Hosea 1:1 - MUKANDA USANDU WA ZAMBI 1975

¹ Liji lia Yehova lize liejile kuli Hozea mwana Mberi ha matangwa ja Uzia ni Yotame, ni Ahaze, ni Hezekia, mianangana ja Yunda ni ha matangwa ja Jeroboame mwana Njoashe mwanangana wa Izalele.

Mukanda Wa Zambi 1970

¹ Mukanda uno unalumbununa maliji waze Mwene Zambi ahele Hosea mwana wa Beri ha matangwa ja Uzia, ni Jotame, ni Ahaze, ni Hezekia mianangana ja Yuda, ni Jeroboame mwana wa Jehoashe mwanangana wa Israele.

Hosea 1:1 Iomraidhean Croise

1 MIANANGANA 13:13

Mba Njoashe yaya tulo, yaya kuli tulamba twenyi. Jeroboame yatambula ngunja yenyi, mba Njoashe yamufunda mu Samaria hamwe ni mianangana ja Izalele.

1 MIANANGANA 14:16

Njoashe yaya tulo; yaya kuli tulamba twenyi. Yamufunda mu Samaria hamwe ni mianangana ja Izalele, mba mwanenyi Jeroboame yamuswana mu wanangana.

1 MIANANGANA 14:23

Ha mwaka kumi ni wamuchitano wa Amazia mwana Njoashe mwanangana wa Yunda, Jeroboame mwana Njoashe mwanangana wa Izalele yaputuka kuyula mu Samaria. Aye wayulile makumi awana a miaka ni mwaka umuwika.

1 MIANANGANA 15:32

Ha mwaka wamuchiali wa Peka mwana Remalia mwanangana wa Izalele, Yotame mwana Uzia mwanangana wa Yunda yaputuka kuyula.

1 MIANANGANA 15:5

Yehova yalamba Azaria, wapwile mukwa mbumba ndo tangwa lia kufwa chenyi nikutwama mu zuwo lia kumukwasa. Yotame mwana wa mwanangana wapwile helu lia zuwo nikuyula akwa chifuchi.

1 MIANANGANA 15:7

Azaria yaya tulo, yaya kuli tulamba twenyi. Yamufunda hamwe ni tulamba twenyi mu chihunda cha David, mba mwanenyi Yotame yamuswana mu wanangana.

2 Sango Ja Mianangana 27:1

Ha kuputuka kuyula Yotame wapwile ni makumi aali a miaka ni miaka yitano, mba wayulile kumi lia miaka ni miaka yisambano mu Yerusaleme. Jina lia naye Jerusha mwana Zadoke.

2 Sango Ja Mianangana 28:1

Ha kuputuka kuyula, Ahaze wapwile ni makumi aali a miaka, mba wayulile kumi lia miaka ni miaka yisambano mu Yerusaleme. Alioze kalingile chipema kumeso ja Yehova ngwe kalamba kenyi David.

2 Sango Ja Mianangana 29:33

Yuma ya kutumbikila yapwile kulakaji asambano a ngombe ni tununu atatu a mapanga.

Izaya 1:1

Usolwelo wa Izaia mwana Amoze, uze amwene ha kutwala kuli A-Yunda ni A-Yerusaleme, ha matangwa a Uzia, ni Yotame, ni Ahaze, ni Hezekia, mianangana ja Yunda.

Izaya 7:1

Ha matangwa ja Ahaze mwana Yotame mwana Uzia mwanangana wa A-Yunda, Rezine mwanangana wa Seria, ni Peka mwana Remalia mwanangana wa A-Izalele akandukile ku Yerusaleme akase no jita, alioze kahashile kuchikumba.

Jeremia 1:2

Liji lia Yehova liejile kuli iye ha matangwa a Josia mwana Amone, mwanangana wa Yundu, mu mwaka kumi ni wamuchitatu wa kuyula chenyi.

Jeremia 1:4

Liji lia Yehova liejile kuli yami ngwo,

Ezekiel 1:3

liji lia Yehova yiliza kuli sasendote Ezekiel mwana Buzi, mu chifuchi cha A-Kaletea ku lwiji Chebare. Kwoko lia Yehova liapwile hali iye kokwene.

Joele 1:1

Liji lia Yehova liejile kuli Joele mwana wa Petuele ngwo,

Amose 1:1

Maliji ja Amose, aye wapwile hakachi ka tufunga twa mapanga a ku Tekoa; maliji aze amwene ha kutwala kuli Izalele ha matangwa a Uzia mwanangana wa Yunda, ni matangwa a Jeroboame mwana Njoashe mwanangana wa Izalele miaka yiali shimbu munyiko kanda wiza.

Yona 1:1

Liji lia Yehova liejile kuli Yona mwana wa Amitai ngwenyi,

Mika 1:1

Liji lia Yehova lize liejile kuli Mika wa ku Morese ha matangwa ja Yotame, ni Ahaze, ni Hezekia mianangana ja Yunda, lize amwene lia kutwala ku Samaria ni Yerusaleme.

Zakaria 1:1

Ha kakweji wamuchinake mu mwaka wamuchiali wa Dariu, liji lia Yehova yiliza kuli profeta Zekaria mwana Mberekia, mwana Ido ngwenyi,

Yoano 10:35

Kachi waavulukile ngwenyi, Mazambi, waze kuli ayo liji lia Zambi liahetele (ni chisoneko kuchishi kuhasa kuhwa),

A-ROMA 9:25

Ngwe kanambe nawa mu mukanda wa Hozea ngwenyi, Kumungukaavuluka ngwami, A tu jami, waze kapwile atu jami; ngwami, Kanamuzange chikolo, yoze te kamuzangile.

2 Petulu 1:21

Mumu uprofeto niumwe kuwejile niumwe mwaka ku upale wa atu: aiioze atu ahanjikile cha kuli Zambi, ni kuhungumuka kuli Spiritu Musandu.