Hagai 2:5 - MUKANDA USANDU WA ZAMBI 1975

⁵ nikulita ni chilakenyo chize nanuhele ha kukatuka ku Engitu. Spiritu yami katwama hakachi kenu; kanda nwivwa woma.

Mukanda Wa Zambi 1970

⁵ Muze nwatuhukile mu chifuchi cha Egiptu, nanulakenyene ngwami, mungubwa hamwe ni yenu matangwa eswe. Nguli hamwe ni yenu ndoo ni musono, kashika kanda nwivwa woma.

Hagai 2:5 Iomraidhean Croise

2 Sango Ja Mianangana 20:17

Kuchatambile kwasa jita, enu A-Yunda ni A-Yerusaleme. Lilongenu, manenu chizechene nukamone ulamwino wa Yehova hamwe ni yenu. Kanda nwivwa woma, kanda nulishimwoka. Hamene tuhukenu kutakana no mumu Yehova kwali hamuwika ni yenu.

Nehemia 9:20

Wahanyine Spiritu ye mupema kwalongesa. Kwachijile maná ye mu makanwa jo; waahele meya ha pwila yo.

Nehemia 9:30

Alioze miaka yinji walihumikijine no. Waashindakenyene kuli Spiritu ye muli aprofeta. Hindu kasolo kwivwa, kashika waakunjikile mu moko ja mavungu a yifuchi.

Kutuhuka 19:4

Nwamwene chize nalingile kuli A-Engitu, ngwe yami nanumbachile ha mapulwa ja pupa nikunuhetesa kuli yami mwene.

Kutuhuka 19:6

Kumunukapwa kuli yami munyachi wa asasendote, vungu lisandu. Wano maliji muwambulula kuli A-Izalele.

Kutuhuka 24:3

Mose yaya, yambulwila atu maliji eswe a Yehova ni chiyulo cheswe. Atu eswe akumbulwile ni liji limuwika ngwo, Maliji ano eswe Yehova hahanjika kumutukaalinga.

Kutuhuka 24:8

Mose yanda manyinga, yaasapwila hali e atu ngwenyi, Talenu manyinga a usendo Yehova hanakolesa ni yenu ha kutwala ku maliji ano eswe.

Kutuhuka 34:10

Yehova yamba ngwenyi, Ngunakolesa usendo. Kumeso ja atu je eswe mungukalinga yipekesa kanda achiyilinga hashi, chipwe hakachi ka vungu nilimwe, ka. Mba atu eswe watwama hakachi ko kumakamona chitanga cha Yehova, mumu chize mungukalinga ni yena muchipwa cha kukolesa woma.

Kutuhuka 34:8

Mose walipupwishile, yahetamisa mutwe wenyi ndo hashi nikuwayila.

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Izaya 41:13

Mumu yami Yehova Zambi ye, ngunakukwata ku kwoko lie lia chindume; yami mwene ngunambe kuli yena ngwami, Kanda wivwa woma, mungukukwasa.

Zakaria 4:6

Aye yamba kuli yami ngwenyi, Lie liji lino lia Yehova kuli Zorobabele ngwenyi, Yehova-wa-Tujita kanambe ngwenyi, Hi ku ndundo ko hanji ku ngolo alioze kuli Spiritu yami.

Zakaria 8:13

Nwapwile kashilikilo ka kushinga hakachi ka mavungu, chizechene yenu akwa munyachi wa Yunda ni munyachi wa Izalele mungukanulamwina mba munupwa chiwape. Kanda nwivwa woma; moko jenu akatakame.

Zakaria 8:15

chocho nawa Yehova-wa-Tujita kanapale matangwa ano kulinga chipema ku Yerusaleme, ni ku munyachi wa Yunda. Kanda nwivwa woma.

Mateu 28:5

Mungelo wakumbulwile, wambile kuli mapwo ngwenyi, Kanda nwivwa woma; mumu ngunanyingika nunafupu Yesu, yoze anakamuhachila ha kulusu.

Yilinga 27:24

ngwenyi, Paulu, kanda wivwa woma; Chakutamba kumana kumeso ja Sesare, ni chikwo nawa, Zambi hanakwehe waze eswe akwenda mu ulungu hamwe ni yena.

Yoshua 1:9

Te chakutumine nyi? Takama; hamuka; kanda wivwa woma hanji mwongo, mumu Yehova Zambi ye hwali hamwe ni yena kweswako muoya.

Yoshua 8:1

Yehova yamba kuli Yoshua ngwenyi, Kanda wivwa woma hanji mwongo. Twala tujita eswe, katuka uye ku Ayi. Hinakunjika mwanangana wa Ayi, ni atu jenyi, ni chihunda chenyi, ni chifuchi chenyi mu kwoko lie.

Usolwelo 1:17

Muze namumwene, nafulamanyine ku yiliato yenyi ngwe mufu; iye Wasayikile kwoko lienyi lia chindume hali yami, ngwenyi, Kanda wivwa woma, yami nguli mwe mutangu ni mwe kasula-songo;

1 Samuel 12:20

Samuel yamba kuli atu ngwenyi, Kanda nwivwa woma. Chamwenemwene hinwalinga chipi chino cheswe, hindu ha kukaula Yehova, kanda nupiasuka. Lingilenu Yehova ni mbunge jenu jeswe.