Hebreu 3:1 - MUKANDA USANDU WA ZAMBI 1975

¹ Kashika, mandumbu asandu, akwa! kulianyina ha kutambika cha mwilu, Zewulenu mwe Postolo kanda mwe Sasendote mukwa lutwe wa kutayiza chetu, iye Yesu.

Mukanda Wa Zambi 1970

¹ Kashika akwetu, yenu waze Zambi hanatambika, chanutamba kunyonga Yesu, yoze Zambi hanatumu hanga abwe Mwata wa mahako ja Zambi hakutwala ku ufulielo wetu.

Hebreu 3:1 Iomraidhean Croise

Miaso (Masamu) 110:4

Yehova hanalishingi, kechi kulikonyeka, ngwenyi, Uli sasendote ku miaka ya mutolo, nikulita ni ngango ya Melekizeteke.

Izaya 1:3

Ngombe kananyingika kakó, ni chimbulu kananyingika chililo cha yoze wamuyula; alioze A-Izalele kanyingikine, kuchalumbunukine kuli atu jami.

Izaya 41:20

hanga akamone akanyingike akazewule nikusa chinyingi hamuwika ngwo, Kwoko lia Yehova halinga chino; mwe Musandu wa Izalele hachitanga.

Izaya 5:12

Kali ni tulialia ni yisaji ya kusa, ni tumikupiela, ni ndembo, ni vinyu, ku mizumbu yo; alioze keshi kusa mbunge ku yitanga ya Yehova, chipwe kumona milimo ya moko jenyi.

Ezekiel 12:3

Kashika, yena mwana mutu, lilulikile yikwata ya njize ukaye ku unjize ha mwalwa kumeso jo. Mukatuka kuma kwe ukaye unjize kuma kweka kwe kumeso jo. Hanji muchialumbunuka chipwe kapwa munyachi wa yihulia.

Ezekiel 18:28

Mumu hanyonga, hahichika Utanguko uze weswe halinga, kashika kumakatwama ni mwono; kechi kafwa.

Hagai 1:5

Kashika Yehova-wa-Tujita kanambe ngwenyi, Nyongenu ha majila jenu!

Hagai 2:15

Haliapwila nyongenu kanawa chize ku tangwa lino ni kulutwe; shimbu te kanda achisa limwe liwe ha liwe ni likwo mu tembele ya Yehova,

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yoano 20:21

Yesu kashika wambile kuli ayo cheka nawa ngwenyi, Sambukila kuli yenu: chizechene ngwe Tata hanangutumu, chocho ni yami nawa ngunanutumu.

Yoano 20:27

Kulutwe lia chize yamba kuli Tomase ngwenyi, Neha munwe we, utale moko jami, neha kwoko lie, ulise mu lumbu liami: kanda upwa kushi Ufulielo, alioze pwako mukwa kufuliela.

Yilinga 1:15

Ha matangwa aze, Petulu wamanyine mukachi ka mandumbu, (achi, mbunga ya atu a kukunguluka hamuwika apwile ngwe kulakaji ni makumi aali), wambile ngwenyi,

A-ROMA 11:17

Achi, kachi mitango yimwe ayipatwileho, ni yena, se uli olevwe wa mu yambu, akunungine hakachi ko, hiwapwa mukwa kuhangana ni mukwo hamwe no ha muji ni maji ja olevwe;

A-ROMA 15:27

Ewa, hichinaawahila; o kanapu akwa makongo kuli ayo, mumu kachi akwa mavungu hanalianyina ni yuma yo ya uspiritu, chaatamba nawa kwalingila ni yuma yatwala ku mujimba.

A-ROMA 15:8

Mumu ngunambe ngwami, Kristu wapwile kavumbi ka ungalami mukusolola umwenemwene wa Zambi, hanga akakolese yilakenyo kuli tulamba,

A-ROMA 9:24

Te yetu nawa, atutambikile, hi kuli A-Yunda wika ko alioze kuli akwa mavungu nawa, mba kuchi?

1 Korintu 1:2

Ku chikungulwila cha Zambi chize chili mu Korindu, kuli waze hanaasela ku usandu muli Kristu Yesu, aatambikile asandu, hamwe ni waze eswe kweswe akutambika ha jina lia Mwene wetu Yesu Kristu, niwo kanda niwetu:

1 Korintu 10:17

Se kuyili mbolo yimuwika, yetu se tuli anji tuli mujimba umuwika: mumu yetu eswe twakuliangana ha mbolo yimuwika.

1 Korintu 9:23

Nakulinga yuma yeswe mumu ha sango lipema, hanga nalio ngukapwe mukwa kuliangana-ni-mukwo.

2 Korintu 1:7

Ni kutalatala chetu hali yenu kuchakola; se tunanyingika, chizechene ngwe nuli akwa kulianyina ha lamba, chocho nawa nuli akwa kulianyina ha kulembejeka chetu.

2 Korintu 9:13

se ku kweseka cha yenu ku uvumbiko uno, o kakuchichimieka Zambi ha kuzeyela cha kutayiza chenu ku sango lipema lia Kristu, ha kuvungumiona cha kulianyina chenu kuli ayo ni kuli eswe;

Efesu 3:6

Ngwo, Akwa mavungu kanapu maswana-ni-akwo, ni yihanda-ni-yikwo ya mujimba umuwika, ni akwa kuliangana-ni-akwo cha chilakenyo muli Kristu Yesu ku sango lipema.

Efesu 4:1

Yami kashika, funge muli Mwene, ngunaliumbu kuli yenu, nukende ngwe chinatela kutambika chize hananutambika nacho,

Efesu 4:4

Kuuli mujimba umuwika, ni Spiritu umuwika, ngwe hananutambika mu kutalatala chimuwika cha kutambika chize anutambikile nacho;

Filipu 3:14

Nakuhanga nikuhetula meso ku songo ha kwononona cha kutambika cha kwilu cha Zambi muli Kristu Yesu.

Kolosu 1:12

nukasakwile kuli Tata, yoze hanatutesa ha kutambula chihanda cha chihinga cha asandu mu pangu;

Kolosu 1:22

hindu haliapwila hananuwanyisa mu mujimba wa musunya ku kufwa, mukunutumbikila ku usandu, kunushi kapalia, akwa kusamba kumeso jenyi.

Kolosu 3:12

Kashika ngwe ana aze hanaatongola Zambi, asandu, waze kanaazange chikolo, zalenu mbunge ja keke, ni utu, ni mbunge ja kulikehesa, ni kushimbika, ni uhomboloji;

1 Tesalonika 2:12

hanga nukende ngwe chinatela Zambi, mukwa kunutambika ku wanangana wenyi mwene ni uhenya.

1 Tesalonika 5:27

Ngunanushinji kuli Mwene akatange mukanda uno kuli mandumbu eswe asandu.

2 A-TESALONIKA 1:11

Kashika twakunulembela matangwa eswe, Zambi yetu akanumone akwa kutela kutambika chenyi, hanga akamanunune kuwaha cheswe cha upeme, ni yitanga yeswe ya Ufulielo, ni tachi;

2 A-TESALONIKA 2:14

Ku wenawo wanutambikile ku sango lietu lipema, mukuzuka uhenya wa Mwene wetu Yesu Kristu.

1 Timoteu 6:12

Litachike kulitachika chipema cha Ufulielo, kwata ku mwono wa mutolo, uze akutambikilile, ni yena watayijile kutayiza chipema kumeso ja yela anji.

1 Timoteu 6:2

Ni waze apwa miata, akwa kufuliela, kanda aalelesa, mumu apwa mandumbu; alioze Shinaho akaalingile, mumu waze akutambula ye milimo yipema o akwa kufuliela-ni-akwetu kanaazange chikolo. Longesa yino yuma nikuyishinjila.

2 Timoteu 1:9

yoze hanatulamwina, hanatutambika ni kutambika chisandu, hi nikulita ni yitanga yetu ko, alioze nikulita ni upale wenyi mwene ni vumbi lienyi, lize atuhele shimbu miaka kanda yipwa.

2 Timoteu 2:7

Zewula chize ngunambe; mumu Mwene kumakakwaha malinjekela ha yuma yeswe.

Hebreu 10:19

Kashika, mandumbu, se hamu tuli nalio mukunjila muma musandu mwahiana ku manyinga a Yesu,

Hebreu 10:21

se tuli ni sasendote munene helu lia zuwo lia Zambi;

Hebreu 10:23

Tulalaminyenu ku kutayiza cha kutalatala chetu, nikulihiza ka; mumu yoze walakenyene iye mukwa jika.

Hebreu 13:22

Alioze ngunaliumbu kuli yenu mandumbu, lihumikizenu ni liji lia kushinjila: mumu ngunasoneka kuli yenu ni maliji akehe.

Hebreu 2:11

Mumu eswe aali, ni yoze wakusela ku usandu, ni waze hanaasela ku usandu, kanapu eswe a kuli umuwika: ha chikuma chino keshi kwivwa sonyi kwavuluka ngwenyi, Mandumbu.

Hebreu 2:17

Kashika chamutamba ku yuma yeswe akamupwise wa kulifwa ni mandumbu jenyi, hanga akapwe sasendote mukwa lutwe wa keke, wamwenemwene ni yuma ya kutwala kuli Zambi, hanga akakukile milonga ya atu.

Hebreu 3:12

Kanyamenu, mandumbu, kuchina hanji muyipwa muli umwe hakachi kenu mbunge ya ungulungulu ya kuhona Ufulielo, ha kukatuka kuli Zambi ya mwono.

Hebreu 3:14

Mumu hitwapwa akwa kulianyina ni Kristu, kachi chamwenemwene mutulalaminya ku uputukilo wa ukolelo wetu wa ngú ndo ku songo.

Hebreu 6:20

muze Yesu, iye tetekeli, hanatunjilila, se iye kapwa sasendote mukwa lutwe ndo ku miaka ya mutolo nikulita ni ngango ya Melekizeteke.

Hebreu 7:26

Mumu sasendote mukwa lutwe ngwe yono watutelele, musandu, mukwa kusamba, kalichishile, kahandunuka kuli yivulumunyi, hamusa helu lia malilu.

Hebreu 7:28

Mumu shimbi kuyakupwisa atu asasendote akwa lutwe, waze anapu akwa kukokoloka; aiioze liji lia lie shingo, lize liapwile kulutwe lia shimbi, kuliasela mwe Mwana mungunu ndo ku miaka ya mutolo.

Hebreu 9:11

Alioze Kristu se kapwa sasendote mukwa lutwe wa yuma yipema yize muyizaho, ku mbalaka yinene yahiana ni yingunu yahiana, kayitungile ni moko, te hi ya ku kutanga chino ko,

Hebreu 9:15

Ha chikuma chino iye chitakanyishi cha usendo waha, hanga waze hanaatambika akatambule chilakenyo cha chihinga cha mutolo, mumu kufwa hichapwa ha ukule wa Utanguko uze wapwile kushi lia usendo utangu.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa:

1 Petulu 3:5

Mumu chizechene ha miaka ya kunyima mapwo asandu nawa, waze ataliletalile kuli Zambi, alihenyesene, nikuzeyela kuli akwo-malunga.

1 Petulu 5:1

Makulwana hakachi kenu, ngunaashinjila, yami nguli mukulwana-ni-mukwo, ni chela cha lamba lia Kristu, yami nawa nguli mukwa kulianyina ha uhenya uze himuusoloka:

1 Petulu 5:10

Zambi ya vumbi lieswe, yoze hananutambika kuheta ku uhenya wenyi wa mutolo muli Kristu, muze te hinunevu lamba ha shimbu likepe, iye mwene, kumakanupwisa angunu, makanujikijisa, makanutakamisa.

1 Yoano 1:3

yoze hitunamumono, Hitunamwivu, tunanwambulwilaye, hanga ni yenu nawa nukalikunde hamwe ni yetu; ni kulikunda chetu chamwenemwene chili hamwe ni mwe Tata, ni hamwe ni Mwanenyi Yesu Kristu:

Yuda 1:1

Yami Yundase, ndungo ya Yesu Kristu, kanda mwanakwo wa Tiangu, Kuli waze hanaatambika, kanaazange muli Zambi mwe Tata, kanaafungu hali Yesu Kristu:

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.

Usolwelo 18:20

Ivwa chiseke, yena lilu, ni yenu asandu, ni yenu apostolo, ni yenu aprofeta; mumu Zambi hanapatula upatwilo wenu hali iye.