Hosea 11:2 - MUKANDA USANDU WA ZAMBI 1975

² Cheswe nalikolezele kwasanyika o yalikoleza kukatuka kuli yami. Yawezela kushihila yitapo Ambale nikwochela insensu mahamba.

Mukanda Wa Zambi 1970

² Cheswe nalikolezele kumutambika, neye Chenacho angumbile nyima kuhiana. Atu jami yaalambula Bale yitapo, yoochela yitumbo ya vumba libema ku mahamba.

Hosea 11:2 Iomraidhean Croise

1 Yitanga Ya Mianangana 12:33

Iye wakundamine ku chilumbilo hatunga mu Mbetele ha tangwa kumi ni liamuchitano lia kakweji wamuchinake, te ha kakweji hamunyonga mu mbunge yenyi. Yasela A-Izalele chiwanyino nikukundama ku chilumbilo mukwocha insensu.

1 Yitanga Ya Mianangana 18:19

Kashika tuma haliapwila ukakungulwile kuli yami A-Izalele eswe ku mulundu wa Karmela ni aprofeta ja Mbale kulakaji awana ni makumi atano, ni aprofeta ja Ashera kulakaji awana waze akulia ku mesa ya Jezebele.

Nehemia 9:30

Alioze miaka yinji walihumikijine no. Waashindakenyene kuli Spiritu ye muli aprofeta. Hindu kasolo kwivwa, kashika waakunjikile mu moko ja mavungu a yifuchi.

Izaya 65:7

ni uhenge wo, ni uhenge wa atato; chocho kanambe Yehova mumu hanochela insensu ha milundu, hanangutuku ha mindundena. Mungweseka mu makondo jo fweto ya yize halinga kulu.

Jeremia 18:15

Alioze atu jami hananguvulama. Kakwochela insensu mazambi eka. Hanatalinga mu majila jo, mu matapalo akulu, hanakondoloka mu tumajila twa ku malumbu hi tapalo ko.

Jeremia 35:13

Yehova-wa-Tujita, Zambi ya Izalele kanambe ngwenyi, Yako ukambe kuli malunga ja Yunda ni akwa Yerusaleme ngwe, Yehova kanambe ngwenyi, Kunuchi katambula longeso nukevwe maliji jami?

Jeremia 44:5

Alioze kapanjikile chipwe kutela matwi akakatuke ku ungulungulu wo, akalitwamine kwochela insensu mazambi eka.

Hosea 11:7

Atu jami hasa mbunge jo akangwehuke, kashika hinaafunjikila kanga mba niumwe maachizayo.

Hosea 2:13

Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Hosea 4:13

Kakushiha yitapo ha mbulwa milundu; kakulambula ha mindundena mushi lia mitondo ya carvalho, ni alamo, ni terebine, mumu chihuhumuke chayo Chinapeme. Kashika anenu a mapwo kakulinga ukoi, ni ndungi jenu kakulinga utanji.

Hosea 4:17

Eframe hanalinungu ni mahamba, inwechenu!

Zakaria 1:4

Kanda nupwa ngwe tulamba twenu, kuli ayo aprofeta a kushi akololokele ngwo, Yehova-wa-Tujita kanambe ngwenyi, Katukenu ku majila jenu api ni yitanga yenu yipi. Alioze kevwile; kangupanjikile; chocho kanambe Yehova.

Zakaria 7:11

Alioze katayile kupanjika; yangutalikisa chipaya cha pami; yajika matwi jo kuchina mevwa.

Luka 13:34

Yerusaleme, Yerusaleme, yena wakushiha aprofeta, wakwasa mawe waze aatumine kuli yena! Yisuho yipwa haha nazangile kukungulula i ana je ngwe chali makungulula ana jenyi mushi lia mapulwa jenyi, alioze kunwatayile.

Yoano 3:19

Uno we upatwilo, ngwo, Pangu hilineza hano hashi, ni atu azangile milima, hi pangu ko; mumu yitanga yo yapwile ya ungulungulu.

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.

Akwa Kuyula 10:6

Mba A-Izalele alingile chipi kumeso ja Yehova cheka nawa, nikulingila Ambale ni Asatarote mazambi ja A-Seria, ni mazambi ja A-Sendone, ni mazambi ja A-Moape, ni mazambi ja A-Amone, ni mazambi ja A-Filistea. Yehuka Yehova. Kamulingilile.

Akwa Kuyula 2:13

Ehukile Yehova nikuvumbika Ambale ni Asatarote.

Akwa Kuyula 3:7

A-Izalele alingile chipi kumeso ja Yehova nikuvulama Yehova Zambi yo nikulingila Ambale ni Ashera.