Hebreu 4:6 - MUKANDA USANDU WA ZAMBI 1975

⁶ Se kashika chinasala kuli amwe anjilemo, ni waze aambulwilile sango lipema kushi, kanjilile mumu ha uhulia.

Mukanda Wa Zambi 1970

⁶ Atu waze evwile Sango Jibema hatangu kaanjilile ko mu uhwimino wa Zambi, mumu kaafulielele ko. Ha chino, atu akwo maahasa kunjila mo.

Hebreu 4:6 Iomraidhean Croise

Izaya 65:15

Munukahichika jina lienu ngwe shingo kuli waze naatongwele, mba Mwene Yehova makanushiha; alioze matuka tuvumbi twenyi jina lieka.

Kwalula 14:12

Kumungwalamba ni chilungo, kumungwakundukila chifuchi, kumungupwisa yena vungu linene, liakangana, vungu lia ayo te likepe.

Kwalula 14:31

Alioze ana jenu, hali ayo yenu nwambile ngwenu, O kumapwa funge, mungukaahetesamo, mba o kumakanyingika che chifuchi hinwalitunacho yenu.

Mateu 21:43

Kashika ngwami, Kumakachiza wanangana wa Zambi kuli yenu, makauhana ku vungu limwe lia waze mema mihuko yawo.

Yilinga 28:28

Nyingikenu kashika ulamwino uno wa Zambi hiunatumiwa kuli akwa mavungu: o nawa kumakevwa.

1 Korintu 7:29

Alioze chino ngunambe, mandumbu, ngwami, Mwaka hiwatepuluka; hanga waze ali ni mapwo akapwe ngwe keshi no.

Galashia 3:8

Che chisoneko, nikumona Shimbu-kanda ngwe Zambi makasambisa akwa mavungu ku Ufulielo, chambulwile Shimbu-kanda sango lipema kuli Apalahama, ngwo, Muli yena akwa mavungu eswe kumakawaha.

Hebreu 4:11

Tulipupwisenu kashika kunjila mu uhwimino uze, hanga niumwe kechi kalimbuka ni cheseko chimuwika cha uhulia.

Hebreu 4:2

Mumu yetu hanatwambulwila sango lipema, chizechene ngwe ayo nawa; aiioze liji lia sango kuliaafumbukile se kalichingile ni Ufulielo muli waze evwile.

Hebreu 4:9

Kuunasala kashika uhwimino wa Sambata hali atu ja Zambi.