Hebreu 9:3 - MUKANDA USANDU WA ZAMBI 1975

³ Kulutwe lia chikalakala cha hina chamuchiali, kwatwama mbalaka yize anayivuluka, ngwo. Muma musandu mwahiana;

Mukanda Wa Zambi 1970

³ Kunyima lia chikalakala cha muchaali, mu zuwo kwabwile chibatulo chikwo chize te akuvuluka ngwo, Muma mwa Chijila Kuhiana.

Hebreu 9:3 Iomraidhean Croise

1 Yitanga Ya Mianangana 6:16

Chipatulo cha kunyima lia zuwo yachitunga ni makumi aali a mbandu ni matabua a sedru chize hashi ni yishimi ni chipatulo. Yachitunga muchima chikapwe uhanjikilo, mwe muma musandu mwahiana.

1 Yitanga Ya Mianangana 8:6

Mba asasendote yaneha mushete wa usendo wa Yehova kuma kwawo mu uhanjikilo wa zuwo, mwe muma musandu mwahiana mushi lia mapulwa ja akerupimi.

2 Sango Ja Mianangana 3:14

Yalinga chikalakala cha hina lilauluka, ni lia ufungo, ni lichila, ni lia linyu lipema, ni kwesekaho akerupimi.

Kutuhuka 40:21

Yanjisa mushete mu tabernakulu. Yazezeleka chikalakala cha hina, yasweka we mushete wa Shindakenyo chizechene ngwe Yehova ambile kuli Mose.

Kutuhuka 40:3

Ukanjisemo we mushete wa Shindakenyo. Ukafuke mushete ni hina lia chikalakala.

Izaya 25:7

Ha mulundu uno monwona chifuko chize hafuka nacho mavungu eswe, ni wanda uze hazazulwila helu lia mawanangana eswe.

Ezekiel 41:4

Yeseka chipatulo kuze-kanda lia tembele, usuhe wacho makumi aali a mbandu, ni utohe wacho makumi aali a mbandu. Yamba kuli yami ngwenyi, Chino, mwe muma musandu mwahiana.

Kwalula 4:5

Muze akwa chilombo maya mu wenyi Arone hamwe ni ana jenyi a malunga akanjile akalemune chikalakala cha hina, akafuke nacho mushete wa Shindakenyo.

Mateu 27:51

Kumanyi, chikalakala cha hina cha tembele chapulikile mukachi kwilu ndo hashi; ni hashi hanyikine; ni mawe apulikile;

Hebreu 6:19

Chino tuli nacho ngwe ankora ya mbunge, kuyajikiza, kuyakola nawa, se yanjila muze muchima lia chikalakala cha hina;

Hebreu 9:7

aiioze mu mbalaka yamuchiali sasendote mukwa lutwe ukawenyi, kamuwika ha mwaka, ndo ni manyinga, waze malambula hali iye mwene, ni ha yitela ya atu.

Hebreu 9:8

Spiritu Musandu kanalweze chino ngwenyi, Kanda achisolola jila ya muma musandu mwahiana shimbu te mbalaka yitangu yinamana.