Hebreu 2:3 - MUKANDA USANDU WA ZAMBI 1975

³ ngwe kuchi mutupuluka, nyi mutulengulula ulamwino upwa haha? Uze se aputukile kuwambujola ku kanwa lia Mwene, mba hanaukolesa ni makanwa ja waze evwile;

Mukanda Wa Zambi 1970

³ Ngwe kuchi mutuhasa kuchina lamba ngwe lize, nyi twakulelesa ulamwino ubwa haha? Hatangu Mwene Yesu iye mwene walongesele sango jize, mba waze amuvwile yaashindakenya ngwo, ulamwino uno uli wamwenemwene.

Hebreu 2:3 Iomraidhean Croise

Izaya 12:2

Zambi iye ulamwino wami, mungufuliela, chichi kwivwa woma; mumu Yehova, Yehova iye tachi jami ni mwaso wami. Iye hanapu ulamwino wami.

Izaya 20:6

Akwa mbaka yino mamba ha tangwa lize ngwo, Kumanyi chocho chapwa kuli waze twafulielele ni waze twachinyinyine kuli ayo atukwase ni kutupulula kuli mwanangana wa Asuria! Mba yetu kuchi mutupuluka?

Izaya 51:5

Ululi wami unakundama fuji; ulamwino wami hiunatuhuka. Moko jami mayula mavungu, akwa mbaka mangutwaminyina, matalatala kwoko liami.

Izaya 51:8

Mumu ndulu maalia ngwe uzalo, ni mavuno maalia ngwe wona wa panga; alioze ululi wami muupwa wa mutolo, ni ulamwino wami ku yisemuko yeswe.

Izaya 62:11

Nyingikenu, Yehova hanambulula ndo ku songo lia hashi ngwenyi, Ambenu kuli mwana-pwo Zaione ngwenu, Talenu ulamwino wenu uneza. Kwononona chenyi kaneza nacho, fweto yenyi yinamutetekela.

Ezekiel 17:15

Alioze wamukatukilile ha kutuma mikeji ku Engitu akamwehe tuvwalu ni tujita anji. Te machihasa? Ha kulinga yuma ngwe yino mutu mahasa kulilamwina? Mahasa kulilamwina ha kutangula usendo?

Ezekiel 17:18

Kechi kalilamwina mumu walelesele shingo, watangwile usendo. Mumu wahanyine kwoko lienyi, hindu walingile yino yuma yeswe.

Mateu 23:33

Yenu tupela! vungu lia yihili! ngwe kuchi munwomboka ku upatwilo wa Ngehena.

Mateu 4:17

Chize ku mwaka uze Yesu waputukile kwambujola, ngwenyi, Likonyekenu; mumu wanangana wa malilu hiunakundama.

Marku 1:14

Achi, muze te hakunjika Yoano ku zuwo lia ususu, Yesu wejile ku Ngalileya, nikwambujola sango lipema lia wanangana wa Zambi.

Luka 1:2

chizechene ngwe atukunjikileyo, waze apwile yela ni tulala twa lie liji, chize ku uputukilo,

Luka 1:69

Hanasolola mbinga ya ulamwino hali yetu mu zuwo lia David kavumbi kenyi.

Luka 24:19

Iye wambile ngwenyi, Yuma yika? O ambile kuli iye ngwo, Yuma yize ya kutwala kuli Yesu Ka-Nazare, mwenawo wapwile profeta mukwa tachi ni chitanga ni liji kumeso ja Zambi ni atu eswe.

Yoano 15:27

ni yenu nawa nwakushindakenya, mumu kunwapwa hamwe ni yami chize ku uputukilo.

Yilinga 1:22

putu ku upapachiso wa Yoano ndo ku tangwa lize amuchijile kuli yetu amutambule mwilu, chatamba umwe wa kuli wano akapwe chela hamwe ni yetu cha Uhindukilo wenyi.

Yilinga 2:22

Yenu A-Izalele, ivwenu maliji ano: Yesu Ka-Nazare, lunga ashindakenyene kuli Zambi ni yipupu ni yipekesa, ni yilayi yize Zambi walingile ku kwoko lienyi mukachi kenu, chizechene ngwe nunanyingika yenwene;

Yilinga 4:12

Ulamwino wakuhi muli mukwo niumwe: mumu chipwe jina lieka liakuhi kushi lia lilu, nilimwe, lize hanalihana hakachi ka atu, chatutamba kulilamwina nalio.

A-ROMA 11:14

kachi hanji ngukehie ku ukwa waze a ku musunya wami, ngukalamwine amwe a kuli ayo.

A-ROMA 2:3

Unashinginyeka chino, yena mutu, wakupatwila waze akulinga yuma ngwe yino, ni yena mwene wakuyilinga, ngwe mukomboka ku upatwilo wa Zambi, nyi?

1 Korintu 1:21

Se nikulita ni mana ja Zambi, akwa hashi ni mana jo kanyingikineko Zambi, chawahilile Zambi ni uhepuke wa kwambujola kulamwina waze anafuliela.

1 Tesalonika 5:3

Mumu muze mamba ngwo, Sambukila, kutwama kawape, hohene kwenyeka muchitulumuka hali ayo ngwe kufumbajala hali pwo yoze uli ni ufumba; no kechi komboka nichimwe.

1 Timoteu 1:15

Liji lino liatela kufuliela, linatambe kutá cheswe, ngwo, Kristu Yesu wejile hano hashi mukulamwina yivulumunyi; hakachi ko, yami nahiana.

Titu 2:11

Mumu vumbi lia Zambi hilinasoloka, Unaneha ulamwino kuli atu eswe,

Hebreu 1:1

Zambi, se wahanjikile ha shakulu kuli tulamba ni makanwa ja aprofeta ku yihanda yeka ni yeka, ni ndako jeka ni jeka,

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?

Hebreu 1:2

ha kusula songo lia matangwa ano, hanahanjika kuli yetu muli Mwanenyi, yoze hanamupwisa swana ya yuma yeswe, ku tachi jenyi nawa watangile miaka.

Hebreu 12:25

Talenu kanda nulituna yoze unahanjika. Mumu kachi kapulukile muze alitunyine yoze waatumbile hano hashi, kachi kuhiana chikolo yetu kutuchi kuputuka kachi mutumba manyima kuli yoze unafumbu mwilu:

Hebreu 4:1

Twivwenu woma kashika, kuchina hanji, se hanatuhichikila chilakenyo cha kunjila mu uhwimino wenyi, umwe wa kuli yenu mamumona ngwe kanachihono.

Hebreu 4:11

Tulipupwisenu kashika kunjila mu uhwimino uze, hanga niumwe kechi kalimbuka ni cheseko chimuwika cha uhulia.

Hebreu 5:9

Mba se hanamupwisa mungunu iye kapwa mwe Kaputu ka ulamwino wa mutolo kuli waze eswe akumwononokena.

Hebreu 9:28

chocho Kristu nawa, se hanamulambula kamuwika hanga akambate milonga ya anji, kumakamoneka chisuho chamuchiali, hi ha kutwala ku shili ko, kuli waze akumutalatala ha ulamwino.

1 Yoano 1:1

Yoze wapwile chize ku uputukilo, yoze Hitunamwivu, yoze hitunamumono ni meso jetu, yoze hitunamutale, ni moko jenu hitunamuvwavwata, ha kutwala ku liji lia mwono,

Yuda 1:17

Alioze yenu, akwetu a zango, iwulukenu maliji aze ahanjikile kushi ku makanwa ja apostolo ja Mwene wetu Yesu Kristu;

Usolwelo 7:10

o yakokoloka ni liji linene, ngwo, Ulamwino wa kuli Zambi yetu, yoze watwama ha ngunja, ni kuli mwe Mwana-panga.