Hosea 10:6 - MUKANDA USANDU WA ZAMBI 1975

⁶ Ewa che chuma chene makachimbata ku Asuria akachitenge mulambu kuli mwanangana wa kulitachika. Makakolesa Eframe sonyi; Izalele makevwa sonyi ha punga yenyi.

Mukanda Wa Zambi 1970

⁶ Mwe hamba maakamutwala kuli mwanangana wa Asuria ngwe mulambu wa mwanangana munene. Aisraele lamba maakamona, maakevwa sonyi mumu ha mana waze te akukaula a uhenge.

Hosea 10:6 Iomraidhean Croise

1 MIANANGANA 17:3

Shalamanezere mwanangana wa Asuria yeza kulimika nenyi, mba Hoshia yalumuka kavumbi kenyi nikumulambula.

Jobe 18:7

Mashimbo jenyi a tachi kakwahihisa; kutaka chenyi mwene kuchakumulimbwisa.

Izaya 1:29

Mumu munuvwila sonyi mitondo yize ya carvalho yize nwawahililile nayo; sonyi mujinujimbisa mitwe mumu ha jardine jize hinwatongola.

Izaya 30:3

Kashika tachi ja kunufunga ja Falau mujalumuka sonyi jenu, kuchinyina ku Chizulie cha Engitu muchiza kunulelesa.

Izaya 45:16

Atu akwo eswe kakwivwa sonyi ni kutatajala, ni akwa kulinga tuponya kakutatajala hamuwika.

Jeremia 48:13

Henaho Moape mavwila sonyi Chemoshe ngwe munyachi wa Izalele avwilile sonyi Mbetele, we Ufulielo wo.

Jeremia 7:24

Alioze kapanjikile chipwe kutela matwi. Endele nikulita ni yiyulo yo ni pami ja mbunge jo jipi. Ayile kunyima hi kulutwe ko.

Ezekiel 16:28

Walingile ukoi ni A-Asuria mumu kusolo kuyuka; ewa, walingile no ukoi hindu kuchakuhwile.

Ezekiel 36:31

Henaho munukewuluka ndako jenu jipi ni yitanga yenu yize kuyapemene; mba munukalivwila lwaji ha mukunda wa uhenge wenu ni yitanga yenu ya lwaji.

Daniel 11:8

Makambata mazambi jo, ni tuponya two a kuzuzulula, ni yuma yo yipema ya prata ni oru; makayitwala ku Engitu. Mba ha miaka yimwe mecha mwanangana wa ku Norte.

Hosea 4:19

Fuji yimwe hiyaavunga mu mapulwa jayo, kumakevwa sonyi mumu ha yitapo yo.

Hosea 4:7

Cheswe anayi nikwoka chocho anaweze kunguvulumuna. Mungwalumuna uhenya wo ukapwe sonyi.

Hosea 5:13

Muze Eframe hamona musongo wenyi; muze Yunda hamona mbandu yenyi, mba Eframe wayile ku Asuria; yatuma kuli mwanangana wa kulitachika. Alioze aye kahashile kukuwuka chipwe kuwuka mbandu ye.

Hosea 8:6

Mu Izalele umwe chilangaji wamulingile alioze iye hi Zambi ko. Makafwenyona mwana-ngombe wa Samaria.

Mika 6:16

Mumu nwakufunga shimbi ja Omiri, ni yitanga yeswe ya munyachi wa Ahabe, ni yenu nwakwenda mu yiyulo yo, hanga ngukapwiseko kwa hululu, ni akwa kutwamako akasauke. Chocho kulenya cha mavungu muchikapwa hali yenu.