Hagai 1:9 - MUKANDA USANDU WA ZAMBI 1975

⁹ Nwataliletalile chinji, alioze chapwile chikehe, ni muze nwachinehene ku zuwo nachifujile—opu! Yehova-wa-Tujita kanahula ngwenyi, Kuchi te? Mumu ha zuwo liami lize Unatwama lia kupuzula shimbu yenu nunahondangana mutu mweswe ni zuwo Henyi mwene.

Mukanda Wa Zambi 1970

⁹ “Nwasele mbunge ha kubatula mbuto yinji, alioze yiyalumuka yikepe. Ni muze nwambachile mbuto ku mazuwo jenu, yami yinguyifujila kweka. Mumu yika nalingile chino? Mumu zuwo liami lili liakwenyeka, alioze mukachi kenu mutu ni mutu kakululika shina zuwo lienyi mwene.

Hagai 1:9 Iomraidhean Croise

2 Samuel 21:1

Kwapwile kapunga ha matangwa a David miaka yitatu mwaka ha mwaka. David wahulile kuli Yehova. Yehova yamba ngwenyi, Chino chuma chapwa mumu hali Saulu ni munyachi wenyi wa kumwanga manyinga, mumu washihile A-Ngibeone.

2 Samuel 22:16

Mba ha mashima ja kalunga-lwiji hasolokele, fundamentu ja hashi jafukukile ha kwámbila cha Yehova, ha kakundukundu ka mwiku wa mu mazulu jenyi.

1 MIANANGANA 19:7

Mungusa muli iye umwe spiritu, mba mevwa lufuma umwe akahiluke ku chifuchi chenyi mwene. Mungumushihisa ni katana mu chifuchi chenyi mwene.

Jobe 10:2

Mungwamba kuli Zambi ngwami, Kanda unguhisa lume. Ngulweze kama chize unguli nacho.

Yishima 11:24

Kwali chihanyi kakuliwezela upite; kwali mukwa kumina chize chamutamba kuhana, hindu chatwala ku uswale wika.

Yishima 27:20

Shiole ni ye Apandone kuyishi kuzala; chocho meso ja mutu kechi kayuka.

Longeshi 1:8

Yuma yeswe yazala tò ni yikatalo; mutu kechi kuhasa kuchilumbununa. Liso kulichi kuyuka ha kutala; twitwi kulichi kukuta ha kwivwa.

Izaya 40:7

Mwambu wakuma, chitemo chakulela, muze mwiku wa Yehova muulambako. Pundu, atu kanapu ngwe mwambu.

Izaya 5:10

Mumu munda wa uva wa kulima ni kumi lia kanga ja ngombe muwima *mbate yimuwika, ni njongo ya *homere yimuwika muyima *efa wika.

Jeremia 12:13

Hakuwa tiliku alioze hacha mbimbo, halivwisa yikola alioze kufumbuka chakuhi, mihuko yenu munuyivwila sonyi, mumu ha utenu usasu wa Yehova.

Ezekiel 21:31

Munguzukula hali yenu ufwatulo wami. Mungukafuza hali yenu kahia ka ufwatulo wami; mungukanukuniika mu tachi ja malunga yingandangali waze hajama ha milimo ya kwonwona.

Alevi 19:25

Alioze ha mwaka wamuchitano munukalia mihuko hanga yikeme ya kulumbama kuli yenu. Yami Yehova Zambi yenu.

Hagai 1:4

Kumanyi matangwa hanahete a kutwama mu mazuwo jenu a kululika kanawa ni mitondo shimbu zuwo lino Unatwama lia kupuzula?

Hagai 1:6

Hinwalima chinji, alioze hinwacha chikepe. Nunali, alioze kunwakuchile. Nunanu alioze pwila kuyahwile. Nwazala, alioze eswe chishika nunevu. Ni yoze wakulingila fweto, kakulingila fweto akayise mu njeke yikwete yituwa.

Malaki 2:2

Yehova-wa-Tujita kanambe ngwenyi, Nyi kunuchi kupanjika ni kuchisa mu mbunge kuchichimieka jina liami mungutuma shingo hali yenu. Yiwape yenu munguyishinga, chipwe haliapwila hinayishinga kulu mumu chino chuma kunwachisele mbunge.

Shimbi 28:38

Munukambata mbuto yinji ku munda, munukakunga yikepe, mumu makumbi makayilia.

Usolwelo 2:4

Alioze chino ngukuli nacho ngwami, Hiunahichika zango lie litangu.

Usolwelo 3:19

Waze eswe ngunaazange nakwaámbila, nakwalamba ha kufumba: sako mbunge yeswe kashika, Ulikonyeke.