Hebreu 12:4 - MUKANDA USANDU WA ZAMBI 1975

⁴ Yenu kanda nuchilimika ndo ku manyinga, nikulitachika ni shili:

Mukanda Wa Zambi 1970

⁴ Mumu hakutwala ku kulitachika chenu ni yibi, niumwe mukachi kenu kanda achifwa kama.

Hebreu 12:4 Iomraidhean Croise

Mateu 24:9

Hohene makanukunjika ku luyinda, no kumakanushiha, kumakanuvwila kole ku mavungu eswe mumu ha jina liami.

1 Korintu 10:13

Nichimwe cheseko kuchanukwachile shina chize cha kulita ni chisemewa cha atu; alioze Zambi wamwenemwene, iye kechi katayiza akanweseke kuhiana chize munuhasa; alioze hamwe ni cheseko makanumwesa jila ya kutuhukamo hanga nukahase kunyongonona.

Filipu 2:8

Mba se amuwanyine mu mujimba wa mutu, walikehesele, wononokene ndo ku kufwa, ewa, chipwe kufwa cha ha kulusu.

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.

Hebreu 13:13

Kashika tutuhukenu tuye kuli iye haze, ni kumbata luchoko yoze amuchokele nenyi Kristu.

Usolwelo 12:11

O amukumbile, mumu ha manyinga ja Mwana-panga, ni mumu ha liji lia Shindakenyo yo; kalemesene mwono wo, ewa chipwe ndo ku kufwa.

Usolwelo 17:6

Namwene pwo kanazengewa ni manyinga ja asandu, ni manyinga ja yela ja Yesu. Muze namumwene, nakomokene ni kukomoka chinene.

Usolwelo 18:24

Muli iye awanyine manyinga ja aprofeta ni ja asandu, ni ja waze eswe aashihile hashi.

Usolwelo 2:13

Ngunanyingika kuze yena watwama, kuze ngunja ya Satana yili; ni yena wakulalaminya ku jina liami, kwalikalile Ufulielo wami, chipwe ha matangwa ja Andipa, chela chami wa jika, yoze amushihile hakachi kenu, kuze atwama Satana.