Hebreu 13:2 - MUKANDA USANDU WA ZAMBI 1975

² Kanda nuvulama kuzumbula ngeji: mumu ha kulinga chocho amwe hanazumbula angelo, kumanyi kachinyingikine.

Mukanda Wa Zambi 1970

² Kanda nuvulama kuzumbula ngeji. Mumu, ha kulinga chino amwe haanazumbula tunganda wa mwilu, alioze te kaachinyingikine ko.

Hebreu 13:2 Iomraidhean Croise

Ubutukilo 18:1

Yehova yasoloka kuli iye ku mitondo ya Mamare, te kanatwama ku chikolo cha mbalaka yenyi ha chivukuminya cha tangwa.

Ubutukilo 19:1

Angelo aali yaheta ku Sondome ha chingoloshi, Lote te kanatwama mu chikolo cha Sondome. Lote yaamona, yakatuka aapatwize, yahetamina hashi.

1 MIANANGANA 4:8

Kwapwile tangwa limwe Elisha kanapalika ku Shuneme kuze kwatwamine umwe pwo mulemu. Mwe pwo washinjikile Elisha atambwileko kulia. Chocho tangwa lieswe apalikileko yanjila atambule kulia.

Jobe 31:19

nyi hinamona umwe kanafu mumu ha kuhona mazalo, hanji umwe chiswale keshi ni chuma cha kulifuka nacho,

Jobe 31:32

(Ngeji katwamine haze; hinazulula mapito jami kuli yoze uli mu wenyi);

Izaya 58:7

Ngwami, Kupangila kulia chenu ni akwa zala, kuneha mu mazuwo jenu yiswale waze keshi zuwo. Muze munumona yoze keshi mazalo numufuke, kanda nuswama kuli mutu ni mukwenu.

Alevi 19:34

Njize yoze hatunga ni yenu mapwa ngwe mwenyembo hakachi kenu. Munumuzanga ngwe nwakulizanga yenwene, mumu ni yenu nwapwile njize mu chifunchi cha Engitu. Yami Yehova Zambi yenu.

Mateu 25:35

mumu nevwile zala, mba nwanguhele kulia; nevwile pwila, mba nwanguhele meya; napwile chilambala, mba nwanguzumbwile;

Mateu 25:40

Mwanangana makaakumbulula ngwenyi, Pundu ngwami, Mumu te nwachilingile kuli umwe wa kuli akepe ahiana eswe a kuli wano mandumbu jami, nwachilingile kuli yami.

Mateu 25:43

napwile chilambala, kunwanguzumbwile; napwile ni uvu, kunwangujikile; nayijile, napwile mu zuwo lia ususu, kunwangunangishine.

Yilinga 16:15

Muze te hamupapachisa, ni akwa zuwo lienyi, waliumbile kuli yetu ngwenyi, Kachi unangumono wamwenemwene kuli Mwene, njilenu mu zuwo liami, nukatwamemo; mba watukokesele.

A-ROMA 12:13

Nukalianyine ku kuhona cha asandu, nukalitumbikile ku kuzumbula ngeji.

A-ROMA 16:23

Ngayu, mukwa kunguzumbula, mukwa kuzumbula chikungulwila cheswe kananumeneka. Erasetu, kaselo ka limbo, kananumeneka, ni ndumbu Kwartu.

1 Timoteu 3:2

Chatamba kashika kalayi akapwe keshi kapalia, lunga wa pwo umuwika, mukwa kukeyela, mukwa mana, mukwa kulita ha yilinga yenyi, mukwa kuzumbula ngeji, mukwa kujama ha kulongesa;

1 Timoteu 5:10

kanamushindakenya ha yitanga yipema; kachi hanalele ana kachi hanazumbula ngeji, kachi hanasanyisa yiliato ya asandu, kachi hanakwasa akwa kuyindama, kachi hanakaula yitanga yeswe yipema.

Titu 1:8

aiioze mukwa kuzumbula ngeji, mukwa kufwila yipema, mukwa mana, mukwa ululi, musandu, mukwa kusúla;

1 Petulu 4:9

nikulizumbula umwe ni mukwo, ni kulinyenyeta chakuhi.

3 Yoano 1:5

Mukwetu wa zango, kuwakushishika ni cheswacho wakulinga kuli mandumbu ni waze anapu ngeji nawa;