga muyikapwa mu mbalaka jo.

Amose 4:11

Nanungwine amwe hakachi kenu ngwe Zambi wanungwine Sondome ni Ngomora, ni yenu nwapwile ngwe lukunyi wa kuchanga mu mbwemena. Hindu kunwahilukile kuli yami. Chocho kanambe Yehova.

Amose 4:6

Nanuhele makanwa ja zala mu yihunda yenu yeswe, ni kuhona cha mbolo mweswe mu chifuchi chenu, hindu kunwahilukile kuli yami. Chocho kanambe Yehova.

Amose 5:27

kashika mungukanutwala ku unjize sali lize lia Ndamaseku. Chocho kanambe Yehova yoze kali ni jina lia Zambi-ya-Tujita.

Shimbi 17:16

Chino wika, kanda aliokesela tuvwalu, hanji kuhilwisa atu ku Engitu hanga okese tuvwalu, mumu te Yehova wambile kuli yenu ngwenyi, Kunuchi kuhilukila ku jila yize nilimwe tangwa.