Hebreu 13:1 - MUKANDA USANDU WA ZAMBI 1975

¹ Kufwila cha mandumbu chikalinduluke.

Mukanda Wa Zambi 1970

¹ Nyongononenu ni kulizanga ni akwenu akwa Kristu.

Hebreu 13:1 Iomraidhean Croise

Miaso (Masamu) 133:1

Talenu cho kupema, cho kuwaha, muze mandumbu matwama hamuwika ni mbunge yimuwika.

Yoano 15:17

Yino yuma ngunanwambeyo, hanga nukalizange umwe ni mukwo ni mukwo.

Yilinga 2:1

Muze tangwa lia Pentekoste hiliaheta, o eswe apwile hamuwika ni mbunge yimuwika muma mumuwika.

Yilinga 4:32

Chizavu cha waze afulielele, apwile ni mbunge yimuwika ni kunyonga chimuwika: mba niumwe wa kuli ayo wambile ngwenyi, Chuma chize nguli nacho nichami mwene; alioze yuma yeswe yapwile ya mbunga.

Galashia 5:13

Mumu anutambikile, mandumbu, nukatusuke; chino wika, kanda nukalumuna kutusuka chenu kaliongelo ka kulingila musunya, alioze ku zango lilingilenu umwe ni mukwo.

Galashia 5:22

Alioze mihuko ya Spiritu, zango, ni uwahililo, ni sambukila, ni kulihumikiza, ni utu, ni upeme, ni kushishika,

Galashia 5:6

Mumu muli Kristu, chipwe ungalami kuushi ni ulemu, chipwe ulima, ka; alioze Ufulielo uze unalingi ku zango.

Efesu 4:3

nukalipupwise kufunga kununga cha Spiritu ni muya wa sambukila.

Efesu 5:2

Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.

2 A-TESALONIKA 1:3

Chatutamba kusakwila kuli Zambi matangwa eswe hali yenu, mandumbu, ngwe chinalite, mumu Ufulielo wenu kuwakutatuka kuhiana, ni zango umwe kuli mukwo ni mukwo hakachi ka yenu eswe kuliakuiumbama.

Hebreu 10:24

Tulitalenu umwe kuli mukwo ni mukwo mukukasumuna ku zango ni yitanga yipema.

1 Petulu 1:22

Se hinunatomesa mbunge jenu ha kwononoka chenu ku umwenemwene, hanga nukafwile mandumbu ni kufwila chize kuchishi ulembekese, lizangenu umwe mukwo ni mukwo ku mbunge yipema ni mbunge yeswe.

1 Petulu 2:17

Lemesenu atu eswe, zangenu mandumbu, ivwenu woma kuli Zambi, lemesenu mwanangana.

1 Petulu 3:8

Ha kusula, pwenu eswe ni kunyonga chimuwika, nikulivwila vumbi umwe ni mukwo ni mukwo, akwa kulizanga ngwe mandumbu, akwa mbunge ja vumbi, akwa mbunge ja kulikehesa.

1 Petulu 4:8

Kuhiana yuma yeswe pwenu nikulizanga umwe ni mukwo ni mukwo ni mbunge yeswe: mumu zango kuliakufuka milonga yinji:

2 Petulu 1:7

ha uwayilo wezenu kufwila cha mandumbu; ha kufwila cha mandumbu wezenu zango.

1 Yoano 3:23

Ni yino ye shimbi yenyi, tukafuliele ku jina lia Mwanenyi Yesu Kristu, tukalizange umwe ni mukwo ni mukwo, chizechene ngwe hanatwehe shimbi.

1 Yoano 4:20

Kachi umwe mamba ngwenyi, Ngunazange Zambi, hindu mapwa ni kole ni ndumbwenyi, iye mukwa mahuza; mumu yoze keshi kuzanga ndumbwenyi yoze hanamumono, ngwe kuchi mahasa kuzanga Zambi yoze kamumweneko.

Usolwelo 2:4

Alioze chino ngukuli nacho ngwami, Hiunahichika zango lie litangu.