Hebreu 10:1 - MUKANDA USANDU WA ZAMBI 1975

¹ Mumu shimbi se yili ni Chizulie cha yuma yipema yize muyizaho, hi we mujimba wene ko wa yuma, kuyahashile nilimwe tangwa ni yitapo yimuwika tangwa ha tangwa, yize akulambula mwaka ha mwaka, kupwisa angunu waze akukundama.

Mukanda Wa Zambi 1970

¹ Shimbi ja Mose kujishi kulita lume ni ye yuma yene, alioze kujili kwajo lume yizulie ya yiwape yize muyikeza kulutwe. Atu waze akukundama kuli Zambi kujahashile kwapwisa angunu. Kuchi mujihasa kwapisa angunu, kachi akulambula milambu yizeyene mwaka ha mwaka kuyishi songo?

Hebreu 10:1 Iomraidhean Croise

Alevi 9:16

Yakunjika mulambu wa kulumba, yautambula nikulita ni shimbi.

A-ROMA 8:3

Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya.

Kolosu 2:17

Yize yinapu yizulie ya yuma yize muyizaho; alioze mujimba wapwa wa Kristu.

Hebreu 10:22

tukundamenu ni mbunge yamwenemwene, ni kusela chinyingi liakulu cha Ufulielo: se hasapwila mbunge jetu jipema ku shimbi jipi: se hasanyisa mijimba yetu ni meya apema.

Hebreu 7:11

Achi, kachi chamwenemwene ungunu wapwile ku usasendote wa Levi, mumu atu atambwile shimbi yo kushi liawo, mba kuchi te chatamba kwiza sasendote weka nikulita ni ngango ya Melekizeteke, keshi kumwalula nikulita ni ngango ya Arone?

Hebreu 8:5

(Waze akulingila chilweza ni Chizulie cha yuma ya mwilu, ngwe Zambi watumbile Mose, muze aputukile kutunga mbalaka: mumu kanambe ngwenyi, Tala ukatunge yuma yeswe nikulita ni cheseko chize hanakulweze ha mulundu.)

Hebreu 9:11

Alioze Kristu se kapwa sasendote mukwa lutwe wa yuma yipema yize muyizaho, ku mbalaka yinene yahiana ni yingunu yahiana, kayitungile ni moko, te hi ya ku kutanga chino ko,

Hebreu 9:23

Chatamba kashika apemese yizulie ya yuma mu malilu ni yino; aiioze yuma ya mwilu yene ni yitapo yipema yahiana.

Hebreu 9:25

kuchapwile ngwe akalilambwole kanji kanji ngwe sasendote mukwa lutwe kakunjilanjila muma musandu mwaka ha mwaka ni manyinga ja mbala.