Hebreu 4:2 - MUKANDA USANDU WA ZAMBI 1975

² Mumu yetu hanatwambulwila sango lipema, chizechene ngwe ayo nawa; aiioze liji lia sango kuliaafumbukile se kalichingile ni Ufulielo muli waze evwile.

Mukanda Wa Zambi 1970

² Mumu ni yetu nawa hitunevu Sango Jibema ngwe ayo. Alioze Sango jino kujaakwashile, mumu muze ajivwile, kaajifulielele ko.

Hebreu 4:2 Iomraidhean Croise

Yilinga 13:46

Ni Paulu ni Mbarnavwe ahanjikile ni hamu, ngwo, Chinatambe kuhanjika liji lia Zambi kuli yenu hatangu. Alioze se nunalichinji kuli yenu, ni se nunalipatwila kunwatelele mwono wa mutolo, tunatewulukila kuli akwa mavungu.

Yilinga 3:26

Kuli yenu hatangu, Zambi, se hanasolola Kavumbi kenyi Yesu, wamutumine mukunuwahisa, ha kunukondolola mutu mweswe ku ungulungulu wenyi.

A-ROMA 2:25

Mumu ungalami chamwenemwene muukafumbula, kachi yena wakulinga shimbi: alioze kachi muopwa chitanguke cha shimbi, ungalami we hiwapwa ulima.

A-ROMA 3:3

Mumu kachi amwe kapwile ni Ufulielo, mba kuchi? Kuhona cho cha Ufulielo muchipwisa chamokomoko umwenemwene wa Zambi, nyi?

1 Korintu 13:3

Chipwe mungupangila yikumba yami yeswe mukulisa yiswale, chipwe mungukunjika mujimba wami akawoche, alioze kachi chishi zango, chafumbukile nichimwe.

Galashia 3:2

Chino wika ngunazange kunyingika kuli yenu ngwami, Nwatambwile Spiritu ku yitanga ya shimbi, nyi, shina ku kwivwa cha Ufulielo?

Galashia 3:8

Che chisoneko, nikumona Shimbu-kanda ngwe Zambi makasambisa akwa mavungu ku Ufulielo, chambulwile Shimbu-kanda sango lipema kuli Apalahama, ngwo, Muli yena akwa mavungu eswe kumakawaha.

Galashia 4:13

Alioze nunanyingika chapwile mumu ha kukokoloka cha musunya nambujolele kuli yenu sango lipema hatangu:

Shimbi 1:32

Hindu ni chino kunwafulielele Yehova Zambi yenu.

1 Tesalonika 1:5

Mumu sango lietu lipema kuliejile kuli yenu ni liji wika, alioze ni tachi nawa, ni Spiritu Musandu, ni kukununa chinji; chizechene ngwe nunanyingika chize twapwile hakachi kenu mumu hali yenu.

1 Tesalonika 2:13

Ha chikuma chino twakusakwila kuli Zambi, nikulitwamina nichimwe, ngwe muze nwatambwile liji lia sango lia Zambi kuli yetu, nwalitambwile hi ngwe liji lia atu ko, alioze chizechene ngwe liapwa chamwenemwene, liji lia Zambi, lienalio nawa kuliakulinga kanawa muli yenu akwa kufuliela.

1 Timoteu 4:8

Mumu kulifumba cha mujimba chinawaha hakepe; alioze uwayilo unawaha ha yuma yeswe, se uli ni chilakenyo cha mwono uze wa haliapwila ni cha uze muwizaho.

Hebreu 11:6

Alioze mutu keshi kuhasa kupemena kuli Zambi shina ni Ufulielo; mumu yoze meza kuli Zambi chamutamba kufuliela ngwo, Iye hwali, iye mukwa kwononona waze akumufupa.

Hebreu 3:12

Kanyamenu, mandumbu, kuchina hanji muyipwa muli umwe hakachi kenu mbunge ya ungulungulu ya kuhona Ufulielo, ha kukatuka kuli Zambi ya mwono.

Hebreu 4:6

Se kashika chinasala kuli amwe anjilemo, ni waze aambulwilile sango lipema kushi, kanjilile mumu ha uhulia.

Tiangu (Jake) 1:21

Kashika, mbilenu majilo eswe ni kulumbama cha uhuka, tambulenu ni kushimbika liji lize alitumbile muli yenu, lienalio kuliakuhasa kulamwina mbunge jenu.

1 Petulu 1:12

Aalwezele ngwe, hi kuli ayo ko, aiioze kuli yetu atuvumbikile ni yino yuma, yize haliapwila hananwambulwilayo ku makanwa ja akwa kwambujola, muli Spiritu Musandu kanatumiwa mwilu; yuma yize angelo kakwivwa usona kuhengulamo.