Hebreu 8:3 - MUKANDA USANDU WA ZAMBI 1975

³ Mumu sasendote mukwa lutwe mweswe mamusela mukulambula yawana ni yitapo: kashika chatamba yono nawa kupwa ni chimwe cha kulambula.

Mukanda Wa Zambi 1970

³ Mwata wa mahako mweswe milimo yenyi kuhana yawana ni kulambula milambu kuli Zambi. Mwata wetu wa mahako neye chamutamba kulambula chimwe Chuma.

Hebreu 8:3 Iomraidhean Croise

Yoano 6:51

Ye mbolo ya mwono yami, yize yahulumukine mwilu: kachi umwe malia mbolo yino kumakapwa ni mwono ndo ku miaka ya mutolo: ewa, ni mbolo yize mungukahana te musunya wami uze mungukahana ha mwono wa akwa hashi.

A-ROMA 4:25

yoze amukunjikile mumu ha milonga yetu; amuhindwishile mumu ha usambiso wetu.

A-ROMA 5:6

Mumu shimbu te kutushi tachi, ha mwaka wa kulita Kristu wafwilile yitanganyanyi.

A-ROMA 5:8

Alioze Zambi kanasolola chinyingi cha zango lienyi kuli yetu, mumu shimbu te tuchili yivulumunyi, Kristu watufwilile.

Galashia 2:20

Hananguhachila ha kulusu hamwe ni Kristu; hi yami ko nawa nguli ni mwono, alioze Kristu yoze katwama muli yami; ni mwono uze nguli nawo mu mujimba, nguli nawo mu Ufulielo uze wa kuli mwe Mwana Zambi, yoze wanguzangile, yoze waliechele hali yami.

Efesu 5:2

Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Hebreu 2:17

Kashika chamutamba ku yuma yeswe akamupwise wa kulifwa ni mandumbu jenyi, hanga akapwe sasendote mukwa lutwe wa keke, wamwenemwene ni yuma ya kutwala kuli Zambi, hanga akakukile milonga ya atu.

Hebreu 3:1

Kashika, mandumbu asandu, akwa! kulianyina ha kutambika cha mwilu, Zewulenu mwe Postolo kanda mwe Sasendote mukwa lutwe wa kutayiza chetu, iye Yesu.

Hebreu 5:1

Mumu sasendote mukwa lutwe mweswe wa kusakula hakachi ka atu, mamusela hali atu ha yuma ya kutwala kuli Zambi, hanga akalambule, ni yawana, ni yitapo ha milonga:

Hebreu 7:27

Yoze kuchamutambile tangwa ha tangwa, chizechene ngwe asasendote akwa lutwe waze, kulambula yitapo, hatangu ha milonga yenyi mwene, ni kulutwe ha milonga ya atu: mumu chino wachilingile kamuwika kunahu, muze alilambwile mwene.

Hebreu 8:4

Mumu kachi mapwa hano hashi, kachi keshi kupwa sasendote nichimwe, se kwali waze akulambula yawana nikulita ni shimbi.

Hebreu 9:14

Shinaho chikolo manyinga a Kristu, yoze kuli Spiritu wa mutolo walilambwile keshi kapalia kuli Zambi, mapemesa mbunge jenu ku yitanga ya kufwa hanga nukavumbike Zambi ya mwono?