Hosea 11:10 - MUKANDA USANDU WA ZAMBI 1975

¹⁰ O kumakakaula Yehova, mba iye makateta ngwe ndumba. Ewa makateta mba anenyi-a-malunga meza nikuchikima ni kukatuka ku Chitokelo.

Mukanda Wa Zambi 1970

¹⁰ “Atu jami maakangukaula muze mungukatawoka ngwe tambwe kuli akwa kole jo. Maakatuka ku chitokelo ni kwiza fuji kuli yami nikuhwimashana.

Hosea 11:10 Iomraidhean Croise

Jobe 37:1

Ha chikuma chino mbunge yami kuyakuchikima; kuyakutumbuka kuma kwayo.

Miaso (Masamu) 119:120

Musunya wami kuunachikima ni woma wa yena. Woma ngunevu wa upatwilo we. Ayine

Miaso (Masamu) 2:11

Vumbikenu Yehova ni woma. Wahililenu nikuchikima.

Izaya 11:11

Ha tangwa lize Mwene mazoza kwoko lienyi chisuho chamuchiali akahilwise masalila ja atu jenyi aze asala ku Asuria, ni ku Engitu, ni ku Patarose, ni ku Etiopia, ni ku Elame, ni ku Shinare, ni ku Hamate, ni ku yifuchi yeswe yasulangana ni kalunga-lwiji.

Izaya 2:5

Enu akwa munyachi wa Yakomba, tweyenu tukende mu pangu lia Yehova.

Izaya 31:4

Mumu chocho Yehova hanambe kuli yami ngwenyi, Ngwe ndumba, hanji mwevu wa ndumba, makenana ha yifwo akwata, chipwe masanyika mbunga ya tufunga akalimike nenyi iye kechi kwivwa woma ha kukalumuka cho, kechi kusetuka ha zungo lio, chocho nawa Yehova-wa-Tujita makahulumuka nikwasa jita ha mulundu wa Zaione ni ha mundundena wako.

Izaya 42:13

Yehova kanatuhuka ngwe mutu wa ndundo, ngwe kajita kanavundula ufwatulo wenyi. Kanakololoka, kanakalumioka, kanalisolola mukwa ndundo wa kulimika ni akwa kole jenyi.

Izaya 49:10

Kechi kevwa zala hanji pwila; kechi kalambiwa ni fuji ya chivukuminya chipwe ni mwalwa, mumu mukwa kwavwila keke kumakaatetekela, kumakaasongwela ku mafuji a meya.

Izaya 64:2

ngwe kahia kakukwata ku yitete, ngwe kahia kakufulwisa meya— hanga ukafumanyise jina lie kuli akwa kulimika ni yena, mavungu akachikime ha kuheta che.

Izaya 66:2

Yehova kanambe ngwenyi, Yuma yino yeswe ya kulinga ni moko jami, kashika yuma yino yeswe niyami. Alioze mutu mungumutala, yono: mukwa kulikehesa, mukwa kumakuka mu Spiritu, yoze kakuchikimina liji liami.

Izaya 66:5

Panjikenu liji lia Yehova, yenu nwakuchikimina liji lienyi, ngwami, Usoko wenu waze akunuvwila kole ni kunumbila mumu ha jina liami, o hanambe ngwo, Yehova afumane, hanga tukamone uwahililo wenu. Alioze o mevwa sonyi.

Jeremia 2:2

Yako ukambe mu matwi ja A-Yerusaleme ngwe, Yehova kanambe ngwenyi, Ngunewuluka kulalaminya cha ukweze we ni zango lie lia ndungi, chize wangukawile mu puya mu chifuchi chize kakuwilemo mbuto.

Jeremia 25:30

Kashika muprofeteza maliji ano eswe kulimika no nikwamba kuli ayo ngwe, Yehova kwilu makahanjika lundunjila ku zuwo lienyi lisandu liji lienyi mulikahiohia. Kumakahanjika ni lundunjila wa tachi cha kulimika ni limba lienyi lia mapanga, kumakakololoka kulimika ni akwa hano hashi eswe, ngwe akwa kuliata uva mu ukamino.

Jeremia 31:9

Meza nikulila, mungwakoka ni kwalembejeka. Mungwaendesa ku yitwetwe ya meya mu jila yimwe yalulama muze kechi katalinga; mumu nguli tato kuli A-Izalele. Eframe mwe mwanami mutangu.

Jeremia 33:9

Ni chihunda chino kumuchikapwa kuli yami jina lia uwahililo, ni uhaliso, ni uhenya kumeso ja mavungu eswe a hashi waze mevwa yipema yize yeswe mungwalinga. O kumakevwa woma ni kuchikima mumu ha yipema yeswe ni kuwaha cheswe mungwalingila.

Jeremia 5:22

Yehova kanambe ngwenyi, Kunwanguvwilile woma nyi? Kunwachikimine kumeso jami nyi? Nasele masekeseke akapwe njiza ya kalunga-lwiji, chikwiko cha miaka yeswe kahashile kupalika. Chipwe mikanya muyilifwita hindu kuyahashile kukumba, chipwe muyichungula hindu kuyichi kupalika helu.

Jeremia 50:4

Yehova kanambe ngwenyi, Ha matangwa aze ni ha mwaka uze A-Izalele ni A-Yunda meza hamuwika, nikulila shimbu machenda. Kumakafupa Yehova Zambi yo.

Jeremia 7:6

nyi kunuchi kupinjisa chilambala hanji mwana-shiwa, hanji tuliwa, kunuchi kumwanga muma muno manyinga keshi chitela, nyi kunuchi kukaula mazambi akwo kulilemeko no,

Jeremia 7:9

Te nunazange kwiya, ni kushiha, ni kulinga utanji, ni kulishinga ni mahuza, nikwochela Mbale insensu, ni kukaula mazambi eka kunwaanyingikine,

Ezekiel 26:16

Mba alemu eswe a ku kalunga-lwiji makakatuka ku ngunja jo; makazula mahina jo ja ngungu; makalichiza yikuto yo ya kupemesa ni mbordado; makazala kuchikima. Makatwama hashi nikuchikima shimbu lieswe ni kulishimwoka ha mukunda wa yenu.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Joele 3:16

Yehova makakulunguza ku Zaione, makahiohiesa liji lienyi ku Yerusaleme. Yuma ya mwilu ni hashi muyikanyika, alioze Yehova makapwa chiswamo kuli atu jenyi, makapwa pembo kuli A-Izalele.

Amose 1:2

Yamba ngwenyi, Yehova kanakulunguza ku Zaione, kanahiohesa liji lienyi ku Yerusaleme. Ulilo wa tufunga unalili; helu lia mulundu wa Karmela hanalele.

Amose 3:4

Ndumba kakuhiohia mu yambu nyi keshi ni yifwo? Mwevu wa ndumba kakuteta mu chivwenge chenyi nyi kakwachile chimwe?

Amose 3:8

Ndumba hahiohia, iya kechi kwivwa woma? Mwene Yehova hanahanjika, iya mahasa kuhola ni uprofeto?

Mika 4:5

Mumu mavungu kakwenda vungu lieswe mu jina lia zambi yalio, alioze yetu mutwenda mu jina lia Yehova Zambi yetu ku miaka yeswe ya mutolo.

Habakuke 3:16

Ngunevu, mba mujimba wami unachikima; mivumbo yami yinachikima ha lundunjila wacho. Yifwaha yami yinapolo; molu jami anazeketa mushi liami. Mungutwaminyina kúlú tangwa lia lamba muliza hali akwa kunjila mu chifuchi chetu.

Zakaria 10:10

Ku chifuchi cha Engitu mungukaachiza nikwaneha ku mahio; chipwe ku Asuria mungukaakonga, mba mungukaaneha ku chifuchi cha Ngiliate ni Lebano ndo kukwasalile nawa chihela.

Zakaria 10:12

Mungukaatakamisa muli Yehova mba kumakenda mu jina lienyi. Chocho kanambe Yehova.

Zakaria 8:7

Yehova-wa-Tujita kanambe ngwenyi, Mungukalamwina atu jami ku chifuchi cha ku Chivumbuko ni ku chifuchi cha ku Chitokelo.

Yoano 8:12

Kashika Yesu wahanjikile cheka nawa kuli ayo ngwenyi, Pangu lia hashi yami: yoze wakungukaula, kechi kenda mu milima, alioze kumakapwa ni pangu lia mwono.

Yilinga 24:25

Shimbu ahanjikile kuli ayo ha kutwala ku ululi, ni kusúla, ni upatwilo uze muwizaho, Fwelishia wazalile tò ni woma, wakumbulwile ngwenyi, Yénu haliapwila; ni muze munguwana mwaka upema, mungukakutambika.

A-ROMA 8:1

Kashika uhiso wakuhi niumwe haliapwila kuli waze ali muli Kristu Yesu.

2 Petulu 2:10

aiioze kuhiana chikolo waze akwenda nikulita ni musunya ni usolo wa luchisa, akulelesa ulemu. Akwa kuhunuka, akwa pami, keshi woma wa kutuka alemu.

Usolwelo 10:3

Iye wakololokele ni liji linene, ngwe ndumba mahanjika lundunjila: ni muze akololokele, kukulunguza shimbiali chahanjikile maliji jacho.