Hebreu 6:4 - MUKANDA USANDU WA ZAMBI 1975

⁴ Mumu ha kutwala kuli waze apangukile kamuwika, apanjikile chawana cha mwilu, aapwishile akwa kulianyina hali Spiritu Musandu,

Mukanda Wa Zambi 1970

⁴ Kuchi hali atu waze haanapianguka, maahasa kwalumuka nawa ku mbunge? Hatangu te akwa pangu yaapaka chawana cha mwilu, yaatambula Chihanda cha Mwiku wa Linanga,

Hebreu 6:4 Iomraidhean Croise

Alevi 13:55

Sasendote matala chuma Chikwete musongo muze hachikosa. Chipwe musongo kuwatanjile nyi chipeka kuchisolo kwalumuka mu ulombo, wa luchisa. Akachoche mu kahia chipwe chipeka chapwa kulutwe, chipwe kunyima.

Alevi 14:43

Nyi musongo muukasangumuka nawa mu zuwo muze te hachiza mawe aze, hakwala muchima lia zuwo nikulishingula nawa,

Kwalula 24:3

Yata chishima chino ngwenyi, Maliji a Mbalau, mwana Mbeore, maliji a yoze walaula meso,

Mateu 12:45

Hohene maya, matwala hamwe nenyi maspiritu eka shimbiali a ungulungulu ahiana iye mwene, manjila, matwamamo, ni songo lia yoze mutu mulihiana kupiha. Chizechene kumuchikapwa nawa ku chisemuko chino cha ungulungulu.

Mateu 5:13

Yenu nuli mungwa wa hashi: alioze kachi mungwa unasamuka, neka mauyemesa nawa? Kuwatele nawa nichimwe shina kuumbila haze, akauliate kushi lia yiliato ya atu.

Yoano 15:6

Kachi mutu keshi kutwama muli yami, kachi mamumbila haze ngwe mutango, iye malela, mba mayikunga, mayimbila mu kahia, yikaweme.

Yoano 3:27

Yoano wakumbulwile, ngwenyi, Mutu kahashile kutambula nichimwe shina mamwahacho kwilu.

Yoano 4:10

Yesu wamukumbulwile, ngwenyi, Kachi yena wanyingika chawana cha Zambi ni yoze unambe kuli yena ngwenyi, Ngwehe kama meya ngunwe; kachi wamwita ni kachi wakwaha meya a mwono.

Yoano 6:32

Yesu kashika wambile kuli ayo ngwenyi, Pundu, pundu, ngunambe kuli yenu ngivami, Hi Mose ko wanuhele mbolo ya mwilu: alioze Tata kakunwaha mbolo yamwenemwene ya mwilu.

Yilinga 10:45

Akwa kufuliela a ku ungalami, alishikishilile, waze eswe ejile hamwe ni Petulu, mumu hali akwa mavungu nawa chawana cha Spiritu Musandu chazukukile.

Yilinga 11:17

Nyi Zambi waahele chawana chimuwika watuhele yetu nawa, muze twafulielele Mwene Yesu Kristu, mba yami iya munguhasa kukanda Zambi?

Yilinga 15:8

Zambi, mukwa kunyingika mbunge, waashindakenyene, ni kwaaha Spiritu Musandu, chizechene ngwe kuli yetu nawa;

Yilinga 8:20

Petulu wambile kuli iye ngwenyi, Prata je jikatoke hamwe ni yena, mumu hiwashinginyeka kuzuka chawana cha Zambi ni mbongo.

A-ROMA 1:11

Mumu ngunevu usona kunumona, hanga ngukalianyine ni yenu chawana chimwe cha vumbi, cha uspiritu, hanga nukajikize;

2 Korintu 4:4

muli ayo zambi ya mwakono hanapupuchisa manyonga ja waze keshi kufuliela, hanga kupanguka cha sango lipema lia uhenya wa Kristu, Mwenawo che kulifwa cha Zambi, kuchichi kapanguka hali ayo.

2 Korintu 4:6

Mumu iye Zambi, yoze wambile ngwenyi, Pangu lipanguke mu milima, mwenawo hanapanguka mu mbunge jetu, mukutwaha kupanguka cha chinyingi cha uhenya wa Zambi kumeso ja Yesu Kristu.

Galashia 3:2

Chino wika ngunazange kunyingika kuli yenu ngwami, Nwatambwile Spiritu ku yitanga ya shimbi, nyi, shina ku kwivwa cha Ufulielo?

Galashia 3:5

Yoze kashika wakunwaha Spiritu, nikulinga yipupu hakachi kenu, kakuchihnga ku yitanga ya shimbi nyi, shina ku kwivwa cha ufulielo?

Efesu 1:18

meso ja mbunge jenu akapanguluke, hanga nukanyingike chize chapwa kutalatala cha kutambika chenyi, chize chapwa kulumbama cha uhenya wa chihinga chenyi muli asandu;

Efesu 2:8

Mumu ku vumbi hananulamwina, ku Ufulielo; ni chino hi cha kuli yenwene ko; chawana cha Zambi;

Efesu 3:7

Ha lienalio angupwishile kavumbi, nikulita ni chawana cha vumbi lia Zambi lize anguhele, nikulita ni kulinga cha tachi jenyi.

Efesu 4:7

Alioze kuli mweswe hakachi ketu hanatwehe vumbi, nikulita ni njongo ya chawana cha Kristu.

1 Timoteu 4:14

Kanda ukalengulula chawana chize chili muli yena, chize hanakwehe ku uprofeto, hamwe ni kusayika cha moko ja makulwana.

2 Timoteu 2:25

ni Spiritu ya kushimbika, afumbe waze akulimika; kachi hanji Zambi makaaha kulikonyeka, akahete ku yinyingi ya umwenemwene.

2 Timoteu 4:14

Alezandre fuli-unengu, wangulingile yipi yinji: Mwene makamwaha nikulita ni yitanga yenyi

Hebreu 10:32

Alioze iwulukenu matangwa a kunyima, muze te hinwapanguluka, nwanyongonwene ha kulinjika chinji cha lamba;

Hebreu 2:4

Zambi nikushindakenya nawa hamwe no, ni yilayi ni yipekesa, ni yipupu yeka ni yeka, ni kwanyina cha Spiritu Musandu, nilulita ni kupala chenyi mwene.

1 Yoano 5:16

Kachi umwe mamona ndumbwenyi kanavulumuna mulonga, hi wa kufwa ko, kachi akete, iye makamwaha mwono hali waze keshi kuvulumuna mulonga wa kufwa. Kuuli mulonga wa kufwa; chambile nukalembele uno.