Hosea 10:4 - MUKANDA USANDU WA ZAMBI 1975

⁴ Kakuhanjika maliji amokomoko; kakukolesa usendo ni mashingo keshi tachi, kashika upatwilo kuwakusoloka ngwe yiputa ya utende mu mihanga ya mu minda.

Mukanda Wa Zambi 1970

⁴ Kaakwokesa maliji amokomoko, kaakulakenya alioze keeshi kuyilinga, kaakukolesa Usendo alioze kuushi kulinduluka. Ululi hiwalumuka uhenge, hiwoka ngwe mihuko ya ulembe mu mihanga yakulima.

Hosea 10:4 Iomraidhean Croise

Izaya 5:7

Mumu munda wa uva wa Yehova-wa-Tujita we munyachi wa Izalele, ni malunga a Yunda kapwa wande wenyi upema. Yafupa upatwilo wa kulita, alioze yawana manyinga a kumwanga; yafupa ululi, kumanyi yevwa muteto wika!

Hosea 4:2

Alioze chize chiliko, kutukana, ni mahuza, ni ungalwe, ni wiji, ni utanji. Kakuhiana shimbi jeswe; ungalwe unalitumbikila ha ungalwe.

Hosea 6:7

O hanatangula usendo chizechene ngwe Alama; hanalingi ni mafwefwe kuli yami.

Amose 5:7

Enu! Nwakwalumuna upatwilo wa kulita mu musase ni ululi nwakuumbila mu mavu.

Amose 6:12

Tuvwalu kakuzomboka ha yimawe? Kakuchipa kalunga-lwiji ni ngombe? Alioze enu hinwalumuna upatwilo wa kulita mu utende; ni mihuko ya ululi hinwayalumuna musase.

Yilinga 8:23

Mumu ngunakumono ngwe uli mu kasashisa ka usasu ni mu kana lia uhenge.

A-ROMA 1:31

Keshi malinjekela, keshi kushishika ku yilakenyo, keshi zango lia atu, keshi keke;

Shimbi 29:18

Kuchina mukupwa mukachi kenu lunga, hanji pwo, hanji akwa jiko limwe, hanji munyachi, mbunge yenyi yinatewuluka musono kuli Yehova Zambi yetu, nikuya, nikuvumbika tuzambi twa mavungu aze, kuchina mukupwa mukachi kenu muji umwe unemi kasashisa ni musase.

Shimbi 31:16

Yehova yamba kuli Mose ngwenyi, Kutala! Yena kumuoya tulo ukalifutule ni tulamba twenu. Atu ano makakatuka, makalinga ukoi nikukaula tuzambi twa tundaka a chifuchi, kuze anayi kutwama. Makangwehuka, makatangula usendo wami nakolesele no.

Shimbi 31:17

Mba utenu wami muukaakasumukina ha tangwa lize, mungukaehuka, mungukaaswekela meso jami, makaamanuna. Yipi yinji ni lamba linji mulikaawana, chocho o mahamba ha tangwa lize ngwo, Kuma, yipi yino yeswe yinatuwana mumu te Zambi yetu keshi hakachi ketu nyi?

2 Timoteu 3:3

keshi zango lia atu, keshi kuhutuka, yilamikiji, keshi kusúla, asasu, keshi kufwila yipema,

Hebreu 12:15

Talenu kanawa kuchina mapwa umwe wakuhona vumbi lia Zambi, kuchina muji umwe wa usasu muze wasoka, muunupinjisa, ni anji malichisa nawo;