Hebreu 1:1 - MUKANDA USANDU WA ZAMBI 1975

¹ Zambi, se wahanjikile ha shakulu kuli tulamba ni makanwa ja aprofeta ku yihanda yeka ni yeka, ni ndako jeka ni jeka,

Mukanda Wa Zambi 1970

¹ Ha shakulu Zambi yahanjeka ni akwa munanyi jenyi kuli tushakulu twetu. Yachilinga yisuho yinji ni ndako jeka ni jeka.

Hebreu 1:1 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Ubutukilo 6:3

Mba Yehova yamba ngwenyi, Spiritu yami kechi kalitachika ni atu matangwa eswe, se iye nawa musunya. Hindu matangwa jenyi kumakapwa kulakaji lia miaka ni makumi aali a miaka.

Joele 2:28

Mba kulutwe mungukazukula Spiritu yami hali atu eswe. Ana jenu a malunga ni a mapwo makaprofeteza. Makulwana jenu a malunga makateta yilota, ni akweze jenu makamona usolwelo.

Luka 1:55

Kuli Apalahama, ni kuli munyachi wenyi ndo ku miaka ya mutolo (chizechene ngwe ahanjikile kuli tulamba twetu).

Luka 1:72

Mukulweza keke kuli tulamba twetu, mukwiwuluka usendo wenyi usandu;

Luka 24:27

Iye nikuputuka ku mikanda ya Mose ni ya aprofeta eswe, walumbunwine kuli ayo mu yisoneko yeswe yuma ya kutwala kuli iye mwene.

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Yoano 16:13

Alioze muze iye, mwe Spiritu ya umwenemwene heza, makanusongwela mu umwenemwene weswe; mumu kechi kahanjika cha kuli iye mwene; alioze cheswacho mevwa, chenacho makachihanjika: iye makanwambulwila yuma yize muyizaho.

Yoano 7:22

Kashika Mose hananwehe ungalami (kuchapwile ngwe wa kuli Mose, alioze wa kuli tulamba); ni ha tangwa lia Sambata nwakupwisa mutu ngalami.

Yoano 9:29

Tunanyingika Zambi wahanjikile kuli Mose; alioze hali yono mutu, kutwanyingikine kuze anakatuka.

Yilinga 13:32

Mba yetu tunanwambulwila sango lipema lia chilakenyo chize alakenyene kuli tulamba,

Yilinga 2:30

Kashika, se iye wapwile profeta, kananyingika ngwe Zambi walishingile kulu kuli iye ni shingo ngwo, Wa kuli ana jenya makatwamisa umwe ha ngunja yenyi;

Yilinga 28:23

Mba se amuselele tangwa, anji ejile kuli iye ku zuwo lia kuzeka ngeji; kuli ayo washindunwine nikushindakenya ha wanangana wa Zambi, nikwakununa ha kutwala kuli Yesu, ku shimbi ya Mose, ni ku mikanda ya aprofeta, chize ku chimene ndo ku chingoloshi.

Yilinga 3:21

chatamba kumutambula mwilu ndo ku miaka ya kululikisa yuma yeswe, ha kutwala ku yize Zambi wahanjikile ku makanwa ja aprofeta jenyi asandu chize ku miakulwila.

Hebreu 11:18

yoze ha kutwala kuli iye achambile ngwo, Muli Izake makatambika munyachi we:

Hebreu 11:2

Mumu makulwana azukile nawo Shindakenyo yipema.

Hebreu 12:25

Talenu kanda nulituna yoze unahanjika. Mumu kachi kapulukile muze alitunyine yoze waatumbile hano hashi, kachi kuhiana chikolo yetu kutuchi kuputuka kachi mutumba manyima kuli yoze unafumbu mwilu:

Hebreu 2:2

Mumu kachi liji alihanjikile mu makanwa ja angelo liakolele, ni Utanguko weswe ni uhulia weswe watambwile fweto ya kulita;

Hebreu 2:3

ngwe kuchi mutupuluka, nyi mutulengulula ulamwino upwa haha? Uze se aputukile kuwambujola ku kanwa lia Mwene, mba hanaukolesa ni makanwa ja waze evwile;

Hebreu 3:5

Ni Mose chamwenemwene wapwile mukwa jika mu zuwo lienyi lieswe, ngwe kavumbi, akapwe Shindakenyo ya yuma yize mayihanjika kulutwe lia miaka yize.

Hebreu 4:8

Mumu kachi Yoshua waahetesele ku uhwimino, kachi kahanjikile kulutwe ha kutwala ku tangwa likwo.

Hebreu 5:5

Chocho Kristu nawa kalichichimiekene mwene kupwa sasendote mukwa lutwe, aiioze yoze wambile kuli iye ngwenyi, Mwanami yena, tangwa lino hingunakuseme:

Hebreu 9:19

Mumu muze te Mose hahanjika shimbi jeswe kuli atu eswe nikulita ni shimbi, wanjile manyinga ja anangombe ni ja pembe, hamwe ni meya ni wanda uchila ni hisope, wasapwilile ni mukanda ni e atu eswe.