Hosea 10:8 - MUKANDA USANDU WA ZAMBI 1975

⁸ Manangamo a Avene, we mutenga wa Izalele, makaonwona. Mingonga ni mikalale muyikasoka ha yilumbilo, mba makamba ku milundu ngwo, Tufukenu. Makamba ku mindundena ngwo, Holokenu hali yetu.

Mukanda Wa Zambi 1970

⁸ Mahamba jo a Avene, ha milundu kuze Aisraele akukombelela, maakabuzula. Mingonga ni yambu yibi muyikatanda he ha yilumbilo yo. Atu maakakololoka ku milundu ngwo: “Tuswekenu kama!” Ni ku mindundena ngwo: “Tufukenu kama!”

Hosea 10:8 Iomraidhean Croise

Ubutukilo 3:8

Aho yevwa liji lia Yehova Zambi kanende mu munda ha kukekema cha tangwa, kashika lunga ni mukwo-pwo yaswama kumeso ja Yehova Zambi hakachi ka mitondo ya mu munda.

1 Yitanga Ya Mianangana 13:2

Yakololoka kulimika ni chilumbilo nikulita ni liji lia Yehova ngwenyi, Chilumbilo! Chilumbilo! Yehova kanambe ngwenyi, Umwe mwana makasemukina ku munyachi wa David jina lienyi Josia. Hali yena chilumbilo iye makashihila asasendote a manangamo waze akwochelaho insensu. Iye mochelaho yifwaha ya atu.

1 Yitanga Ya Mianangana 13:34

Chuma chino chapwile mulonga wa munyachi wa Jeroboame akaupatule akaujimune hashi lume.

1 Yitanga Ya Mianangana 14:16

Kumakakunjika A-Izalele mumu ha milonga ya Jeroboame yize havulumuna; yize havulumwisa nayo A-Izalele.

1 MIANANGANA 23:15

Chikwo nawa chilumbilo chize chapwile ku Mbetele, ni lie nangamo Jeroboame mwana Nebate watungile, yoze wavulumwishine A-Izalele, chipwe chilumbilo chize ni nangamo yapuzula. Yocha lie nangamo, yalifwenya wunga; yocha mwe Ashera.

2 Sango Ja Mianangana 31:1

Mba muze hamanuna yino yeswe, A-Izalele waze eswe apwileko yaya ku yihunda ya Yunda, yapalwola tuponya, yatetateta Ashera, yapuzula manangamo, ni yilumbilo, mweswe mu Yunda ni Mbenjamine, ni mu Eframe nawa ni Manase, ndo hayimanununa yeswe. Henaho A-Izalele eswe yahiluka mutu mweswe ku chihinga chenyi, eswe ku yihunda yo.

Izaya 2:19

Mba atu makanjila mu yivwenge ya yimawe, ni mu mena a hashi, akaswamine mwongo wa Yehova, ni uhenya wa wanangana wenyi, muze makatuka akakolese mwongo he hashi.

Izaya 2:21

akanjile mu yivwenge ya yimawe, ni yivwenge ya mu mambongo, akaswamine mwongo wa Yehova, ni uhenya wa wanangana wenyi, muze makatuka akakolese mwongo he hashi.

Izaya 32:13

ha mavu ja atu jami aze anasokesa mingonga ni mikalale; ewa, ni ha mazuwo a uwahililo mu chihunda cha uwahililo.

Izaya 34:13

Mingonga muyikasoka ha mbonge jacho, ni mazo-a-lunoka ni mikalale ku mbonge jacho ja kukolesa. Kumuchikapwa wendelo wa mikuza ni zuwo lia yikungulu.

Hosea 10:2

Mbunge jo ja mafwefwe kashika chaatamba kumbata uhie wo. Yehova makapuzula yilumbilo yo nikwonwona manguji jo.

Hosea 10:5

Akwa Samaria kakuchikimina mwana-ngombe wa ku Mbete-Avene. Atu jenyi makamulilila ni asasendote jenyi a mahamba mamuhula mbimbi mumu ha uhenya wenyi uze hiwamukatuka.

Hosea 10:9

Enu A-Izalele, chize ku matangwa a Ngibia hinwavulumuna. Kwenako halikoleza nacho. Jita kuyichi kaawana te mu Ngibia?

Hosea 2:6

Kashika mungushita jila yenyi ni mbimbo, mungumushichila lusaso hanga kechi kahasa kuwana majila jenyi.

Hosea 4:13

Kakushiha yitapo ha mbulwa milundu; kakulambula ha mindundena mushi lia mitondo ya carvalho, ni alamo, ni terebine, mumu chihuhumuke chayo Chinapeme. Kashika anenu a mapwo kakulinga ukoi, ni ndungi jenu kakulinga utanji.

Hosea 4:15

Chipwe yenu A-Izalele munulinga ukoi, hindu A-Yunda kanda anjila mu uhie. Kanda nunjila mu Ngilingali; kanda nukanduka ku Mbete-Avene; kanda nulishinga ngwenu, Ni mwono wa Yehova.

Hosea 5:8

Humuna njalamina mu Ngibia; humuna chitavwi mu Rama. Sunga utoweze atu ku Mbete-Avene; ena Mbenjamine, chikima!

Hosea 8:5

Hinambila mwana-ngombe wa yena Samaria. Utenu wami unaalekwokela. Mwaka uka meza kupema?

Hosea 9:6

Mumu kanayi ku Asuria; A-Engitu makaakunga; akwa Memefiji makaafunda. Mazo-a-lunoka makazuka yuma yo yilemu ya prata; mingonga muyikapwa mu mbalaka jo.

Amose 1:5

Mungumakuna njalo ja Ndamaseku, mungutetaho waze atwama mu chikulo cha Avene; munguteta ku Mbete-Endene mwe mukwa lukanda, ni atu ja Seria maya ku unjize ku Kiri. Chocho kanambe Yehova.

Amose 3:14

Ha tangwa lize mungulamba Izalele mumu ha mutonga wenyi, mungulamba yilumbilo ya Mbetele. Makateta mbinga ja chilumbilo jikaholoke hashi.

Amose 7:9

Mungwenyeka manangamo ja Izake, ni mazuwo asandu ja Izalele mungwapwisa a hululu mungukatukila zuwo lia Jeroboame ni katana.

Amose 8:14

Waze akulishinga ni shili ya Samaria, nikwamba ngwo, Ni mwono wa zambi ye, Ndane; hanji, Ni mwono wa jila ya Mbia-shipa, o kumakalimbuka; kechi kahinduka nawa nilimwe tangwa.

Mika 1:13

Enu akwa Lakishi kashilenu tuvwalu ku matemba, enu nwapwile uputukilo wa uvulumunyi kuli mwana-pwo Zaione, mumu muli yenu awanyine Utanguko wa Izalele.

Mika 1:5

Chino cheswe mumu ha Utanguko wa Yakomba ni milonga ya munyachi ya Izalele. Utanguko wa Yakomba uka? Hi Samaria ko? Mulonga wa munyachi wa Yunda uka? Hi Yerusaleme ko?

Nahume 3:11

Ni yena nawa mukazengewa; mukevwa chishete; mukafupa chiswamo kuli akwa kole.

Luka 23:30

Hohene makapuluka kwamba ku milundu ngwo, Holokelenu hali yetu; ni ku mindundena ngwo, Tufukenu.

Shimbi 9:21

Mulonga wenu, mwana-ngombe nwamuzuzulwile, yingumwanda, yingumwocha ni kahia, yingumufwenyona, yingumucheka fufuta yikepekepe ndo yapwile ngwe wungawunga. Yingumbila fufuta yenyi mu chitwetwe chinakatuka ku mulundu.

Usolwelo 6:16

O yamba ku milundu ni ku mawe ngwo, Holokelenu hali yetu, nutusweke ku meso ja yoze watwama ha ngunja, ni ku utenu wa mwe Mwana-panga.

Usolwelo 9:6

Ni ha matangwa aze atu makafupa kufwa, aiioze kechi kachiwana nichimwe; mazanga kufwa, aiioze kufwa, muchiachina.