Hebreu 2:4 - MUKANDA USANDU WA ZAMBI 1975

⁴ Zambi nikushindakenya nawa hamwe no, ni yilayi ni yipekesa, ni yipupu yeka ni yeka, ni kwanyina cha Spiritu Musandu, nilulita ni kupala chenyi mwene.

Mukanda Wa Zambi 1970

⁴ Mwaka uzewene Zambi yalweza yilayi, ni yipekesa, ni yipupu yeka ni yeka ha kulweza ngwo, hatayiza yuma yize te akwamba. Ku upale wenyi yaalianyina yawana yeka ni yeka ya Mwiku wenyi.

Hebreu 2:4 Iomraidhean Croise

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Marku 16:20

O yatuhuka, yambujola kweswe, ni Mwene walingile hamwe no, nikukolesa liji ni yilayi yize yakawile. Amene.

Marku 6:14

Mwanangana Heronde wamuvwile lufuma; mumu jina lienyi liafumanyine: wambile ngwenyi, Yoano Chipapachisa hahinduka mukachi ka afu, kashika yipupu kakuyilinga kuli iye.

Yoano 15:26

Alioze muze te Chikwashi heza, yoze mungukamutuma wa kuli Tata, iye Spiritu ya umwenemwene, yoze makatuka kuli Zambi, iye kumakashindakenya hali yami;

Yoano 4:48

Yesu kashika wambile kuli iye ngwenyi, Kunuchi kufuliela nichimwe shina munumona yilayi ni yipekesa.

Yilinga 14:3

Anyongonweneko kashika shimbu linene, nikuhanjika ni hamu muli Mwene, mwenawo washindakenyene ku liji lia vumbi lienyi se atayijile yilayi ni yipekesa akayilinge ku moko jo.

Yilinga 4:10

nyingikenu eswe, ni atu eswe a Izalele, ngwetu, Mu jina lia Yesu Kristu, Ka-Nazare, yoze yenu nwamuhachilile ha kulusu, Zambi amuhindwishile hakachi ka afu, ku tachi jenyi yono kanamana kuno kumeso jenu mungunu.

Yilinga 5:32

Ni yetu tuli yela ja yino yuma; ni Spiritu Musandu nawa, yoze Zambi hanahana kuli waze akumwononokena.

Efesu 1:5

Se watufunjikile ni zango Shimbu-kanda, hanga muli Yesu Kristu akatupwise ana kuli iye mwene, nikulita ni kuwaha cha upale wenyi,

Efesu 1:9

Nikutunyingikisa chijimbikilo cha upale wenyi, nikulita ni chize chamupemena, chize waliselele kulinga muli iye mwene;

Efesu 4:7

Alioze kuli mweswe hakachi ketu hanatwehe vumbi, nikulita ni njongo ya chawana cha Kristu.

Hebreu 6:4

Mumu ha kutwala kuli waze apangukile kamuwika, apanjikile chawana cha mwilu, aapwishile akwa kulianyina hali Spiritu Musandu,