Hosea 10:2 - MUKANDA USANDU WA ZAMBI 1975

² Mbunge jo ja mafwefwe kashika chaatamba kumbata uhie wo. Yehova makapuzula yilumbilo yo nikwonwona manguji jo.

Mukanda Wa Zambi 1970

² Atu waze akwete mbunge jaali, haliabwila chaatamba kumona lamba mumu ha shili yo. Zambi kumakabuzwola yilumbilo yo ni mahamba jo.

Hosea 10:2 Iomraidhean Croise

1 Yitanga Ya Mianangana 18:21

Eliya yakundama kuli atu eswe ngwenyi, Ndo mwaka uka munukakashana hakachi ka mbunge jiali? Nyi Yehova iye Zambi mukaulenu. Alioze nyi Mbale mukaulenu. Atu kamukumbulwile chipwe liji limuwika.

Kutuhuka 23:24

Kanda ukafukama kuli tuzambi two chipwe kwalingila, ka, chipwe kanda ukalinga nikulita ni yitanga yo alioze ukaapuzule liakulu. Ukapalwole yipinji tuponya two.

Yishima 11:18

Chingulungulu kakulambula fweto ya kwonga; alioze yoze makuwa ululi kali ni kwononona chamwenemwene.

Izaya 44:18

Kanyingikine, kuchaalumbunukine mumu iye hayika meso jo, kashika kahashile kumona. Hayika manyonga jo, kashika kahashile kunyingika.

Jeremia 43:13

Kumakapalwola yimanguji ya mawe yize yili ku Heliopolu mu chifuchi cha Engitu; kumakocha ni kahia matembele ja mazambi ja Engitu.

Ezekiel 14:5

hanga ngukakwate ku mbunge ja akwa munyachi wa Izalele, waze eswe hanalumuka kuli yami ngwe ngeji, ha mukunda wa mahamba jo.

Hosea 12:11

Nyi uhenge muuli mu Ngiliate kumakalumuka amokomoko. Nyi malambula kuji a ngombe mu Ngilingali makapwisa yilumbilo yo ngwe milumba ya mawe ha mihanga mu minda.

Hosea 13:16

Samaria mambata uhie wenyi, mumu hakatukila Zambi yenyi. Makafwa ni katana, ana jo akepe makaahwotola ku mitwe ni tufumba two makaahangula.

Hosea 3:4

Mumu A-Izalele makatwama matangwa anji keshi mwanangana hanji mukwa kuyula; keshi chitapo hanji nguji; keshi efode hanji terafimi.

Hosea 7:8

Eframe hanalifutula ni mavungu; Eframe kapwa ngwe mbolo yize kayalumwine ha jiko.

Alevi 26:30

Mungwonwona manangamo jenu. Mungupuzula yilumbilo yenu ya insensu. Mungulumbika mijimba ya afu jenu ha mijimba ya tuponya twenu afu, mba mbunge yami muyinuvwila kole.

Mika 5:13

Mungukatetaho tuponya twenu ni manguji jenu hakachi kenu. Kunuchi kahetamina nawa ku yitanga ya moko jenu.

Zefania 1:5

waze ha mafulumba kakulihetamina ku mbunga ya mwilu; waze akulihetamina nikulishinga ni Yehova, hindu kakulishinga ni Malekame,

Zakaria 13:2

Yehova-wa-Tujita kanambe ngwenyi, Ha tangwa lize munguteta majina ja mahamba mu chifuchi; chipwe kwewuluka kechi kaewuluka nawa. Mungukachiza nawa ku chifuchi aprofeta, ni Spiritu wa luchisa.

Mateu 6:24

Niumwe mahasa kulingila miata aali: mumu hanji mavwila kole umwe, mazanga mukwo; hanji makakaminya kuli umwe, malelesa mukwo. Kunwahashile kulingila Zambi ni kulingila upite hamuwika.

Luka 16:13

Ngamba niumwe mahasa kulingila miata aali, mumu chipwe mavwila kole umwe, akazange mukwo; hanji makakaminya kuli umwe, akalelese mukwo. Kunwahashile kulingila Zambi nikulingila upite nawa.

Tiangu (Jake) 1:8

Mutu wa mbunge jiali, wakukokoloka mu majila jenyi eswe.

Tiangu (Jake) 4:4

Yenu yitanji, kunwanyingikine kufwila cha hano hashi, kole kuli Zambi, nyi? Kashika mweswe mapala kupwa kasendo ka akwa hashi, malipwisa mukwa kole kuli Zambi.

1 Yoano 2:15

Kanda nuzanga hano hashi, chipwe yuma yize yili hano hashi. Kachi umwe mazanga hano hashi, kachi zango lia Tata kulishimo muli iye.

1 Samuel 5:4

Muze hikwacha nawa yalimeneka, kumanyi Ndagone hanaholoka ha meso jenyi hashi kulutwe lia mushete wa Yehova, ni mutwe wa Ndagone ni moko jenyi aali hanamakuka te kanapombo he ha chikukulu cha pito. Chivuvu chenyi wika chasala.