Hebreu 2:9 - MUKANDA USANDU WA ZAMBI 1975

⁹ Alioze tunamono Yesu, yoze amupwishile ha shimbu likepe kushi lia angelo, mumu ha lamba lia kufwa, hanamuse chipangula cha uhenya ni ulemu, hanga ku vumbi lia Zambi akamone kufwa hali atu eswe.

Mukanda Wa Zambi 1970

⁹ Alioze tunamono Yesu. Shimbu likepe Zambi yamusa kushi lia tunganda a mwilu, hanga, ku utu wa Zambi, afwile atu eswe. Haliabwila tunamumono ni uhenya ni ulemu Wahiana, mumu ha lamba lia kufwa lize amwene.

Hebreu 2:9 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Izaya 11:1

Kumukusoka mutombo umwe ku chimbunji cha Yese; mutango wa ku miji yenyi muukema mihuko.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Mateu 16:28

Pundu ngunambe kuli yenu ngwami, Kwali amwe a kuli waze anamana kuno, kechi kumona kufwa nichimwe ndo mamona mwe Mwana Mutu kaneza mu wanangana wenyi.

Mateu 6:28

Mba kuchi te nunalipikala ha mazalo? Lilongesenu ku lirio ya mu yambu, ngwe chize muyitatuka; kuyishi kukilikita, chipwe kuyishi kuhosa:

Marku 9:1

Iye wambile kuli ayo ngwenyi, Pundu ngunambe kuli yenu ngwami, Kwali amwe anamana kuno, kechi kufwa nichimwe ndo mamona wanangana wa Zambi hiweza ni tachi.

Luka 9:27

Ahoze chamwenemwene ngunambe kuli yenu ngwami, Kwali amwe a kuli waze anamana kuno, kechi kufwa ndo mamona wanangana wa Zambi.

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yoano 10:17

Kashika mwe Tata kakunguzanga, mumu mungutumbika mwono wami, hanga ngukawande cheka nawa.

Yoano 12:32

Nyi kachi manguzundula hashi, kachi mungukakoka atu eswe kuli yami mwene.

Yoano 3:16

Mumu chocho Zambi wazangile akwa hashi, wechele Mwanenyi wa wika, hanga mweswawo mamufuliela, kechi katoka, alioze akapwe ni mwono wa mutolo.

Yoano 8:51

Pundu, pundu, ngunambe kuli yenu ngwami, Kachi umwe mafunga liji liami, iye kechi kamona kufwa nichimwe ndo ku miaka ya mutolo.

Yoano 8:52

A-Yunda kashika ambile kuli iye ngwo, Haliapwila tunanyingika ndemoniu ukwete. Apalahama wafwile, ni aprofeta nawa; ni yena unambe ngwe, Kachi umwe matunga liji liami, kachi kechi kumona kufwa nichimwe ndo ku miaka ya mutolo.

Yilinga 2:33

Kashika se hanamunangamisa ku kwoko lia chindume lia Zambi, ni se hanatambula kuli mwe Tata chilakenyo cha Spiritu Musandu, hanazukula chino, nunamono, nunevu haliapwila.

Yilinga 3:13

Zambi ya Apalahama, ya Izake, ya Yakomba, Zambi ya akaka, hahana uhenya kuli Kavumbi kenyi Yesu; yoze yenu nwamukunjikile, nwalikalileye kumeso ja Pilatu, muze iye ambile kumutusula.

A-ROMA 5:18

Chocho chizechene ngwe ku mulonga umuwika, upatwilo wejile hali atu eswe nikuneha uhiso: chocho nawa ku chilinga chimuwika cha ululi, chawana chejile kuli atu eswe nikuneha usambiso wa mwono.

A-ROMA 5:8

Alioze Zambi kanasolola chinyingi cha zango lienyi kuli yetu, mumu shimbu te tuchili yivulumunyi, Kristu watufwilile.

A-ROMA 8:3

Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya.

A-ROMA 8:32

Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana?

2 Korintu 5:15

iye wafwilile eswe, hanga waze ali ni mwono, kechi kupwa ni mwono nawa kuli ayo ene, alioze kuli yoze waafwilile mba wahindukile.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Galashia 4:4

Alioze muze miaka yacha Zambi watumine Mwanenyi wa kusemuka kuli pwo, wa kusemuka kushi lia shimbi

1 Timoteu 2:6

yoze waliechele ndando ya ukule hali eswe; Shindakenyo yawo akayambujole ha mwaka uze unalite.

Hebreu 1:9

Hiunazange ululi, ni ungulungulu wakukupihila; kashika Zambi, iye Zambi ye, hanakuwayisa ni maji a kulikwiza kuhiana akwenu.

Hebreu 10:5

Kashika muze yeza hano hashi, yamba ngwenyi, Chitapo ni mulambu yena kwayipalile, alioze wangululikilile mujimba.

Hebreu 11:5

Ku Ufulielo atutulwilile Enoke hanga kechi kamona kufwa; mba kamuwanyineko, mumu Zambi wamututulwilile; mumu shimbu kanda amututulwila, amushindakenyene ngwo, Kanapemena kuli Zambi.

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.

Hebreu 2:7

Hiunamupwisa ha shimbu likepe kushi lia angelo; hiunamuse chipangula cha uhenya ni ulemu, hiunamuse helu lia yitanga ya moko je:

Hebreu 7:25

Kashika kanahase nawa kulamwina ndo ku songo, waze akukundama kuli Zambi mu jina lienyi, se matangwa eswe katwama ni mwono mukwahakwila.

Hebreu 8:3

Mumu sasendote mukwa lutwe mweswe mamusela mukulambula yawana ni yitapo: kashika chatamba yono nawa kupwa ni chimwe cha kulambula.

1 Petulu 1:21

Yenu, kuli iye nwakufuliela Zambi, yoze wamuhindwishile hakachi ka afu, wamuhele uhenya; hanga Ufulielo wenu ni kutalatala chenu chikapwe muli Zambi.

1 Yoano 2:2

Iye lie kuka ha milonga yetu; hi ha milonga yetu wika ko, alioza nawa ha milonga ya akwa hashi eswe.

Usolwelo 19:12

Ni meso jenyi ngwe mulengi wa kahia, ni ha mutwe wenyi hiyili yipangula yinji; iye ali ni jina linasonewa, lize niumwe manyingika shina iye mwene.

Usolwelo 5:9

O yemba mwaso waha, ngwo, Yena kuwatela kwanda mukanda, ni kupakula yijikilo yawo: mumu akushihile, walanjile kuli Zambi ni manyinga je, amwe a ku mavungu eswe, ni ku malimi eswe, ni kuli atu eswe, ni ku minyachi yeswe,