Hosea 11:11 - MUKANDA USANDU WA ZAMBI 1975

¹¹ Makakatuka nikulipupwisa ngwe tujila ku Engitu, ngwe tutele ku chifuchi cha Asuria mba mungwahilwisa ku mahio. Chocho kanambe Yehova.

Mukanda Wa Zambi 1970

¹¹ Maakakatuka ku Egiptu ni kupekwangila ngwe tujila, ni ku Asuria ngwe membe. Mungukaahilwisa nawa ku mahio. Yami Mwene Zambi nachamba.”

Hosea 11:11 Iomraidhean Croise

Izaya 11:11

Ha tangwa lize Mwene mazoza kwoko lienyi chisuho chamuchiali akahilwise masalila ja atu jenyi aze asala ku Asuria, ni ku Engitu, ni ku Patarose, ni ku Etiopia, ni ku Elame, ni ku Shinare, ni ku Hamate, ni ku yifuchi yeswe yasulangana ni kalunga-lwiji.

Izaya 60:8

Wano anahumuka ngwe lelwa, wano kaneza ngwe membe ku tupenda two aya?

Jeremia 31:12

Kumakeza ni kwimba ni liji linene ha mulundu wa Zaione; kumakalikwiza ha yuma yipema ya Yehova, mbuto, ni vinyu, ni maji, ni misamba ya mapanga ni ngombe. Mwono wo kumuukapwa ngwe chala cha kutuchika, mba kechi kahonga nawa.

Ezekiel 34:27

Mitondo ya mu yambu muyikema mihuko yayo, ni e mavu mahana mbuto yo, mba atu makatwama mu chifuchi cho ni chipi chakuhi; mba makanyingika yami nguli Yehova muze mungukamakuna mbambo ja kuli jo ngukaapulule kuli waze aapichile.

Ezekiel 34:28

Kechi kapwa nawa a kupupa kuli akwa mavungu; tushitu a mu chifuchi kechi kaawumbula nawa. Makatwama ni chipi chakuhi; niumwe makaakolesa woma.

Ezekiel 37:21

hi amba kuli ayo ngwe, Mwene Yehova kanambe ngwenyi, Munguchiza A-Izalele ku mavungu kuze hanayi; mungwakonga sali ni sali ngukaanehe mu chifuchi cha ayo ene.

Ezekiel 37:25

Kumakatwama mu chifuchi kuze tulamba twenu atwamine, chize nahanyine kuli kavumbi kami Yakomba. O, ni ana jo, ni ana ja ana jo kumakatwamamo ndo ku miaka yeswe, ni kavumbi kami David kumakapwa mwe mulemu ndo ku miaka yeswe.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Hosea 7:11

Eframe kapwa ngwe katele keshi mana, keshi yinyingi. Kakutambika A-Engitu; kakuya ku Asuria.

Obadia 1:17

Alioze mu mulundu wa Zaione kumukukapwa akwa kwomboka; muukapwa usandu. Munyachi wa Yakomba kumakazuka chihinga cho.

Zakaria 10:10

Ku chifuchi cha Engitu mungukaachiza nikwaneha ku mahio; chipwe ku Asuria mungukaakonga, mba mungukaaneha ku chifuchi cha Ngiliate ni Lebano ndo kukwasalile nawa chihela.

Zakaria 8:7

Yehova-wa-Tujita kanambe ngwenyi, Mungukalamwina atu jami ku chifuchi cha ku Chivumbuko ni ku chifuchi cha ku Chitokelo.

Zakaria 8:8

Mungukaaneha akatwame mu Yerusaleme. O kumakapwa atu jami, ni yami mungukapwa Zambi yo, ni umwenemwene ni ululi.