Hagai 2:3 - MUKANDA USANDU WA ZAMBI 1975

³ Hakachi kenu angahi asala waze amwene zuwo lino ni uhenya walio wa shakulu? Kuchi nwalimona haliapwila? Kuliapwile kumeso jenu ngwe chuma chamokomoko?

Mukanda Wa Zambi 1970

³ “Kukuli umwe mutu yoze unewuluka uhenya wa zuwo litangu lia Zambi, nyi? Ngwe kuchi zuwo lino liaha linasoloka kuli yenu? Linasoloka lume ngwe Chuma chamokomoko kuli yenu.

Hagai 2:3 Iomraidhean Croise

1 Sango Ja Mianangana 22:5

David yamba ngwenyi, Mwanami Solomone kanuke chimbovu, ni zuwo lino makalitunga hali Yehova chatamba kuhiana kupema; lia lufuma ni uhenya ndusu mu yifuchi yeswe. Kashika mungulilulikila ye yuma. Chocho David yalulika yuma ya kulumbama shimbu kandafwa.

Ezra 3:11

Yemba umwe kuli mukwo ni mukwo uhaliso ni kusakwila kuli Yehova ngwo, Mumu iye mupema, Mumu utu wa zango lienyi kuli Izalele wa mutolo. Mba muze hahalisa Yehova atu eswe yakololoka ni liji linene mumu fundamentu ya zuwo lia Yehova hayisa.

Ezra 3:12

Alioze anji a kuli asasendote, ni A-Levi, ni akwa lutwe mu minyachi yaatato, makulwana aze hamona zuwo litangu, muze hasa fundamentu ya zuwo lino kumeso jo yalila mbimbi. Alioze anji akololokele ni kulikwiza.

Izaya 64:10

Yihunda ye yisandu hiyalumuka puya. Zaione hiyalumuka puya, Yerusaleme hiyapwa ya hululu.

Ezekiel 7:20

Yuma yo ya uhenya ayitengele ya kulilengela nayo; alingile nayo tuponya two a lwaji ni yuma yo ya kuvwisa kupiha, kashika munguyipwisa yuma ya luchisa kuli ayo.

Hagai 2:9

Mba uhenya wa kusula wa zuwo lino muuhiana uze wa shakulu. Chocho kanambe Yehova-wa-Tujita. Ni muno mwene mungukahana kuwaha. Chocho kanambe Yehova-wa-Tujita.