Hebreu 1:8 - MUKANDA USANDU WA ZAMBI 1975

⁸ alioze ha kutwala kuli mwe Mwana kanambe ngwenyi, Ngunja ye, Zambi, kuyili ndo ku miaka yeswe ya mutolo. Mwe lukanda wa wanangana we, lukanda wa ululi.

Mukanda Wa Zambi 1970

⁸ Alioze hakutwala kuli Mwanenyi Zambi hanambe ngwenyi: “Zambi, chitwamo che cha Wanangana muchilinduluka ku miaka yeswe ni miaka yeswe! Wakuyula Wanangana we ni ululi.

Hebreu 1:8 Iomraidhean Croise

2 Samuel 23:3

Zambi ya Izalele wambile, Liwe lia Izalele wambile kuli yami ngwenyi, Yoze mayula atu ni ululi, mayula ni woma wa Zambi.

Miaso (Masamu) 145:13

Wanangana we wapwa wa mutolo. Chiyulo che chalinduluka ku yisemuko yeswe.

Miaso (Masamu) 72:7

Ha matangwa jenyi akwa ululi kumakawaha kulumbama cha sambukila ndo kakweji wakuhi nawa.

Miaso (Masamu) 99:4

Tachi ja mwanangana jakuzanga upatwilo. Yena kuwakukolesa chize chinalite, kuwakupatula ni ululi muli Yakomba.

Izaya 45:25

Muli Yehova ana eswe a Izalele makumba ni kulisamba.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Jeremia 38:15

Jeremia yamba kuli Zedekia ngwenyi, Nyi mungunulweza te kunuchi kungushiha lume? Nyi mungunwaha mana, kunuchi kungupanjika.

Hosea 1:7

Alioze munguvwila keke munyachi wa Yunda, mba mungukaapulula ni kwoko lia Yehova Zambi yo. Chichi kaapulula ni uta, hanji ni katana, hanji ni jita, hanji ni tuvwalu, hanji ni akwa kwendesa tuvwalu.

Zakaria 13:9

Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Malaki 3:1

Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

Mateu 1:23

Talenu, *virgem kumakapwa ni ufumba, makasema mwana-lunga, no kumakamuluka jina ngwo, Emanuele; lienalio Unalumbunuka ngwo, Zambi hamwe ni yetu.

Luka 1:75

Mu usandu ni ululi kumeso jenyi matangwa eswe a mwono wetu.

Yoano 10:30

Yami ni Tata tuli umuwika.

Yoano 10:33

A-Yunda amukumbulwile ngwo, Ha chitanga chipema kutuchi kukwasa mawe, alioze ha kushililika Zambi; mumu yena, se uli mutu, wakulipwisa Zambi.

Yoano 20:28

Tomase wamukumbulwile ngwenyi, Mwene wami kanda Zambi yami.

A-ROMA 9:5

ni e tulamba, a kuli ayo, ni kuli ayo nikulita ni musunya Kristu wasemukine, Mwenawo kapwa helu lia eswe, Zambi kafumana ndo ku miaka ya mutolo.

1 Korintu 15:25

Mumu chamutamba kuyula ndo masa akwa kole jenyi eswe kushi lia yiliato yenyi.

Shimbi 2:37

Shina ku chifuchi cha ana ja Amone wika kunwakundamineko, te kweswe ku sesa lia lwiji Yapoke ni ku membo eswe a chifuchi cha milundu, kweswako Yehova Zambi yetu yatukanjisa.

Shimbi 7:14

Makanuwahisa kuhiana mavungu eswe. Kuhechi kapwa hakachi kenu mumba niumwe, chipwe lunga, chipwe pwo, chipwe hakachi ka yimuna jenu.

1 Timoteu 3:16

Ni kutayiza cheswe, chijimbikilo cha uwayilo chinene; yoze amusolwele mu musunya, amusambishile muli Spiritu, wamonekene kuli angelo, amwambujotele hakachi ka mavungu, a mufulielele hano hashi, amutambwile mwilu mu uhenya.

2 Petulu 1:11

Mumu chocho, kumakanwaha unjililo Wahiana mu wanangana wa mutolo wa Mwene wetu kanda Chilamwina Yesu Kristu.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.