Hebreu 3:2 - MUKANDA USANDU WA ZAMBI 1975

² Mwenawo wapwile mukwa jika kuli yoze wamuselecho, chizechene ngwe Mose nawa wapwile mukwa jika mu zuwo lienyi lieswe.

Mukanda Wa Zambi 1970

² Mumu wabwile mukwa kushishika kuli Zambi yoze wamutongwele ha milimo yino, ngwe Mose wabwile mukwa kushishika ha kumanununa cha milimo yenyi mu zuwo heswe lia Zambi.

Hebreu 3:2 Iomraidhean Croise

Kutuhuka 40:16

Chocho Mose walingile nikulita ni yeswe Yehova wamwambile. Chocho chialingile iye.

Kwalula 12:7

Kuchapwile chocho ni kavumbi kami Mose, iye mutu wa jika mu zuwo liami lieswe.

Yoano 15:10

Kachi munufunga shimbi jami kachi munukatwama mu zango liami; chizechene ngwe yami nafungile shimbi ja Tata, natwama mu zango lienyi.

Yoano 17:4

Nakuchichimiekene hano hashi; se hingunamanununa chitanga chize wanguhele kulinga.

Yoano 7:18

Yoze wakuhanjika cha kuli iye mwene kakufupa uhenya wenyi mwene: alioze yoze wakufupa uhenya wa yoze wamutumine, mwenawo wamwenemwene, ni uhenge kuushimo muli iye.

Yoano 8:29

Yoze wangutumine hwali hamwe ni yami; Tata kanguhichikile ukawami; mumu nakulinga matangwa eswe yuma yize ya kupemena kuli iye.

Efesu 2:22

Muli iye yenu nawa kunwatungiwa hamuwika kupwa zuwo lia Zambi muli Spiritu.

Shimbi 4:5

Kutala! Nanulongesele yiyulo ni upatwilo, ngwe Yehova Zambi yami wangwambile, nulinge chizechene mu chifuchi nunayi kuchizuka.

1 Timoteu 1:12

Nakusakwilila yoze wakunguhashisa, iye Kristu Yesu Mwene wetu, mumu Wangumwene nguli wamwenemwene, hangusela ku uvumbiko;

1 Timoteu 3:15

Alioze kachi munguvumiwa chikolo, hanga ukanyingike ngwe chatamba kwenda mu zuwo lia Zambi, che chikungulwila cha Zambi ya mwono, lie nguji ni fundamentu ya umwenemwene.

Hebreu 2:17

Kashika chamutamba ku yuma yeswe akamupwise wa kulifwa ni mandumbu jenyi, hanga akapwe sasendote mukwa lutwe wa keke, wamwenemwene ni yuma ya kutwala kuli Zambi, hanga akakukile milonga ya atu.

1 Samuel 12:6

Samuel yamba kuli atu ngwenyi, Mwe Yehova yoze wanuhele Mose ni Arone, yoze wachijile tulamba twenu nawa ku chifuchi cha Engitu.