Hebreu 4:16 - MUKANDA USANDU WA ZAMBI 1975

¹⁶ Tukundamenu kashika ni hamu ku ngunja ya vumbi, hanga tukatambule keke, tukawane vumbi lia kutukwasa ha mwaka wa chikala.

Mukanda Wa Zambi 1970

¹⁶ Kashika tukundamenu ni hamu ku chitwamo cha wanangana wa Zambi, ku chitwamo chenyi kuze akulwezela utu wenyi. Kuze mutuwana keke ni utu yize yinalite ni kutukwasa ha tangwa lia kuhona.

Hebreu 4:16 Iomraidhean Croise

1 Sango Ja Mianangana 28:11

Mba David yahana kuli mwanenyi Solomone cheseko cha senge lia tembele, ni mazuwo jayo, ni mazuwo ja upite wayo, ni yipatulo yayo ya kwilu, ni yipatulo yayo ya muchima, ni kuma kwa chitwamo cha keke,

Izaya 27:11

Muze mitango yawo hiyoma, mayimakwona, mba mapwo meza nikuyisa ha jiko. Mumu wano atu keshi meso a kunyingika; kashika Tangi yo kechi kaavwila keke; yoze waawumbile kechi kaavwila vumbi.

Alevi 16:2

Yehova yamba kuli Mose ngwenyi, Ambila yayenu Arone kanda anjila matangwa eswe muma musandu muchima lia chikalakala kumeso ja chitwamo cha keke chize chili ha mushete, kuchina mafwa. Mumu mungukasoloka mu lelwa ha chitwamo cha keke.

Efesu 2:18

mumu muli iye yetu, eswe aali, unjililo tuli nawo muli Spiritu umuwika kuli mwe Tata.

Efesu 3:12

muli iye, hamu tuli nalio, ni unjililo mukujikiza ku Ufulielo kuli iye.

Hebreu 13:6

Chocho ni kuhamuka tunambe ngwetu, Mwene iye chikwashi chami; chichi kevwa woma. Atu yika mangulinga?

Hebreu 3:6

Alioze Kristu ngwe mwe Mwana helu lia zuwo lienyi; yetu tuli zuwo lienyi nyi chamwenemwene mutulalaminya ku hamu lietu ni kulisamba cha kutalatala chetu cha ngú, ndo ku songo.

Hebreu 7:19

(Mumu shimbi kuyapwishile nichimwe chuma chingunu), aiioze kusolola cha kutalatala chipema chahiana, ku chize twakukundama kuli Zambi.

Hebreu 7:25

Kashika kanahase nawa kulamwina ndo ku songo, waze akukundama kuli Zambi mu jina lienyi, se matangwa eswe katwama ni mwono mukwahakwila.

Hebreu 9:5

Helu liawo akerupimi ja uhenya kanazulamina chitwamo cha keke, ha kutwala ku yuma yize kukushi mwaka haliapwila kuhanjika chihanda ni chihanda.

1 Petulu 2:10

Yenu, ha miaka ya kunyima kunwapwile atu aiioze haliapwila nuli atu a Zambi: te kunwawanyine keke, aiioze haliapwila hinunawane keke.