Hebreu 7:1 - MUKANDA USANDU WA ZAMBI 1975

¹ Mumu yono Melekizeteke, mwanangana wa Saleme, sasendote wa Zambi mwe Chitunda, iye wapatwijile Apalahama ha kuhiluka ku kuhana cha mianangana, Wamuwahishile.

Mukanda Wa Zambi 1970

¹ Melkizedeke yono wabwile mwanangana wa Saleme kanda hako wa Zambi Mwilu Mwahiana. Muze te Abrahama anahiluka ku jita yize akumbile mianangana, Melkizedeke yamutakana, mba yamuwahisa.

Hebreu 7:1 Iomraidhean Croise

Miaso (Masamu) 57:2

Munguteta kuli Zambi mwe Chitunda; kuli Zambi yoze wakungulingila yuma yeswe.

Miaso (Masamu) 76:2

Mbalaka yenyi yili mu Saleme; zuwo lienyi lili mu Zaione.

Miaso (Masamu) 78:35

Ewulukile ngwo, Zambi iye liwe lietu. Ngwo, Zambi mwe Chitunda iye Mukwa-Kutukula.

Miaso (Masamu) 78:56

Hindu esekele mwe Chitunda nikumukatukila. Kafungile Shindakenyo jenyi.

Daniel 4:2

Ngunamono chipema ngunulweze yilayi ni yikomokeso yize Zambi Chitunda halinga kuli yami.

Daniel 5:18

Enu mwanangana, Zambi Chitunda yahana kuli tatenu Nabukanezore wanangana, ni unene, ni uhenya, ni ulamba;

Daniel 5:21

Yamuhuma hakachi ka atu, ni manyonga jenyi yalumuka ngwe a kashitu, ni wendelo wenyi yiupwa hakachi ka yimbulu a mu yambu. Yamulisa mwambu ngwe ngombe, ni mujimba wenyi wawulile ni mume wa mwilu, ndo hasa chinyingi ngwenyi, Zambi Chitunda kakuyula wanangana wa atu; kakusaho kuyula mweswawo mapala.

Mika 6:6

Neka mungwiza kumeso ja Yehova nikulihetamina kumeso ja Zambi mwilu? Mungwiza kumeso jenyi ni milambu ya kulumba, hanji ni yimbembe ya ngombe ya mwaka umuwika?

Marku 5:7

mba nikukololoka ni liji linene ngwenyi, Kuchi yami ni yena, Yesu mwe Mwana wa Zambi Chitunda? Lishinge mu jina lia Zambi kuli yami kuchi kungupinjisa.

Yilinga 16:17

Iye nikukaula kunyima ya Paulu ni yetu, wakololokele ngwenyi, Wano atu e ndungo ja Zambi mwe Chitunda, waze akunwambulwila jila ya ulamwino.

Hebreu 6:20

muze Yesu, iye tetekeli, hanatunjilila, se iye kapwa sasendote mukwa lutwe ndo ku miaka ya mutolo nikulita ni ngango ya Melekizeteke.

Hebreu 7:2

Kuli iye nawa Apalahama wanyine chihanda cha kumi cha ku yuma yeswe (se iye hatangu kulumbunuka ngwo, Mwanangana wa ululi, ni kulutwe nawa ngwo, Mwanangana wa Saleme, linalumbunuka ngwo, Mwanangana wa sambukila.

Hebreu 7:3

Keshi tato, keshi naye, keshi munyachi, keshi uputukilo wa matangwa, ni matangwa jenyi kechi kuhwa, aiioze kanamupwisa ngwe mwe Mwana Zambi), katwama sasendote ndo ku miaka ya mutolo.

Hebreu 7:6

Alioze yoze muya wenyi keshi kuujichika kuli ayo, hanatambula yihanda ya kumi kuli Apalahama, mba wawahishile yoze wapwile ni yilakenyo.