Hosea 1:2 - MUKANDA USANDU WA ZAMBI 1975

² Muze Yehova wahanjikile kuli Hozea hatangu Yehova wambile kuli Hozea ngwenyi, Yako umbate umwe pwo chikoi ukaseme ana ja ukoi, mumu akwa chifuchi kanalingi ukoi unene ha kwehuka Yehova.

Mukanda Wa Zambi 1970

² Chisuho chitangu muze Mwene Zambi ahanjikile kuli Hosea, yamwamba ngwenyi: “Yako umbate pwo; mwe pwo lie makabwa chitanji, ana je no maakembulula naye. Mumu atu jami kaasolo kulitwamina kulinga utanji wo nikuwayila mazambi eka, haangwehuka yami Mwene Zambi.”

Hosea 1:2 Iomraidhean Croise

2 Sango Ja Mianangana 21:13

alioze hiwenda mu ndako ja mianangana ja Izalele, hiwakoka A-Yunda ni A-Yerusaleme akaye ku ukoi ngwe munyachi wa Ahabe; hiwashiha anakwenu a munyachi wa tatenu waze akuhianyine kupema;

Miaso (Masamu) 106:39

Chocho alichishile ni yitanga yo. Mu yitanga yo alingile ukoi.

Miaso (Masamu) 73:27

Mumu waze ali kusuku ni yena kumakanonga. Wakwonwona waze eswe akukwehuka ngwe ni ukoi.

Jeremia 2:13

Mumu atu jami halinga yuma yipi yiali. Hanangwehuka, yami lie fuji lia meya a mwono, mba hanalitotela mashima ene, mashima a miaji, kahashile kupwa ni meya.

Jeremia 2:20

Hasuku wamakwine kanga ye nikupatula mihipu ye nikwamba ngwe, Chichi kuzeya. Ewa ha mulundu weswe usuku ni mushi lia mutondo weswe wa wisu wahetaminyine ngwe chikoi.

Jeremia 2:23

Kuchi muhasa kwamba ngwe, Chalichishile, chakawile Ambale? Tala jila ye mu chikulo; nyingika chize hiwalinga ngwe chimbembe cha kamelu kanapinji ni kulikonekakoneka.

Jeremia 3:9

Mumu ukoi yiulela kuli iye, kashika yachisa chifuchi cheswe nikulinga utanji ni mawe ni mitondo.

Ezekiel 6:9

mba waze kafwile makangwiwuluka hakachi ka mavungu kuze haatwala funge, chize hanangumakuna ni mbunge jo ja ukoi jize hijinangukatuka, ni meso jo aze hanaatalikisa ni ukoi ku mahamba jo. Ene meza kulivwila kupiha kumeso jo ene mumu ha yipi yize halinga ni yuma yo ya lwaji.

Hosea 2:7

Makakaula akwa zango lienyi kechi kaaheta. Makaafupa, alioze kechi kaawana. Mba makamba ngwenyi, Munguya kuli lunga liami mutangu mumu ha matangwa aze yuma yawahile, hi haliapwila ko.

Hosea 3:1

Yehova wambile kuli yami ngwenyi, Yako nawa uzange pwo yoze kanamuzange kuli mukwa kumulumbula, aye chitanji nawa, chizechene ngwe Yehova kakuzanga A-Izalele, chipwe o kakutala kuli mazambi eka, nikuzanga tumbolo twa uva.

Hosea 5:3

Ngunanyingika Eframe, Izalele kahashile kunguswamina, mumu, yena Eframe, hiwalinga ukoi; ena Izalele hiwalichisa.

Marku 1:1

Uputukilo wa sango lipema lia Yesu Kristu, mwe Mwana Zambi.

Shimbi 31:16

Yehova yamba kuli Mose ngwenyi, Kutala! Yena kumuoya tulo ukalifutule ni tulamba twenu. Atu ano makakatuka, makalinga ukoi nikukaula tuzambi twa tundaka a chifuchi, kuze anayi kutwama. Makangwehuka, makatangula usendo wami nakolesele no.

2 Petulu 2:14

Kali ni meso a tò ni utanji, keshi kuhasa kulitwamina ku shili; nikusongojola atu aze kajikijile; nikupwa ni mbunge ja kulifumba ni kuzo; akwa shingo.

Usolwelo 17:5

Ni ha huma lienyi, jina linasonewa ngwo, Chijimbikilo, Babilonia yinene, NAYE YA YIKOI NI YA YIZELWOKESO YA HASHI.