Hosea 10:11 - MUKANDA USANDU WA ZAMBI 1975

¹¹ Eframe wapwile te chimbembe cha ngombe wa kulongesa. Wazangile chikolo kuzungula mbuto kashika chapinjishile kota yenyi yipema. Alioze mungulema Eframe ye kanga. Chatamba Yunda kukoka sharua; chatamba Yakomba kulipupila mavu mwene.

Mukanda Wa Zambi 1970

¹¹ “Israele kabwile ngwe chimbembe wa ngombe yoze wanyingika kuzungula mbuto kanawa, yevwa kuwaha ha kuchilinga. Alioze yami hingunabatula kumukashila kanga ha kota yenyi yibema ni kumutwika milimo yikalu. Yuda hingunamujichika temo, ni Israele neye hingunamujichika temo lia kuchiba nalio.

Hosea 10:11 Iomraidhean Croise

Izaya 28:24

Mukwa kulimina mbuto ni sharua kakulima tangwa ha tangwa? Kakuchipa ni kuchipula mavu jenyi matangwa eswe?

Jeremia 28:14

Mumu Yehova-wa-Tujita, Zambi ya Izalele kanambe ngwenyi, Hinasa ha makota ja wano mavungu eswe kanga ya utale ya undungo kuli Nabukanezore mwanangana wa Babilonia. Kumakamulingila mumu hinamwaha chipwe tushitu a mu yambu.

Jeremia 46:20

Engitu kapwa ngwe chimbembe mupema wa ngombe, alioze umwe chikefwe wa ku Norte hamuwana.

Jeremia 50:11

Chipwe nunawahilila, chipwe nunalikwiza, enu akwa kupupa chihinga chami, chipwe nuli ni usolo ngwe chihwo cha chimbembe cha ngombe ha kelo, chipwe nwakuteta ngwe kuji ja tuvwalu,

Hosea 11:4

Naasongwelele ni mihipu ya keke, ni malenge a zango. Nalumukine kuli ayo ngwe yoze makokolola kanga ha mbangachi jo. Nahetaminyine kuli ayo nikwalisa.

Hosea 2:5

Mumu naye halinga ukoi, yoze waasemene halinga sonyi. Mumu iye hamba ngwenyi, Mungukaula akwa zango liami, waze akungwaha kulia chami ni meya a kunwa, kakungwaha wona wa mapanga, ni linyu, ni maji ni yuma ya kunwa.

Hosea 3:1

Yehova wambile kuli yami ngwenyi, Yako nawa uzange pwo yoze kanamuzange kuli mukwa kumulumbula, aye chitanji nawa, chizechene ngwe Yehova kakuzanga A-Izalele, chipwe o kakutala kuli mazambi eka, nikuzanga tumbolo twa uva.

Hosea 4:16

Ngwe chimbembe cha ngombe mukwa pami chocho japwa pami ja Izalele. Yehova te mahasa kwalisa ngwe mwana-panga mu ulilo unene?

Hosea 9:1

Ena, Izalele, kanda uwahilila! Kanda ulikwiza ngwe akwa mavungu, mumu hiwalinga ukoi nikuhichika Zambi ye. Hiwazanga fweto ya chikoi ha yizungwilo yeswe.

Mika 4:13

Mwana-pwo Zaione, katuka uzungule! Mumu mungupwisa mbinga ye ya utale, ni sende je ja unengu ukapalwole mavungu anji. Kumukatumbikila kufumbuka cho kuli Yehova; upite wo mukauhana kuli Mwene wa hashi heswe.

A-ROMA 16:18

Mumu waze keshi kulingila Mwene wetu Yesu Kristu, alioze kakulingila jimo lio ene; ni ku maliji a kulembejeka, ni kutangujola, kakwonga mbunge ja atu alelu.

Shimbi 25:4

Kanda nukasa kata ku kanwa lia ngombe shimbu mazungula mbuto.