Hosea 1:7 - MUKANDA USANDU WA ZAMBI 1975

⁷ Alioze munguvwila keke munyachi wa Yunda, mba mungukaapulula ni kwoko lia Yehova Zambi yo. Chichi kaapulula ni uta, hanji ni katana, hanji ni jita, hanji ni tuvwalu, hanji ni akwa kwendesa tuvwalu.

Mukanda Wa Zambi 1970

⁷ Alioze Ayuda mungukeevwila keke. Yami Mwene Zambi, Zambi yo, mungukaalamwina. Alioze chichi kachilinga ni jita, chibwe ni mikwale, hanji ni mata a kwasa, chibwe ni tuvwalu, hanji ni waze akwendela ho.”

Hosea 1:7 Iomraidhean Croise

1 MIANANGANA 19:29

Chino muchipwa chilayi kuli yena. Mwakono munulia chize chalisokela; ha mwaka wamuchiali munulia chize chinasoko ku mbuto yacho; mba ha mwaka wamuchitatu munulima, munucha, munutumba minda ya uva ni kulia mihuko yayo.

1 MIANANGANA 19:34

Mumu yami kumungukafunga chihunda chino nguchilamwine ha mukunda wa yami mwene, ni wa kavumbi kami David.

1 MIANANGANA 19:35

Mba ha ufuku uze mungelo wa Yehova yatuhuka; yalamba mu chilombo cha A-Asuria kulakaji lia tununu ni makumi nake a tununu ni tununu atano. Muze akwo halaula chimenemene kumanyi eswe apwile afu.

1 MIANANGANA 6:18

Muze atu aze hakundama, Elisha yalemba kuli Yehova ngwenyi, Ngunalembe, lamba wano atu apwe tupuputa. Yaalamba ni upuputa nikulita ni liji lia Elisha.

Miaso (Masamu) 33:16

Mwanangana keshi kumulamwina ha kwoka cha yizavu. Chitakame keshi kumupulula ku tachi jenyi jinji.

Miaso (Masamu) 44:7

Mumu hiunatulamwina kuli waze akulimika ni yetu; waze akutuvwila kole hiunaakolesa sonyi.

Kutuhuka 14:13

Mba Mose yamba kuli e atu ngwenyi, Kanda nwivwa woma, manenu, numone ulamwino wa Yehova, manulingilawo musono. Mumu A-Engitu nwamona musono, kunuchi kwiza kwamona nawa nilimwe tangwa.

Kutuhuka 14:30

Chocho tangwa lize Yehova walamwinyine A-Izalele ku kwoko lia A-Engitu. A-Izalele yamona A-Engitu a ufwe ha ngenge ya kalunga-lwiji.

Izaya 12:2

Zambi iye ulamwino wami, mungufuliela, chichi kwivwa woma; mumu Yehova, Yehova iye tachi jami ni mwaso wami. Iye hanapu ulamwino wami.

Izaya 30:18

Kashika Yehova kanashimbula akanulinge vumbi; kashika kanalinangamisa ha kunuvwila keke. Mumu Yehova iye Zambi ya ululi, kawaha waze mamutwaminyina.

Izaya 49:6

Yehova yono kanambe ngwenyi, Chalela naye hali yena ukapwe kavumbi kami wa kuhuzulula minyachi ya Yakomba, ni kuhilwisa kuli yami waze asala a kuli A-Izalele. Mungukupwisa nawa pangu ku mavungu hanga ulamwino wami ukahete ndo ku songo lia hashi.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Jeremia 25:5

Alumukenu eswe, ku ndako jenu jipi ni ku yitanga yenu yipi, nukatwame mu chifuchi chino Yehova hanwaha, kuli yenu ni kuli tulamba twenu chize ku shakulu ndo ku miaka.

Jeremia 25:6

Kanda nukaula mazambi akwo kwalingila chipwe kwawayila, nukangwihie ni yitanga ya moko jenu, mba chichi kunulinga chipi nichimwe.

Jeremia 33:26

mba mungulituna waze masemuka kuli Yakomba ni kavumbi kami David; chichi katongola umwe wa waze masemuka kuli iye kuyula vungu lia Apalahama, ni Izake, ni Yakomba. Mumu mungukahilwisa kuwaha cho; mungukaavwila keke.

Hosea 1:8

Muze te hasumuna Lo-Ruhama, yaka ufumba nawa, yasema mwana wa lunga.

Hosea 11:12

Eframe hanangujingilika ni mahuza, munyachi wa Izalele hanangujingilika ni kwonga. Hindu Yunda kakwenda ni Zambi, kakulalaminya kuli mwe Musandu.

Zakaria 4:6

Aye yamba kuli yami ngwenyi, Lie liji lino lia Yehova kuli Zorobabele ngwenyi, Yehova-wa-Tujita kanambe ngwenyi, Hi ku ndundo ko hanji ku ngolo alioze kuli Spiritu yami.

1 Samuel 17:47

Chikwo nawa hanga wano eswe anakunguluka kuno akanyingike ngwo, Yehova keshi kutemwina ni katana hanji ni kunga. Mumu jita ya mbala ya Yehova neye makuhana mu kwoko lietu.