Hagai 2:9 - MUKANDA USANDU WA ZAMBI 1975

⁹ Mba uhenya wa kusula wa zuwo lino muuhiana uze wa shakulu. Chocho kanambe Yehova-wa-Tujita. Ni muno mwene mungukahana kuwaha. Chocho kanambe Yehova-wa-Tujita.

Mukanda Wa Zambi 1970

⁹ Zuwo liami liaha mulibwa ni uhenya kuhiana lize likulu. Mwenamo munguyukishila atu jami ni kwaaha uhwimino.” Mwene Zambi Mukwa Ndundo Jeswe hachamba.

Hagai 2:9 Iomraidhean Croise

Izaya 60:7

Mbunga jeswe ja mapanga ja Keta mujikakungulukila kuli yenu, ni kuji a mapanga a Nepayote kumakanuvumbika. Kumakeza ku chilumbilo chami mba mungukaatambula. Mungukahana uhenya ku zuwo liami lia uhenya.

Izaya 66:12

Mumu Yehova kanambe ngwenyi, Munguhetesa kuli iye kuwaha cha yitanga yenyi ngwe lwiji. Upite wa mavungu munguuhetesa kuli iye ngwe muhwiji wa kusupwokela. Munukamwa, makanumbata mu kapwete kenyi, makanususuminya ha makungunwa jenyi.

Ezekiel 43:5

mwe Spiritu yanguzundula, yanguneha mu yize ya muchima; kumanyi uhenya wa Yehova yiuzalisa tembele.

Mika 5:5

Mba yono makapwa sambukila, muze A-Asuria makanjila mu chifuchi chetu nikuliata ha mavu jetu, se yetu mutukasolola kulimika nenyi tufunga shimbiali ni alemu ja atu nake.

Hagai 1:8

Kandukenu ku milundu, nukasake mitondo, nukatunge lie zuwo hanga ngukawahilile nalio, uhenya wami usoloke. Chocho kanambe Yehova.

Hagai 2:3

Hakachi kenu angahi asala waze amwene zuwo lino ni uhenya walio wa shakulu? Kuchi nwalimona haliapwila? Kuliapwile kumeso jenu ngwe chuma chamokomoko?

Zakaria 2:5

Mumu Yehova kanambe ngwenyi, Yami mungupwa chipanga chayo cha kahia ka kujingilika; mungupwa nawa we uhenya muchima liayo.

Luka 2:14

Uhenya kuli Zambi mwilu mwahiana, Hano hashi sambukila hakachi ka atu akumuwahila.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 14:27

Sambukila ngunahichika ni yenu; sambukila ya yami ngunanweheyo, hi ngwe akwa hashi akuhana ko, yami ngunanwehe. Mbunge jenu kanda jilipikala, chipwe kanda jivwa mwongo.

Yilinga 10:36

Liji lize watumine kuli ana a Izalele, nikwambujola sambukila muli Yesu Kristu; (iye Mwene wa eswe),

1 Timoteu 3:16

Ni kutayiza cheswe, chijimbikilo cha uwayilo chinene; yoze amusolwele mu musunya, amusambishile muli Spiritu, wamonekene kuli angelo, amwambujotele hakachi ka mavungu, a mufulielele hano hashi, amutambwile mwilu mu uhenya.

Tiangu (Jake) 2:1

Mandumbu jami, kanda nukapwa ni katonde hamwe ni Ufulielo wa Mwene Yesu Kristu, mwe Mwene wa uhenya.