Hebreu 1:3 - MUKANDA USANDU WA ZAMBI 1975

³ Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

Mukanda Wa Zambi 1970

³ Mwe Mwana kanatemuka ni kubeyima cha uhenya wa Zambi. Kulifwa chenyi chili lume pundu ngwe chize abwa Zambi. Mwanenyi kakwata yuma yeswe ku tachi ja liji lienyi. Muze habemesa atu ku shili yo, yatwama ha chitwamo cha Wanangana mwilu ku chindume cha Zambi, Mukwa Ndundo Jeswe.

Hebreu 1:3 Iomraidhean Croise

1 Sango Ja Mianangana 29:11

Unene weswe wa mbala wa yena Yehova, ni ndundo, ni uhenya, ni kukumba, ni wanangana. Mumu cheswe chili mwilu ni hashi niche. We wanangana wa yena Yehova, ni yena kuwatunda ngwe mutwe helu lia yuma yeswe.

Jobe 37:22

Ku Norte kwakukatuka uhenya ngwe oru; Zambi kanazala ulamba umwe wa kuchi-kimisa.

Miaso (Masamu) 110:1

Yehova kanambe kuli Mwene wami, ngwenyi, Twama ku chindume chami ndo mungupwisa akwa kole je chitwamo cha yiliato ye.

Miaso (Masamu) 75:3

Hashi hanasangunuka hamuwika ni waze atwamaho. Yami namikine manguji jaho.(Litulike.)

Longeshi 8:4

Mumu liji lia mwanangana tachi likwete. Iya mamuhula ngwo, Yika unalingi?

Alevi 15:15

Sasendote maalambula, umwe akapwe mulambu ha shili, mukwo akapwe mulambu wa kulumba. Chocho sasendote mamufukila ha kuhita chenyi kumeso ja Yehova.

Mika 5:4

Kumakamana nikulisa mbunga yenyi ya mapanga mu tachi ja Yehova; mu ulamba wa jina lia Yehova Zambi yenyi. O kumakatwama kawape, mumu henaho iye kumakapwa munene ndo ku masongo a hashi.

Mateu 22:24

Longeshi, Mose wambile ngwenyi, Kachi umwe mafwa keshi ana, kachi mwanakwo akambate mukwo-pwo, akasangule ana kuli yayo.

Marku 16:19

Chocho Mwene Yesu, muze te hahanjika kuli ayo, amutambwile mwilu, iye Watwamine ku chindume cha Zambi.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yoano 1:4

Muli iye mwapwile mwono; ni mwono wapwile pangu lia atu.

Yilinga 2:33

Kashika se hanamunangamisa ku kwoko lia chindume lia Zambi, ni se hanatambula kuli mwe Tata chilakenyo cha Spiritu Musandu, hanazukula chino, nunamono, nunevu haliapwila.

Yilinga 7:56

Mba wambile ngwenyi, Talenu, ngunamono malilu kanazuluka, ni mwe Mwana Mutu kanamana ku chindume cha Zambi.

A-ROMA 1:16

Mumu chishi kwivwa sonyi ha sango lipema: mumu kuliapwa je tachi ja Zambi ha ulamwino kuli mweswe mafuliela; hatangu kuli A-Yunda, ni kuli A-Ngresia nawa.

A-ROMA 8:34

Iya yoze mahisa? Ngwetu, Kristu Yesu yoze wafwile hanji yoze amuhindwishile hakachi ka afu, nyi? Yoze uli ku kwoko lia chindume lia Zambi, yoze nawa wakutuhakwila, nyi?

2 Korintu 4:4

muli ayo zambi ya mwakono hanapupuchisa manyonga ja waze keshi kufuliela, hanga kupanguka cha sango lipema lia uhenya wa Kristu, Mwenawo che kulifwa cha Zambi, kuchichi kapanguka hali ayo.

Kolosu 3:1

Kashika nyi hananuhindwisa hamwe ni Kristu, fupenu yuma yize yili kwilu, kuze Kristu ali, kanatwama ku chindume cha Zambi.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Hebreu 1:13

Alioze ha kutwala kuli mungelo muka ambile ha mwaka umwe ngwenyi, Twama ku kwoko liami lia chindume, ndo mungusa akwa kole je chitwamo cha yiliato ye?

Hebreu 10:12

Alioze iye muze te hatambula chitapo chimuwika ha milonga, Watwamine ndo ku miaka ya mutolo ku kwoko lia chindume lia Zambi.

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.

Hebreu 4:14

Kashika se sasendote mukwa lutwe munene tuli nenyi, yoze hanapalika ndusu mu malilu, Yesu mwe Mwana Zambi, tulalaminyenu ku kutayiza chetu.

Hebreu 7:27

Yoze kuchamutambile tangwa ha tangwa, chizechene ngwe asasendote akwa lutwe waze, kulambula yitapo, hatangu ha milonga yenyi mwene, ni kulutwe ha milonga ya atu: mumu chino wachilingile kamuwika kunahu, muze alilambwile mwene.

Hebreu 8:1

Achi, ha yuma yino tunambe, chikuma chahiana chino ngwetu, sasendote mukwa lutwe ngwe yono tuli nenyi, yoze hanatwama ku kwoko lia chindume lia ngunja ya Ulamba mu malilu,

Hebreu 9:16

Mumu kuze kuli usendo, chatamba nawa kufwa cha mukwa kuukolesa.

Hebreu 9:26

Nyi chocho, chamutamba kwivwa lamba kanji kanji chize ku kusela cha fundamentu ya hashi: aiioze haliapwila kamuwika ha kumanunuka cha miaka hanamusolola hanga akachize shili ha kulihana chitapo iye mwene.

1 Petulu 1:21

Yenu, kuli iye nwakufuliela Zambi, yoze wamuhindwishile hakachi ka afu, wamuhele uhenya; hanga Ufulielo wenu ni kutalatala chenu chikapwe muli Zambi.

1 Petulu 3:22

yoze kwali ku kwoko lia chindume lia Zambi, se hanayi mwilu; angelo ni akwa kuyula ni tachi nikuzeyela kuli iye.

2 Petulu 1:16

Mumu kutwakawile yishima ya kutaka ni mana amokomoko, muze twanunyingikishine tachi ni kuheta cha Mwene wetu Yesu Kristu, aiioze twapwile yela ja ulamba wenyi.

2 Petulu 1:17

Mumu watambwile kuli Zambi mwe Tata ulemu ni uhenya, muze ahanjikile liji lino kuli iye ku uhenya wa ulamba ngwo, Yono mwe Mwanami, ngunamuzange chikolo, muli iye ngunawahilila.

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.

1 Yoano 3:5

Ni yenu nunanyingika hanamusolola hanga akachize milonga, ni muli iye shili yakuhi niyimwe.

Yuda 1:25

Kuli Zambi umuwika, Chilamwina chetu, mu jina lia Yesu Kristu Mwene wetu, uhenya, ni ulamba, ni ndundo, ni yiyulo, yikapwe kushi ku miaka ya mutolo, ni haliapwila, ni ndo ku miaka ya mutolo. Amene.

Usolwelo 3:21

Yoze makumba mungumwaha mukutwama hamwe ni yami ha ngunja yami, chizechene ngwe ni yami nawa hingunakumbu, hingunatwama hamwe ni Tata ha ngunja yenyi.

Usolwelo 4:11

Yena kuwatela, Mwene wetu kanda Zambi yetu, kutambula uhenya ni ulemu ni tachi, mumu yena watangile yuma yeswe, ni mumu ha upale we yapwile, yatangiwile.