Hosea 1:10 - MUKANDA USANDU WA ZAMBI 1975

¹⁰ Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono.

Mukanda Wa Zambi 1970

¹⁰ Aisraele maakabwa anji ngwe masekeseke a ku kalunga lwiji, kuwahashile kwaalula chibwe kweeseka. Haliabwila Zambi kanambe ngwenyi: “Yenu hi nuli atu jami ko,” alioze tangwa mulikeza lize maakamba ngwenyi: “Nuli ana ja Zambi ya mwono!”

Hosea 1:10 Iomraidhean Croise

Ubutukilo 13:16

Chikwo nawa mungwokesa munyachi we ngwe fufuta ya hashi. Nyi mutu mahasa kwalula fufuta ya hashi mba chocho mahasa kwalula munyachi we.

Ubutukilo 22:17

kuwahisa mungukakuwahisa; kwokesa mungukokesa munyachi we ukapwe ngwe matongonoshi a mwilu; ukapwe ngwe masekeseke a ha ngenge ya kalunga-lwiji. Munyachi we makazuka chajilo cha akwa kole je.

Ubutukilo 32:12

Wambile ngwe, Pundu mungukakulinga yipema, mungukapwisa munyachi we ngwe masekeseke a kalunga-lwiji, kechi kuhasa kwaalula mumu anji.

2 Samuel 7:24

Walikoleselele vungu lie lia Izalele akapwe atu je a miaka yeswe. Yena Yehova walipwishile Zambi yo.

Izaya 43:6

Mungwamba ku Norte ngwami, Echako! Ku Sule mungwamba ngwami, Kanda ulalaminya! Chizenu ana jami a malunga kusuku; chizenu anami a mapwo ku songo lia hashi,

Izaya 48:19

Kachi ana jenu hapwa ngwe masekeseke, ni waze masemuka kuli yenu hapwa ngwe mawundu ja masekeseke. Kachi jina lio nilimwe tangwa muujimuka hanji kunonga kumeso jami.

Izaya 63:16

Mumu yena uli Tata, chipwe Apalahama katunyingikine, chipwe Izalele katutayijile. Yena Yehova, uli Tata. Chize ku shakulu jina lie ngwo, Mukwa-Kutukula.

Izaya 64:8

Hindu, Yehova, uli Tata. Etu tuli uma, ena uli tengi. Etu eswe tuli chitanga cha moko je.

Izaya 65:1

Ami te nazangile angufupe kuli waze kahulile hali yami. Ami te nazangile anguwane kuli waze kangufupile. Ku vungu lia waze kangutambikile nambile ngwami, Yami uno, yami uno.

Izaya 66:20

O kumakachiza usoko wenu hakachi ka mavungu akapwe mulambu kuli Yehova. Maaneha hali tuvwalu, ni mu matemba, ni mu manda, ni hali mula, ni hali tumelu, ndo ku mulundu wami usandu ku Yerusaleme, ngwe A-Izalele kakuneha mulambu wo wa wunga mu chikwachilo chipema ku zuwo lia Yehova. Chocho kanambe Yehova.

Jeremia 33:22

Chizechene ngwe akwa mwilu kechi kuhasa kwaalula, ni masekeseke a ku kalunga-lwiji kechi kahasa kwaeseka, chocho mungwokesa waze masemuka kuli kavumbi kami David, ni asasendote ja Levi waze akunguvumbika.

Daniel 6:26

Ngunase shimbi ngwami, Mu yifuchi yeswe ya wanangana wami atu eswe akachikime ni woma kumeso ja Zambi ya Daniel, mumu iye Zambi ya mwono, katwama wa mutolo. Wanangana wenyi kechi kahasa kuwonwona; chiyulo chenyi kuchichi kasula.

Hosea 1:9

Yehova yamba ngwenyi, Umuluke jina lienyi, Lo-Ami, mumu yenu hi nuli atu jami ko, ni yami hi nguli Zambi yenu ko.

Hosea 2:23

mba mungukamutumba hali yami mwene mu chifuchi. Mungukavwila keke Lo-Ruhama; kuli Lo-Ami mungukamba ngwami, Atu jami, mba iye makamba ngwenyi, Uli Zambi yami.

Yoano 1:12

alioze kuli waze eswe amutambwile wahanyine chiyulo cha kupwa ana a Zambi, te kuli waze akufuliela ku jina lienyi;

A-ROMA 8:19

Mumu kutalatala cha yeswe ya hashi kuchakulawoka usolwelo wa ana a Zambi.

2 Korintu 6:18

mungukapwa kuli yenu Tatenu, yenu munukapwa kuli yami, anami a malunga ni anami a mapwo, chocho anambe Mwene Mukwa-Ndundo-Jeswe.

Hebreu 11:12

kashika nawa kwakatukile kuli umuwika, iye ngwe mufu, anji ngwe matongonoshi a mwilu, ngwe masekeseke aze ali ku sesa lia Kalunga-lwiji, keshi kuhasa kwaalula.