Hebreu 12:3 - MUKANDA USANDU WA ZAMBI 1975

³ Mumu Zewulenu kanawa yoze wanyongonwene ha kuhamika chinene cha yivulumunyi, cha kulimika nenyi, hanga kunuchi kevwa yikatalo, kunuchi kulezumioka mu mbunge jenu.

Mukanda Wa Zambi 1970

³ Nyongenu chize alihumikijine hakutwala ku kole ya yivulumunyi. Kashika kanda nukokoloka, alioze likolezenu.

Hebreu 12:3 Iomraidhean Croise

Yishima 24:10

Nyi mulezumuka mu tangwa lia lamba, tachi je jikepe.

Izaya 50:4

Mwene Yehova hanangwehe limi lia mukwa kulongoloka, hanga ngukanyingike kukolesa mukwa yikatalo ni liji. Tangwa ha tangwa ha chimene kakulawisa; kakulawisa twitwi liami ngwivwe ngwe akwa kulongoloka.

Mateu 11:19

Mwe Mwana Mutu wejile nikulia, nikunwa, o mamba ngwo, Chipulutu, mukwa kuzengewa, kasendo ka akwa kufwetesa lijimu ni yivulumunyi! Alioze mana hanasambe hali ana jenyi.

Mateu 12:24

Alioze muze A-Fwariseu achivwile, ambile ngwo, Yono keshi kutuhwisa andemoniu shina ni tachi ja mwata wa andemoniu.

Mateu 15:2

Kuchi te tumbaji twe akutangula ndongo ja makulwana? Mumu keshi kusana ku moko muze malia.

Mateu 21:23

Muze anjilile mu tembele, asasendote akwa lutwe ni makulwana ja atu ejile kuli iye shimbu machilongesa ngwo, Ni chiyulo chika wakulinga yino yuma? Iya wakuhele chiyulo chino?

Mateu 21:46

Alioze muze afupile kumukwata, evwile woma wa mbunga, mumu amumwene ngwe profeta.

Mateu 22:15

Hohene A-Fwariseu ayile, atwame punga ngwe chize mahasa kumutela ha kuhanjika chenyi.

Luka 14:1

Shimbu machinjila mu zuwo lia umwe mukwa kuyula a kuli A-Fwariseu, ha tangwa lia Sambata hanga alie mbolo, o te kanamulayila.

Luka 15:2

Mba A-Fwariseu ni akwa kusonyeka alinyenyetene ngwo, Yono kakutambula yivulumunyi, kakulia hamwe no.

Luka 16:14

A-Fwariseu nawa, waze apwile akwa kufwila mbongo, evwile yino yuma yeswe; amukekwine.

Luka 2:34

Semone waawahishile, wambile kuli naye Maria ngwenyi, Yono hanamusela ha kulimbuka ni ha kukatuka cha anji mu Izalele; akapwe chilayi chize anachihamikina.

Luka 5:21

Akwa kusonyeka ni A-Fwariseu aputukile kunyonga ngwo, Iya yono unahanjika kushililika Zambi? Iya mahasa kukonekena milonga shina Zambi wika?

Yoano 10:20

Anji a kuli ayo ambile ngwo, Ndemoniu akwete, kanazaluka; kuchi te nunamwivu?

Yoano 18:22

Muze te hamba chino, umwe wa kuli tupita kanamanako walambile Yesu mbangala ngwenyi, Chocho unakumbulula kuli sasendote mukwa lutwe, nyi?

Yoano 5:16

Ha chikuma chino A-Yunda ahungumionene Yesu, mumu walingile yino yuma ha tangwa lia Sambata.

Yoano 7:12

Kwapwile kulinyenyeta chinji hali iye hakachi ka mbunga; amwe ambile ngwo, Iye mupema; akwo ambile ngwo, Ka, alioze kakupiangula mbunga.

Yoano 8:13

A-Fwariseu kashika ambile kuli iye ngwo, Yena wakushindakenya hali yena mwene; Shindakenyo ye hi yamwenemwene ko.

Yoano 8:52

A-Yunda kashika ambile kuli iye ngwo, Haliapwila tunanyingika ndemoniu ukwete. Apalahama wafwile, ni aprofeta nawa; ni yena unambe ngwe, Kachi umwe matunga liji liami, kachi kechi kumona kufwa nichimwe ndo ku miaka ya mutolo.

Yoano 8:59

Anjile kashika mawe hanga amwase; alioze Yesu waswamine, watuhukile mu tembele nikupalika ndusu mukachi ko wayile kwenyi, chocho wahianyine.

Yoano 9:40

Waze a kuli A-Fwariseu apwileko hamwe nenyi, evwile yino yuma, o ambile kuli iye ngwo, Ni yetu nawa tuli tupuputa, nyi?

1 Korintu 15:58

Kashika, mandumbu jami a zango, jikizenu, kanda nukokoloka, nukahiane matangwa eswe mu milimo ya Mwene, mumu te nunanyingika, kukilikita chenu hi chamokomoko ko muli Mwene.

2 Korintu 4:1

Kashika se uvumbiko uno tuli nawo, nikulita ni keke yino hitunawane, kutushi kulezumioka:

2 Korintu 4:16

Kashika kutushi kulezumioka; alioze kachi chamwenemwene mutu wetu wa haze mapola, hindu kakupwisa mutu wa muchima mwaha tangwa ha tangwa.

Galashia 6:9

Mba kanda tulezumuka ha kulinga kanawa; mumu ha mwaka wacho kumutukacha nyi kutuchi kakokoloka.

Shimbi 20:3

ambe kuli ayo, ngwenyi, Enu A-Izalele, ivwenu, musono nunakundama mukwasa jita ni akwa kole jenu, mbunge jenu kanda jilezumuka, chipwe kwivwa woma ka, chipwe kanda nuchikima, chipwe kanda nususuka mumu hali ayo;

2 A-TESALONIKA 3:13

Alioze yenu, mandumbu, kanda nulezumuka ha kulinga kanawa.

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.

Hebreu 12:5

mba hinunavulama kushinjila chize chinanuhete ngwe kuli ana ngwo, Mwanami, kanda ulelesa kufumba cha Mwene, chipwe kanda ulezumuka muze makukumika kuli iye.

Hebreu 3:1

Kashika, mandumbu asandu, akwa! kulianyina ha kutambika cha mwilu, Zewulenu mwe Postolo kanda mwe Sasendote mukwa lutwe wa kutayiza chetu, iye Yesu.

1 Petulu 2:23

Muze amutukile, katukanyine; muze evwile lamba, komishine; aiioze walikunjikile ku moko ja yoze wakupatula ni ululi.

Usolwelo 2:3

ni chize wakunyongonona, ni chize wevwile lamba mumu ha jina liami, ni chize kwevwile yikatalo.

1 Samuel 12:24

Chino wika ngwami, Vwilenu woma Yehova nukamulingile mu umwenemwene ni mbunge jenu jeswe, nukazewule yuma yinene yipwa haha hananulingila.